تۇغماسلىق كېسىلىگە گىرىپتار بولغانلار كېسەل سەۋەبىنى ئېنىقلاپ قاراتمىلىق داۋالانغاندىن سىرت ، تۇرمۇشتا تۆۋەندىكىدەك بىر قانچە نۇقتىغا دىققەت قىلسا ، تېخىمۇ ياخشى ئۈنۈمگە ئېرىشەلەيدۇ .
   1. كۆڭلىنى خاتىرجەم تۇتۇپ ، ئارتۇقچە غەم قىلماسلىق كېرەك .
   2. ناچار تۇرمۇش ئادىتى ۋە مۇھىت شارائىتىنى ئۆزگەرتىش كېرەك . پەرزەنتلىك بولۇشقا تەسىر كۆرسىتىدىغان خىزمەت بىلەن شۇغۇللانماسلىق لازىم . مەسلەن ، رادىياكتىپ نۇر ۋە مەلۇم خىمىيەلىك ماددا ، ئېغىر مېتال قاتارلىق بەدەنگە زىيان يەتكۈزىدىغان ماددىلار بىلەن ئۇچراشماسلىق ، يۇقىرى تېمپېراتۇرىلىق مۇھىتتا مەشغۇلات قىلماسلىق ، ھاراق ، تاماكىدىن خالى بولۇش كېرەك .
   3. ئوزۇقلىنىشقا ئەھمىيەت بېرىپ ، بەدەن چېنىقتۇرۇشنى كۈچەيتىش لازىم . ھايۋانات جىگىرى ، مېڭىسى قاتارلىق جىنسىي ھورمۇننىڭ سىنتېزلىنىشىغا پايدىلىق يېمەكلىكلەرنى ، ۋىتامىن تۈردىكىلەرنى كۆپرەك ئىستېمال قىلىش لازىم . كۆپ خىل ۋىتامىنلارنى ، مەسلەن ، ۋىتامىن A،B،C،E نى داۋاملىق ئىستېمال قىلسا ، ھامىلدار بولۇشقا پايدىلىق .