
جۇڭگو ئاخبارات تورى 30 – ئاپرېل تېلېگراممىسى : فرانسىيە ئاخبارات ئاگېنتلىقى قاتارلىق ئاخبارات ۋاستىلىرىنىڭ خەۋەر قىلىشىچە ، ئامېرىكا زۇڭتۇڭى ئوباما ۋەزىپىگە ئولتۇرغانلىقىنىڭ 100 كۈنلۈك مۇناسىۋىتى بىلەن ئامېرىكىدىكى مۇھىم رايونلاردا زىيارەتتە بولدى ۋە مۇخبىرلارنى كۈتۈۋېلىش يىغىنى ئۆتكۈزدى .
ئوباما 1 – ئاينىڭ 20 – كۈنى ۋەزىپىگە ئولتۇرغاندىن بۇيان ، غەربتە يۈز بەرگەن ئىقتىسادىي چېكىنىشتىن كېيىنكى ئەڭ ئېغىر بولغان ئىقتىسادىي كىرىزىس بىلەن جاپالىق كۈرەش قىلىپ كەلدى ، شۇنىڭ بىلەن بىر ۋاقىتتا ئامېرىكىنىڭ ئىراق ۋە ئافغانىستان قاتارلىق رايونلارغا بولغان ھەربىي
ئىشلاردىكى پوزىتىسىيىسىنى ئۆزگەرتتى . تۇنجى نېگىر پۇشتىدىن بولغان زوڭتۇڭ بولۇش سالاھىيىتى بىلەن پۈتۈن دۇنياغا ئامېرىكىنىڭ ئىلگىركىگە ئوخشىمىغان قىياپىتىنى نامايەن قىلدى . نۆۋەتتە ، ئۇ يەىە چوشقا زۇكىمىدىن ئىبارەت پۈتۈن يەرشارىدا يامراش ئېھتىماللىقى بولغان يېڭى بىر ھايات – ماماتلىق جەڭگە دۇچ كەلدى .
مۇشۇنداق شارائىتتا ، ئوباما 29 – ئاپرېل مىسسۇرى شىتاتى ساينت لۇئىس كوچىسغا بېرىپ ، شەھەر ئاھالىسى يىغىنىغا قاتناشتى ۋە ۋەزىپىدە ئولتۇرغانلىقىنىڭ 100 كۈنلۈك خاتىرە كۈنى مۇناسىۋىتى بىلەن نوتۇق سۆزلەپ ، ئۆزىنىڭ ئۆتكەن يۈز كۈندىكى تەسىراتلىرىنىڭ بايان قىلدى .
ئاق ساراينىڭ باياناتچىسى مۇخبىرلارغا مۇنۇلارنى بىلدۈردى : كېرىدىت ئايلىنىشى ، پۇل مۇئامىلە جەھەتتىكى مۇقىم ۋەزىيەتنىڭ ياخشىلىنىشى ، ئىقتىسادنىڭ ئەسلىگە كېلىشى ۋە قايتا مەبلەغ سېلىش پىلانىنىڭ نەتىجىلىرىدىن قارىغاندا ، ئامېرىكا خەلقىنىڭ ئوباما ۋە ھۆكۈمەتنىڭ تۇنجى يۈز كۈندىكى ئىپادىسىدىن رازى ئىكەنلىكىگە ئىشىنىمىز .