ئامېرىكىدا بىر تۈرلۈك تەتقىقات نەتىنجىسىدە كۆرسىتىلىشىچە،كۈندىلىك ئوزۇقلىنىشتا مۇۋاپىق مىقداردا قاتتىق پوستلۇق مېۋىنى قوشۇپ ئىستىمال قىلىپ بەرگەندە،بەدەندىكى خولستىرول مىقدارىنى تۆۋەنلىتىدىكەن ھەم تەن سالامەتلىككىمۇ پايدىلىق ئىكەن.
ئامېرىكا لوماندا ئۇنۋرستىتى تەتقىقاتچىسى تەتقىقات ئوبېكتىنى ئىككى گورۇپپىغا ئايرىپ،بىر گورۇپپىدىكىلەرنىڭ كۈندىلىك تاماقلىنىشىغا قاتتىق پوستلۇق مىۋە قوشۇپ بەرگەن،يەنە بىر گورۇپپىدىكىلەر ھېچقانداق قاتتىق پوستلۇق مىۋە ئىستىمال قىلمىغان.
583 نەپەر تەتقىقات ئوبىكتى ئىچىدە ئەرلەرمۇ ئاياللارمۇ بار بولۇپ،ئۇلار ئوخشاش بولمىغان يەتتە دۆلەتتىن كەلگەن،يېشى 19 ياش بىلەن 86 ياش ئارلىقىدا ئىكەن،ئۇلارنىڭ ئىچىدىكى بەزىلىرىنىڭ بەدىنىدىكى خولستىرول ئازراق يۇقىرى،بەزىلىرىنىڭ بەدىنىدىكى خولستىرول نورمال بولۇپ،ئۇلاردىكى ئورتاقلىق قاندىكى ماينى تۆۋەنلىتىدىغان دورىلارنى ئىستىمال قىلىپ باقمىغان.
تەتقىقاتچى جەمئىي 25 تۈرگە ئورۇنلاشتۇرۇپ،ئىككى گورۇپپىدىكى سىتاستىكىلىق سانلارنى سېلىشتۇرۇپ تەھلىل قىلغاندىن كېيىن،ھەر كۈنى ئوتتۇرا ھېساپ بىلەن 67 گرام قاتتىق پوستلۇق مىۋە يەيدىغانلارنىڭ بەدىنىدىكى خولستىرولنىڭ قۇيۇقلۇقى %5.1 تۆۋەنلىگەنلىكىنى،بەدەنگە زىيانلىق بولغان تۆۋەن قۇيۇقلۇقتىكى ماي ئاقسىل خولستىرولى قۇيۇقلۇقىنىڭ %7.4 تۆۋەنلىگەنلىكىنى،قاندا ماي ماددىسى يۇقىرى بولغانلارنىڭ قاندىكى ماي ماددىسى %10.2 تۆۋەنلىگەنلىكىنى بايقىغان.
مۇۋاپىق مىقداردا قاتتىق پوستلىق مىۋە يەپ بەرگەندە،ھەقىقەتەنمۇ بەدەندىكى خولستىرولنى تۆۋەنلەتكىلى بولىدىكەن،ھەر قانداق تۈردىكى قاتتىق پوستلۇق مىۋىنىڭ مۇشۇ خىل رولى بار ئىكەن.
بۇ تەتقىقاتتا بايقىلىشىچە،قاتتىق پوستلىق مېۋىنىڭ كىشىلەرنىڭ تەن سالامەتلىكىنى ياخشىلاشتىكى رولى ئاساسلىقى شۇ كىشىنىڭ بەدەن ئېغىرلىقى ۋە ئاساسىي تۆۋەن قۇيۇقلۇقتىكى ماي ئاقسىل خولستىرولىغا مۇناسىۋەتلىك ئىكەن.
نورمال ھالەتتە بىر ئادەمنىڭ بەدەن ئېغىرلىقى قانچە يىنىك بولسا قاتتىق پوستلۇق مىۋە يەپ خولستىرولنى تۆۋەنلىتىش ئۈنۈمى شۇنچە كۆرۈنەرلىك بولىدىكەن،سىمىز ئادەملەرگە ئۈنۈمى ئانچە كۆرۈنەرلىك بولمايدىكەن.ئەگەر بىر ئادەمنىڭ تۆۋەن قۇيۇقلۇقتىكى ماي ئاقسىل خولستىرولى باشقىلارنىڭكىدىن يۇقىرى بولسا،ئۇ ئادەمنىڭ قاتتىق پوستلۇق مىۋە يىگەندىكى ئۈنۈمى تېخىمۇ كۆرۈنەرلىك بولىدىكەن.
