گۆش سىڭمىگەندە مۇۋاپىق مىقداردا قاقلانغان دولانانى سۇدا قاينىتىپ ئىچىپ بەرسە ياكى خام دولانانى چايناپ بەرسە بولىدۇ .
  گۈرۈچ تامىقى سىڭمىگەندە قىرماقنى ئېزىپ تالقانلاپ ، ئاق شېكەر سېلىنغان قايناق سۇ بىلەن ھەر قېتىمدا 15–20 گرامدىن يەپ بەرسە بولىدۇ .
  پۇرچاق يېمەكلىكى سىڭمىگەندە  پاكىز يۇيۇلغان خام تۇرۇپنى ئېزىپ شەربىتىنى چىقىرىپ ، بىر نەچچە قېتىمغا بۆلۈپ ئىچسە بولىدۇ .
  ئۇن تامىقى سىڭمىگەندە  20 گرام قورۇلغان ئارپا ئۈندۈرمىسىنى سۇدا قاينىتىپ ئىچىپ بەرسە بولىدۇ . 12 گرام تۇرۇپ ئورۇقىنى قورۇپ تالقانلاپ ، سۇدا قاينىتىپ ئىچىپ بەرسىمۇ ياكى ھورنان پارچىسىنى كۆيدۈرۈپ تالقانلاپ ، قارا شېكەر سېلىنغان قاينىتىلغان سۇ بىلەن يەپ بەرسىمۇ بولىدۇ .
  تۇخۇم سىڭمىگەندە شوۋىگۈرۈچكە بىر قوشۇق ئاچچىقسۇ قۇيۇپ ئىچىۋەتسىمۇ بولىدۇ .
  مېۋە سىڭمىگەندە ئۈچ پارچە يالپاقلانغان خام زەنجىۋىلنى سۇدا قاينىتىپ ، سۇيىنى ئىچىپ بەرسە بولىدۇ .