تازىلىق ئۆيى بەك نەم بولۇپ كەتكەندە ئاسانلا كېسەلگە گىرىپتار بولىسىز
   تازىلىق ئۆيى ئۆيىڭىزدىكى ئەڭ نەم جايلارنىڭ بىرى. نەم مۇھىت باكتېرىيە، زەمبۇرۇغلارنىڭ ئۆسۈپ، كۆپىيىدىغان ئورنى، شۇنداقلا ئاسانلا نەپەس يوللىرى كېسەللىكلىرىنى پەيدا قىلىدۇ. شۇڭا، تازىلىق ئۆيىنى ئەڭ ياخشىسى دەرىزىسىنى ئېچىپ ھاۋاسىنى ئالماشتۇرۇپ تۇرۇش، ھۆل لۆڭگىنى ھاۋا ئۆتىشىدىغان جايغا قېتىنى ئېچىپ قويۇپ قويۇش كېرەك. ئەگەر تازىلىق ئۆيىدىن ھاۋا ئۆتۈشمىسە، ئەڭ ياخشىسى لۆڭگىنى قۇرۇتۇپ ئاندىن تازىلىق ئۆيىگە قويۇپ قويۇش كېرەك. ئەۋرەزنىڭ راۋان بولىشىغا كاپالەتلىك قىلىش، ھاۋا ھەيدەيدىغان شامالدۇرغۇچنى ۋاقتى ۋاقتىدا ئېچىپ قويۇش كېرەك. شارائىت يار بەرگەن ئەھۋالدا توكلۇق ئىسسىتقۇچ ئارقىلىق نەملىكنى يۇقىتىپ ، تازىلىق ئۆيىنى پاكىزلاش كېرەك .
  ئۆيدە گۈل كۆپ بولسا كۆز ئاسان چارچايدۇ
   نۇرغۇن كىشىلەر ئۆي ئىچىدە ھەرخىل گۈللەرنى ئۆستۈرۈپ كۆزىنى ئارام ئالدۇرۇشنى ياقتۇرىدۇ، ئەمەلىيەت بۇ توغرا ئەمەس . ئۆي ئىچىدىكى گۈللەر ئاز ھەم ساز بولغىنى ياخشى. ئۆي ئىچىدە گۈل بەك كۆپ بولۇپ كەتسە ، ئۆي مۇھىتى ئومۇمىي گەۋدىسىنىڭ قورۇلمىسىغا تەسىر يېتىدۇ، بۇنداق بولغاندا كەيپىياتنى تەڭشەش تەس بولۇپلا قالماي ، يەنە كۆرۈش سەزگۈسىنى چارچىتىپ قويىدۇ. ئۇنىڭ ئۈستىگە بەزى چوڭ تەشتەكلىك گۈللەر كۆپ مىقداردا كاربون تۆت ئوكسىد قويۇپ بېرىدۇ، شۇڭا ئەڭ ياخشىسى گۈل ۋە ئۆسۈملۈكلەرنى كۈندۈزدە ياتاق ئۆيىگە قويۇپ ، كەچلىكى ئادەم تۇرمايدىغان ئۆيدە قويۇش كېرەك، بولمىسا ئۆي ئىچى ھاۋاسىنى بۇلغاپ قويىدۇ .
   پەردىنى ياخشى تاللاپ ئۇيقۇنى ياخشى ئۇخلاش كېرەك

   پەردىنىڭ تاللىنىشى ئۇيقۇغا ناھايىتى چوڭ ياردىمى بولىدۇ . تىۋىت تىپىدىكى يۈزلۈك ئىشلىتىلگەن پەردىلەر بىر قەدەر قېلىن بولغانلىقتىن ، ئاۋاز سۈمۈرۈش، يۇرۇقلۇق توسۇش ئۈنۈمى ياخشى . قىزىل، قارا ماسلاشتۇرۇلغان پەردىلەرنى تاللىغاندا ئاسان ئۇخلاشقا ياردىمى بولىدۇ.
