ئامېرىكا ABC خەۋەرلىرى تورىنىڭ 11 - ئاينىڭ 12 - كۈنىدىكى خەۋرىگە قارىغاندا، گىرمانىيە بېرلىن Charite ئۇنىۋېرسىتېتى  ( Berlin's Charite hospital and medical school  ) دوختۇرخانىسىنىڭ دوكتۇرى Gero Huetter نىڭ يېتەكچىلىكىدىكى بىر داۋالاش گۇرۇپپىسى 1 نەپەر ئاق قان كېسەللىكىگە ۋە ئەيدىز كېسەللىكىگە گىرىپدار بولغان بىمارنى يىلىك كۆچۈرۈپ داۋالاش ئۇسۇلى بويىچە ئوپېراتسىيىلىك داۋالىغان. نەتىجىدە، بىمارنىڭ ئاق قان كېسەللىكى ساقايغاندىن تاشقىرى، بىمارنىڭ بەدىنىدىكى بارلىق ئەيدىز ۋىرۇسى ( HIV ) مۆجىزە خاراكتېرلىك يوقاپ كەتكەن.
تەپسىلاتلاردا قەيىت قىلىنىشىچە، مەزكۇر بىمار بېرلىندا تۇرىۋاتقان ئامېرىكىلىق بولۇپ، ئۇنىڭ ئەيدىزدىن يۇقۇملانغىنىغا 10 يىللاردىن ئاشقان ھەمدە ئۇ يەنە ئاق قان كېسەللىكىگىمۇ گىرىپدار بولۇپ قالغان. Gero Huetter نىڭ يېتەكچىلىكىدىكى داۋالاش گۇرۇپپىسى پەقەت ئۇنىڭ ئاق قان كېسىلىنى داۋالاش مۇددىئاسى بىلەن يىلىك كۆچۈرۈش ئوپېراتسىيىسى ئىشلىگەن بولۇپ، داۋالاش نەتىجىسىدە مۆجىزە خاراكتېرلىق تاساددىبيلىق كۆرۈلۈپ، بىمارنىڭ تېىنىدىكى بارلىق ئەيدىز ۋىرۇسى ( HIV ) پۈتۈنلەي يوقالغان. يەنى، بىمارنىڭ تېنىگە كۆچۈرۈلگەن يېڭى يىلىك ھۈجەيرىسى ئەيدىز ۋىرۇسىغا قارشى تۇرالايدىغان ھۈجەيرىلەرنى ئىشلەپ چىقىرالىغان.
مەزكۇر بىمارنى 20 ئاي يېقىندىن كۆزىتىپ تەكشۈرگەندە، بىماردا ئەيدىز ۋىرۇسى ( HIV ) دىن يۇقۇملانغانلىق ئالامىتى بايقالمىغان.
بۇ قېتىملىق داۋالاشنىڭ نەتىجىسى ھەقىقەتەنمۇ كىشىنى ھاياجانغا سالسىمۇ، تەتقىقاتچىلار ۋە داۋالاش گۇرۇپپىسىىدىكىلەر بۇ پەقەت بىر قېتىملىق داۋالاش مۆجىزىسى ، توغرىسى تاساددبىيلىق بولۇشى مۇمكىن، بۇ پەقەت ئايرىم مېسال، بۇ بىمارنىڭ پىشانىسى بەكلا ئوڭكەن، دېيىشىدۇ. ئەمما، كۆپىنچە كىشىلەر بۇ داۋالاش نەتىجىسى ئىنسانلارنىڭ ئەيدىز ئۈستىدىن غالىب كېلىش ئىرادىسىگە يېڭى ئىلھام بولغۇسى دەپ قاراشماقتا ئىكەن.
نۆۋەتتە، دۇنيا بويىچە ھەر يىلى 0000 200 نەپەر ئادەم ئەيدىز تۈپەيلى ھاياتىدىن ئايرىلماقتا. پۈتۈن دۇنيادىكى  ئەيدىز ۋىرۇسى ( HIV ) يۇقۇمدارلىرىنىڭ سانى 0000 3300 نەپەردىن ئېشىپ كەتتى.

ئەسلى مەنبە: http://www.abcnews.go.com/Health/wireStory?id=6239536