ئاق ھاراقنى خۇرۇم ئاياغنىڭ پۇتنى غاجىغان يېرىگە سۈركەپ، بەش مىنۇتتىن 15 مىنۇتقىچە تۇرغۇزۇپ، ئاياغنىڭ خۇرۇمى سەل يۇمشىغاندىن كېيىن، كىيىپ سىناپ بېقىڭ، ئاياغ پۈتۈنلەي قۇرۇپ بولغاندىن كېيىن پۇتىڭىزنى ئۇنچىلىك بەك غاجاپ كەتمەيدۇ. بۇنىڭدىن سىرت يەنە ئىككى خىل ئاددىي ئۇسۇل بار: 1. خۇرۇم ئاياغنىڭ كەينى پۇتىڭىزنى غاجىسا، ئاياغنى كىيمىگەن ۋاقتىڭىزدا كىچىك قۇتا ياكى پايپاق، لاتا قاتارلىق نەرسىلەرنى ئاياغ ئىچىگە سېلىپ قويۇڭ. مۇشۇنداق بولغاندا ئايىغىڭىزنىڭ ئىچى بىر ئاز كېڭىيىپ، ئاياغنى كىيگەندە پۇتىڭىزنى ئۇنچە بەك غاجاپ كەتمەيدۇ؛ 2. ئاياغ كىيگەندە ئاياغنىڭ پۇتىڭىزنى غاجايدىغان ئورنىغا پىلاستىر چاپلىۋېلىڭ.