نۇرغۇن كىلىنكىلىق كېسەللەردىن ئىسپاتلىنىشچە، كۆپلىگەن جىنسىي كېسەللىكلەر ئېغىز زىناسىدىن باشلىنىدىكەن. دوكتۇر رېنسنىڭ ماتېرياللاردا كۆرسىتىلىشىچە ، قوقاق، جىنسىي ئەزا ئۆسمىسى، سۆزنەك، كېسەل قوزغاتقۇچى باكتىريىدىن يۇقۇملىنىش ۋە سىفلىس كېسەللىكلىرى دائىم ئېغىز زىناسى ئارقىلىق پەيدا بولىدىكەن. چۈنكى، ئېغىز بوشلۇقىنىڭ شىللىق پەردىسى بىلەن جىنسىي ئەزالاردىكى شىللىق پەردە ئوخشاپ كېتىدۇ، ئۇلار باكتېرىيىدىن يۇقۇملىنىش ۋە كېسەللىك ئۆزگىرىش پەيدا بولۇشنىڭ ئالدىنى ئېلىش رولىنى ئوينايدۇ. نۇرغۇن كەسپىي دوختۇرلارنىڭ ئادەتتە رەسمىيەت بويچە كېكىردەك بىلەن جىنسىي ئەزالاردىكى شىللىق پەردىنى ئەينەككە ئەۋرىشكە ئېلىپ تەكشۈرۈشىنىڭ سەۋەبىمۇ شۇ.
كۆپچىلىككە مەلۇم، ئەيدىز كېسىلى ئەڭ خەتەرلىك كېسەل ھېسابلىنىدۇ. ئەگەر بىر ئادەم بەخىتكە قارشى بۇ كېسەلنى يۇقتۇرۋالسا، ئۇ ھالدا ئۇ ھالدا ئەيدىز كېسىلىنى يۇقتۇرغۇچى ۋىرۇس (HIV) مەنىي ياكى جىنسىي يولدىن ئاجرىلىپ چىقىدىغان سۇيۇقلۇق ئىچىگە يوشۇرۇنغان بولىدۇ. ئۇ جىنسىي ئەزالار ئۇچرىشىش ئارقىلىق يۇقۇدۇ. بولۇپمۇ ئېغىز زىناسى قىلغۇچىلارغا تېخىمۇ ئاسان يۇقۇدۇ. چۈنكى ، ئۇلار مەنى ۋە جىنسىي يول ئاجرالمىلىرى بىلەن بىۋاستە ئۇچرىشىدۇ. ئەگەر شۇ ئادەمنىڭ ئېغىز بوشلۇقىدا جاراھەت بولسا، جاراھەت ئورنىنىڭ چوڭ-كېچىك بولىشىدىن قەتئىي نەزەر، ئەيدىز كېسىلى ۋىرۇسى ۋە باشقا جىنسىي يۇقۇملۇق باكتېريىلەر  شۇ جاراھەت ئېغىزى ئارقىلىق بەدەنگە كىرىۋالىدۇ، ئۇنىڭ ئۈستىگە ۋىرۇس ئاسانلا ئاشۇنداق جاراھەت ئېغىزلىرىغا توپلىشىۋالىدۇ.