ئېھتىمال سىز چېنىقىش، يېمەكلىكتىن پەرھىز تۇتۇش، ماي سېرىشتەك ئۇسۇللارنى قوللىنىپ، ئۇرۇقلاش مەقسىتىگە يەتمەكچى بولغان بولسىڭىزمۇ، يەنىلا مەغلۇپ بولۇشىڭىز مۇمكىن. بۇنىڭ سەۋەبلىرى مۇنداق: 1.كېچىلىرى دائىم چىراغنى ئۆچۈرمەي ئۇخلاش. تەتقىقاتلاردا ئىسپاتلىنىشىچە، كېچىدىكى چىراغ نۇرى ناھايىتى سۇس بولسىمۇ، بەدەننىڭ ئېغىرلىقىنى ئاشۇرۋېتىدىكەن. شۇ سەۋەبلىك سەمرىپ كەتكەندە، چېنىقىش ياكى يېمەكلىكنى تەڭشەپمۇ ئورۇقلىغىلى بولمايدۇ.  2.ئۇيقۇسىزلىق. كۈنىگە تۈت سائەتلەردىن كەم ئۇخلايدىغانلارنىڭ سەمرىپ كېتىش ئېھتىماللىقى نورمال ئۇخلايدىغانلارغا قارىغاندا 73% يۇقىرى بولىدىكەن. 3. سېمىزلىكمۇ يۇقىدۇ. ناۋادا بىرەيلەننىڭ دوست- بۇرادەرلىرى ياكى ئۇرۇق- تۇغقانلىرى سېمىز بولسا، سەمرىش ئېھتىماللىقى 57%بولىدىكەن. بۇ ئارلىشىۋاتقانلارنىڭ ئۇزۇقلىنىش ۋە تۇرمۇش ئادىتىنىڭ تەسىرىدىن بولىدىكەن. 4. دائىم ھاۋا تەڭشىگۈچ ئىشلىتىش. تېمپېراتۇرا تۆۋەن بولسا، بەدەننىڭ ماي سەرپىياتىمۇ تۆۋەن بولىدۇ-دە ، نورمال ھارارىتىنى ساقلايدۇ. تېمپېراتۇرا يۇقىرى بولسا، ئىشتىھا تۇتۇلىدۇ. شۇڭا ھاۋا تەڭشىگۈچ ئىشلىتىدىغانلارنىڭ ئىسسىقلىقنى تەڭشىشى توسالغۇغا ئۇچراپ، ئاسانلا سەمرىپ كېتىشنى كەلتۈرۈپ چىقىرىدۇ. 5.زۇكام. ۋىرۇس بەدەندىكى ماي مىقدارىنى ئاشۇرۇۋېتىدۇ. مەلۇم خىل زۇكام ۋىرۇسى بىلەن گال ياللۇغىنى كەلتۈرۈپ چىقىرىدىغان ۋىرۇس ئادەمنىڭ سەمرىپ كېتىشىگە سەۋەب بولىدىكەن.