ئادەتتە بوۋاقلار يىغلاپ غەلۋە قىلغاندا ،ئاتا-ئانىلار ،بالا باققۇچىلار بالىنى بەزلىمەك بولۇپ قاتتىق تەۋرىتىدۇ ياكى قولىغا ئېلىپ لىڭشىتىدۇ.ئەمىلىيەتتە بۇ ئىنتايىن قاراملىق بولۇپ ،ئويلىمىغان ئاقىۋەتلەرنى ئېلىپ كېلىدۇ.
   بوۋاقلارنىڭ بېشى چوڭراق ،تارىمۇشىنىڭ ئىلاستىكىلىقى ناچار ،بويۇن مۇسكۇللىرى يۇمشاق ،بويۇن ئومۇرتقىسى قاتمىغان ،چوڭ مىڭىسىنىڭ ئۆمۈچۈك تورسىمان پەردە ئاستى بوشلۇقى ئارىلىقى كەڭ ،مىڭىسىدىكى سۇ مىقتارى كۆپ بولغاچقا ،تەۋرىتىپ ياكى لىڭشىتىپ تۇيۇقسىز توختاپ قالغاندا مىڭە قاتتىق قېپى ئاستى قانلىق ئىششىقى ،مىڭە سۇلۇق ئىششىقى ،بويۇن ئۆمۇرتقىسى زەخىملىنىش قاتارلىق كېسەللىكلەرنى پەيدا قىلىدۇ.نەتىجىدە بوۋاق سۈت ئەمگىلى ئۇنىمايدىغان ،كۆزىنى ئاچماي ئۇخلايدىغان ياكى جىلىخور بولۇپ قالىدۇ.ئېغىر بولغاندا تۇيۇقسىز ھۇشسىزلىنىپ قېلىش ،نەپەس ئېلىش قىيىنلىشىش ،قاتتىق قۇسۇش قاتارلىق باش ئىچكى بېسىمىنىڭ ئېشىپ كېتىشى سەۋەبىدىن بولغان كېسەللىك ئالامەتلىرى كۆرىلىدۇ.بەزىدە بالىنىڭ ئەقلى ئىقتىدارى تۆۋەن بولۇش ،ھەرىكەت ئىقتىدارى توسالغۇغا ئۇچراش ،كۆزى كۆرمەس بولۇپ قېلىش ،مىڭە قورۇلۇپ قېلىش ،مىڭە يۇمشاش ،مىڭە سۇلۇق ئىششىقى قاتارلىق كېسەللىكلەرنى پەيدا قىلىدۇ.
   شۇڭا بالىنى قاتتىق تەۋرىتىپ ياكى لىڭشىتىپ بەزلەشتىن ھەزەر ئەيلەش كېرەك.