كۆزدە كۆرۈلگەن ئالامەتلەر كۆز كېسەللىرىدىن بېشارەت بېرىپ ، بالدۇر بايقاش ، بالدۇر داۋالاشقا پايدىلىق بولىدۇ . ئەمما سەل قارىسا كېسەل تېخىمۇ ئېغىرلىشىپ كېتىشى مۇمكىن .
    1.كۆزگە قان ئويۇپ قېلىش
    كۆزدىكى بىرىكتۈرگۈچى پەردىگە قىلدام قان تومۇرلار تارقالغان بولۇپ ، قان تومۇرلار يېرىلسا ، كۆزگە قان ئۇيۇپ قالىدۇ . مۇتەخەسىسلەر كۆزگە قان تولۇشنى پەيدا قىلىدىغان سەۋەبنىڭ ئېنىق ئەمەسلىكىنى ، بىراق يۇقىرى قان بېسىمى ۋە قان پىلاستىنكىسى تۆۋەنلەپ كېتىش كېسەللىكلىرىدە كۆزگە قان ئويۇپ قېلىش ئالامەتلىرى كۆرۈلىدىغانلىقىنى ئەسكەرتتى .
    2.كۆز پولتىيىپ چىقىش
    قالقانسىمان بەز كېسىلى ئاغرىقلىرى قالقانسىمان بەز ئىقتىدارى نورمالسىزلىشىپ ، كۆز ئەتراپىدىكى توقۇلمىلار ئىششىپ قالغاچقا ، كۆز پولتىيىپ قالغاندەك كۆرۈنىدۇ .
    3.قاپاق ساڭگىلاش
    باشنىڭ چوڭىيىشىغا ئەگىشىپ ، كۆپ ساندىكى كىشىلەرنىڭ قاپىقى ساڭگىلاپ قالىدۇ . بىراق ئامېرىكا كالىفورنىيە ئۇنىۋېرسىتېتىدىكى مۇتەخەسىسىىنىڭ كۆرسىتىشىچە ، قاپاق ساڭگىلەش مېڭە ئۆسمە راكى ۋە ئېغىر كېسەللەرنىڭ مۇسكۇلدا كۈچ بولماسلىق قاتارلىقلاردىن بىشارەت بېرىشى مۇمكىن ئىكەن .
    4.كۆز قارىچۇقىدىكى نورمالسىزلىق  
    نورمال ئەھۋال ئاستىدا ئوڭ ۋە سول كۆز قارىچۇقى ئۆز ئارا سىممېتىرىك بولىدۇ . ئەگەر بىرى كىچىك ، بىرى چوڭ بولسا ياكى بىر تەرەپكە تارىيىش سۈرئىتى ھەمدە دائىرىسى ئاستا بولسا سەكتە ، مېڭە ئۆسمىسى ، كۆرۈش نېرۋىسى ئۆسمىسى قاتارلىق كېسەلىكلەرنىڭ دەسلەپكى كېسەللىك ئالامىتى بولۇشى مۇمكىن .
    5.كۆز قارىچۇقى سارغىيىش
    جىگەر ياللۇغى ۋە جىگەر قېتىشىش قاتارلىق كېسەللەر كۆز ئېقىنى سارغايتىپ قويىدۇ . 
    6.مۈڭگۈز پەردە ھالقىسى
    بۇ كېسەلگە گىرىپتار بولغانلارنىڭ مىس مېتابولىزىمى توسقۇنلۇققا ئۇچراپ ، مىس ماددىسىنىڭ مۈڭگۈزلۈك پەردىگە يىغىلىپ قېلىشىنى پەيدا قىلىپ ، كۆز قارىچۇقىنىڭ ئەتراپىدا مۈڭگۈز پەردە ھالقىسى ھاسىل قىلىدۇ .
    7.قاپاق قېلىنراش
    قاپاق قېلىنراش نېرۋا تالاسى ئۆسمىسىنىڭ ئالامىتى بولۇشى مۇمكىن .
    8.قان تومۇر دېغى
    قان تومۇر قېتىشىش كېسىلى ئاغرىقلىرىنىڭ كۆرۈش تور پەردىسىگە قىلدام قان تومۇرلاردا كىچىك داغ پەيدا بولسا ، قان تومۇر قېتىشىش كېسىلىنىڭ ئېغىرلاشقانلىقىنى بىلدۈرىدۇ .
    9.كۆرۈش نېرۋىلىرىدىكى نورمالسىزلىق
    نورمال ئەھۋال ئاستىدا كۆرۈش نېرۋىلىرى ئاچ قىزىل رەڭدە بولىدۇ ، ئەگەر ئۇلارنىڭ رەڭگى ئۆزگەرسە ، مېڭە ئۆسمىسى ، كۆپ قوزغىلىدىغان قان قېتىشىش كېسەللىرىنىڭ ئالامىتى بولۇشى مۇمكىن .
    10. كۆرۈش تور پەردىسىدىكى كېسەللىك ئالامىتى
    دىيابېت كېسىلى ، يۇقىرى قان بېسىم قاتارلىق كېسەللەر كۆرۈش تور پەردىسىدىكى قان تومۇر ۋە نېرىپلارنى زىيانغا ئۇچرىتىدۇ . شۇڭا كۆرۈش تور پەردىسىگە قان سىڭىپ قېلىش ، سېرىق سۇيۇقلۇق ئاجرىلىپ چىقىش ، ئاق داغ چۈشۈش قاتارلىق ئالامەتلەر كۆرۈلىدۇ . بۇنداق ئالامەتلەر كۆرۈلگەن ھامان دوختۇرخانىغا بېرىپ تەكشۈرتۈش كېرەك .