ئامېرىكىلىق بىر نىكاھ ئىشلىرى مۇتەخەسسىسى نىكاھ بۇزۇلۇشنىڭ ئالدىدا كۆرۈلىدىغان توققۇز تۈرلۈك بېشارەتنى ئوتتۇرغا قويغان . ناۋادا قايسىبىر ئەر ياكى خوتۇندا بۇ بىشارەتلەردىن تۆت تۈرلۈكى ياكى ئۇنىڭدىن كۆپرەكى كۆرۈلسە ، ئۇنىڭغا ئالاھىدە دىققەت قىلىشقا توغرا كېلىدىكەن :
   1 . ئەر ياكى خوتۇن ئۆزىنىڭ تاشقى قىياپىتىگە ھەددىدىن زىيادە دىققەت قىلسا . مەسىلەن ، ئورۇقلاشنى ياخشى كۆرۈش ، ھۆسن تۈزىتىش ، ئۈنچە – مەرۋايىتقا ھەۋەس قىلىشقا ئوخشاشلار ؛
   2 . ئەر – خوتۇن ئوتتۇرسىدىكى سۈركىلىشلەر ئازلاپ كەتسە . بۇ ئەر – خوتۇنلارنىڭ ھازىرقى نىكاھ مۇناسىۋىتىگە بىپەرۋا پوزىتسىيە تۇتقانلىقتىن دېرەك بېرىدىكەن ؛
   3 . ئائىلىدىكى مال – مۈلۈكنى ‹‹ سېنىڭ – مېنىڭ ›› دەپ ئايرىسا ياكى ئۆز ئالدىغا ئايرىم پۇل ئىقتىساد قىلسا ؛
   4 . ئائىلىنىڭ مۇراسىم ئىشلىرىغا قىزىقماس بولۇپ قالسا . مەسىلەن ، توي خاتىرە كۈنى ۋە تۇغۇلغان كۈنلىرىنى خاتىرلەش ، دەم ئىلىش كۈنلىرى ئائىلە يىغىلىشلىرىغا قىزىقمىسا ؛
   5. ئۆزئارا بىللە بولۇش ئازىيىپ ، ئەل – ئاغىنە ، دوست – بۇرادەرلىرى بىلەن قۇيۇق مۇناسىۋەت باغلىسا ؛
   6 . تۇيۇقسىزلا خىزمەتكە بېرىلىپ كەتكەن بولۇۋىلىپ ، ئائىلىدىكى تۇرمۇش ھەلەكچىلىكلىرىدىن قاچسا ؛
   7 . ئەر- خوتۇن ئىككىسى كوللىكتىپ سورۇنلارغا بىللە بېرىشتىن ئامالنىڭ بارىچە ئۆزىنى قاچۇرسا ؛
   8 . تۈرلۈك سەۋەبلەرنى كۆرسىتىپ ، ئائىلىدىكى ۋاقتىنى ئامالنىڭ بارىچە ئازايتسا ؛
   9 . ئائىلە ۋە تۇرمۇشنىڭ ئۇزاق مەزگىللىك پىلانىغا پەرۋاسىز قارايدىغان بولۇپ قالسا .