يۇقىرى تېمپېراتۇرىلىق ھاۋا كىلىماتى ئاسانلا يۈرەك، مېڭە قان تومۇر كېسەللىرىنى كەلتۈرۈپ چىقىرىدۇ. شۇڭا ھاۋا ئىسسىق كۈنلىرى كۆپرەك سۇ ئىچىپ بېرىش قاتارلىق ئۇسۇللار ئارقىلىق بۇ كېسەللەرنىڭ ئالدىنى ئېلىش كېرەك.
ئۈرۈمچى شەھەرلىك كېسەلنىڭ ئالدىنى ئېلىش، تىزگىنلەش مەركىزى ئاستا خاراكتېرلىك يۇقۇمسىز كېسەللەرنىڭ ئالدىنى ئېلىش بۆلۈمىنىڭ مۇدىرى سۈن گاۋفېڭ تۇنۇشتۇرۇپ مۇنداق دېدى: يۇقىرى تېمپېراتۇرىلىق ھاۋا كىلىماتىدا يۈرەك، مېڭە قان تومۇر ئاغرىقلىرىدا ئەسلىدىنلا بار بولغان مېڭە قان تومۇرلىرى قېتىشىش، قان سۇيۇقلۇقى قويۇقلىشىش قاتارلىقلارغا كۆپ تەرلەش قوشۇلۇپ قان تومۇرنىڭ توسۇلۇشىنى ھەم مېڭە قاناش قاتارلىقلارنى كەلتۈرۈپ چىقىرىدۇ. شۇڭا يۈرەك، مېڭە قان تومۇر كېسىلىگە گىرىپتار بولغان ئاغرىقلار دورىنى توختىتىپ قويماسلىقى كېرەك.
تونۇشتۇرۇلۇشىچە، بىر قىسىم كىشىلەر سىرتتىن ئۆيگە كىرگەندە ھاۋا تەڭشىگۈچنى 20 سېلسىيە گىرادۇس ئەتراپىدا تەڭشەپ قويىدىكەن، بۇ قان بېسىمىنى تېزلىكتە ئۆرلىتىپ، يۈرەك، مېڭە قان تومۇر كېسىلىنى كەلتۈرۈپ چىقىرىدىكەن. شۇڭا بۇنداق كىشىلەر سىرتقا چىقىشتىن ئاۋۋال ھاۋا تەڭشىگۈچنى ئېتىۋېتىپ، دېرىزىنى ئېچىپ ئۆينىڭ ھاۋاسى سىرت بىلەن ئاساسەن پەرقلەنمىگۈدەك بولغاندا ئاندىن سىرتقا چىقىشى، بۇنىڭدىن سىرت، يۈرەك، مېڭە قان تومۇر ئاغرىقلىرى ئۈزۈلدۈرمەي ئاز – ئازدىن كۆپ قېتىم سۇ ئېچىپ بېرىشى لازىم ئىكەن.