   ئۆي زىننەتلىگەندە ماي بوياق رەسىمنى ئاز ئىشلىتىش كېرەك
   ئۆي مۇھىتىغا بارغانچە ئەھمىيەت بېرىلىۋاتقان ھازىرقى دەۋردە ، ھەر خىل رەڭدىكى رەسىملەر گۈزەل مەنزىرە ھېسلىرىنى پەيدا قىلىپ ئادەمگە گۈزەللىك تۇيغۇسى بېغىشلايدۇ . ئەمما، مۇتەخەسسىسلەر ئۆي بېزىگەندە ماي بوياق رەسىمنى ئىمكانقەدەرئاز ئىشلىتىشنى سەمىڭىزگە سالىدۇ . ماي بۇياق رەسىمنىڭ رەڭ ماتېرىيالىدا بەلگىلىك مىقداردىكى ئاسان ئېرىيدىغان ئانتىمونىي، ئارسېن، بارىي، قوغۇشۇن، سىماب، سېلېن قاتارلىق ئېلېمىنىتلار بار بولۇپ، ئەگەر ئادەم بەدىنىگە ئارتۇق مىقداردا سۈمۈرۈلۈپ كەتسە، ساغلاملىققا تەھدىت ئېلىپ كېلىدۇ. ئۇنىڭ ئۈستىگە قېنىق رەڭلەر تەركىبىدە مېتال كۆپ بولىدۇ .
 ماتراسنىڭ بىر يۈزىنىلا سېلىپ ئۇخلىماسلىق كېرەك
   ماتراس ھەر كۈنى سىزگە سەككىز سائەتتەك ھەمراھ بولىدۇ ، سىزنىڭ بەدىنىڭىز بىلەن، بولۇپمۇ ساغلاملىقىڭىز بولغان مۇناسىۋىتى ناھايىتى قويۇق . ماتراسنىڭ بىر يۈزىدىلا ئۇخلىغاندا، ئاسانلا ماتراسنىڭ شەكلى ئۆزگىرىپ، پېتىنقى شەكىلگە كېلىپ قالىدۇ. يېڭى ماتراسنى ئادەتتە ئىككى – ئۈچ ئايدا بىر قېتىم ئوڭ –تەتۈر يۈزىنى ئالماشتۇرۇپ تۇرۇش كېرەك .
    تەرەت قاچىسى چوتكىسىنى يېرىم يىلدا بىر قېتىم ئالماشتۇرۇپ تۇرۇش كېرەك
  تەرەت قاچىسىنىڭ چوتكىسىنى ئۇزۇن ئىشلەتكەندە چوتكا تۈكلىرى چۈشۈپ كېتىپ، ئاسانلا مەينەتلىشىپ كېتىدۇ ، شۇڭا ، ئەڭ ياخشىسى يېرىم يىلدا بىر قېتىم ئالماشتۇرۇپ تۇرۇش كېرەك. ئەگەر ئۇنى ھاۋا ئۆتۈشمەيدىغان جايغا قويۇپ قويغاندا ئاسانلا مىكروب پەيدا قىلىدۇ .
 ئائىلىدىكى غەيرىي پۇراقنى يۇقىتىۋېتىش كېرەك
   ئەۋرەزگە دۇرا پۈركۈپ تۇرۇش ، تەشتەككە بىر نەچچە يېڭى ئاپلېسىن پوستىنى تاشلاپ قويۇش، تەكچە ، تارتمىلارغا چاي ئۇۋاقلىرىنى تاشلاپ قويۇش ، سەي قورۇيدىغان قازانغا ئازراق ئاچچىقسۇ قۇيۇپ قويۇش ، سۇ ھورى قاتارلىقلار ھەممىسى غەيرىي پۇراقنى يۇقىتالايدۇ . يەر تۇرۇبىسى ۋە ئەۋرەزلەرنىڭ ئېغىزىنى ئەڭ ياخشىسى ئېتىۋەتكىلى بولىدىغان قىلىش ئارقىلىق پۇراق كىرىۋېلىشنىڭ ئالدىنى ئېلىش كېرەك .