ئەنگلىيەدە چىقىدىغان«كۈندىلىك پوچتا گېزىتى»نىڭ خەۋەر قىلىشىچە، تەتقىقات خادىملىرىنىڭ ئەمەلىي تەتقىقات نەتىجىلىرى ئېگىز بىنالارنىڭ ئەڭ ئۈستۈنكى قەۋىتىدە ئولتۇرغان ئادەمنىڭ ئادەتتىكى قەۋەتسىز ئۆيدە ئولتۇرغان ئادەمگە قارىغاندا تېز قېرىپ كېتىدىغانلىقىنى ئىسپاتلىغان.

　　ئامېرىكا ئالىملىرىنىڭ بۇ بايقىشى ئېينىشتىيىن ئوتتۇرىغا قويغان يەر يۈزىدىن قانچە يىراقلاشقانسېرى سائەتنىڭ مېڭىش سۈرئىتى شۇنچە تېزلىشىدۇ، دېگەن نەزەرىيەنى ئىسپاتلىغان. كۆپ يىللاردىن بۇيان، بۇ نەزەرىيە ئومۇميۈزلۈك ئېتىراپ قىلىنغان بولسىمۇ، لېكىن كىشىلەر ھەيران قالغۇدەك ئىنچىكە پەرقنىڭ ئۆلچەپ چىقىلىشى تۇنجى قېتىملىق ئىش.

　　ئامېرىكا ئۆلچەم ۋە تېخنىكا تەتقىقات ئورنىدىكى فىزىكلار دۇنيادىكى ئەڭ توغرا ماڭىدىغان ئىككى سائەتنى تەجرىبە قىلغان. نەتىجىدە، ئۇلار پەلەمپەيدىن چىقىشتەك بىر ئاددىي ھەرىكەتنىڭ ئادەمنىڭ قېرىشىنى تېزلىتىدىغانلىقىنى بايقىغان.

　　ئەگەر سائەتنى ئېلىپ يۈرگەن كىشىپەلەمپەيدىن يۇقىرىغا قاراپ بىر قەدەم يۆتكىسە، سائەت ئىسترېلكىسىنىڭ ئايلىنىشى تېزلىشىدىكەن. بۇنىڭدىكى پەرق كۆز بىلەن كۆرگىلى بولمايدىغان دەرىجىدە كىچىك بولسىمۇ،تەجرىبىدە ئىسپاتلانغان. شۇڭا، بىر ئادەمنىڭ ئۆمرىنى 79 ياش، دەپ ھېسابلىغاندا، ئۇكىشى يۇقىرىغا قاراپبىر قانچە قەدەم ماڭسا، ئۇ ئۆزىنىڭ ئۆمۈركۆرۈش ۋاقتىدىن 100 مىليوندىن توققۇز سېكۇنت ئۆمرىنى خوراتقان بولىدىكەن. ئەگەر يۇقىرىغا تەخمىنەن ئون فۇت ئۆرلىسە، يەر يۈزىدە تۇرغان ئادەمگە نىسبەتەن مىليوندىن 90سېكۇنت ئۆمرى خورىغان بولىدىكەن. شۇنىڭغا ئاساسەن، تەتقىقاتچىلار ئەگەر بىر ئۆمۈر بىنانىڭ (ئېگىزلىكى 1250 فۇت كېلىدىغان) 102 – قەۋىتىدە ئولتۇرغان ئادەم 1 مىليوندىن 104 سېكۇنت ئۆمرىنىخوراتقان بولىدۇ، دەپ ھۆكۈم قىلغان. بۇ تەتقىقات گۇرۇپپىسىنىڭ تەتقىقات نەتىجىسى يەر شارى ۋە ئېغىرلىق كۈچ مەيدانىنى ئۆلچەش ئۇسۇلىنى ياخشىلاشتا قوللىنىلماقچى ئىكەن.