قىزىلگۈل ھەم تەبىئەتنىڭ زىننتى ھەم ئىنسانلار ساغلاملىقىنىڭ ھەمراھى . قىزىلگۈلنىڭ تەمى قېرىقراق تاتلىق ، تەبىئىتى ئىسسىققا مايىل ، زەھەرسىز بولۇپ ، يەلنى ھەيدەپ ، قاننى جانلاندۇرۇش ، مېڭە، يۈرەك، جىگەر، ئۆپكە، تال، ئاشقازان، ئۈچەيلەرنى قۇۋۋەتلەش ، قىزىتمىنى پەسەيتىش رولىغا ئىگە. ئۇنى يالغۇز ئىشلىتىشكىمۇ، باشقا دورىلارغا قوشۇپ ئىشلىتىشكىمۇ بولىدۇ .

  قىزىلگۈلنى چاي ئورنىدا قايناق سۇغا چىلاپ تەمىنى چىقىرىپ ئىچسە ، يۈرەك، ئۆپكە، ئاشقازان، جىگەر، ئۈچەيلەرنى قۇۋۋەتلەيدۇ . قاننى توختىتىدۇ . ئىسسىقتىن بولغان بىھۇشلۇققا، يۈرەك زەئىپلىكىدىن بولغان ئىچ سۈرۈشكە شىپا بولىدۇ .

  ھۆل قىزىلگۈلنى خىمىر قىلىپ سۆگەل ، ھەرخىل ئىششىق ۋە سۇنۇقلارغا چاپسا ئوبدان مەنپەئەت قىلىدۇ. قۇرۇتۇلغىنىنى سوقۇپ ئەلگەكتىن ئۆتكۈزۈپ جاراھەتلەرگە سەپسە جاراھەتنى قاتۇرۇپ ، يارا ئېغىزىدا گۆش ئۈندۇرىدۇ . قىزىتىما ئۆرلەپ كەتكەندە بىر سىقىم قىزىلگۈلنى 750 گىرام سۇدا قاينىتىپ ئىچىسە ، قىزىتىمىنى پەسەيتىپ ، يۈرەك ھەرىكىتىنى نورماللاشتۇرىدۇ.

  ئۆپكە تۇبېركۇليوزى بولۇپ قالغان كىشى قىزىلگۈل گۈلقەنتىنى كۈنىگە 100 گىرامدىن ، ئاشقازان، مېڭە، ئۈچەي، تال كېسەللىكى بار كىشلەر كۈنىگە 50 گىرامدىن يەپ بەرسە ئوبدان مەنپەئەت قىلىدۇ . بالىلارنىڭ ئىچى سۈرۈپ قالسا ياكى قورسىقى ئاغرىسا ، ئىككى گىرامدىن ئۈچ گىرامغىچە گۈلقەنت بەرسە ساقىيىپ قالىدۇ .