يېتىلگەن كىشىلەرگە نىسبەتەن ئېلىپ ئېيتقاندا، ئۇيقۇسىزلىق ئەڭ باش ئاغرىتىدىغان بىر ئىش بولۇپ، بولۇپمۇ چوڭ شەھەرلەردە ئېغىر خىزمەت ۋە تۇرمۇش بېسىمى ئاستىدا ياشايدىغان ياشلارنىڭ ھەممىسى دېگۈدەك ئۇيقۇسىزلىق، ئۇيقۇسىنىڭ سۈپىتى ياخشى بولماسلىق قاتارلىق تەسىرلەرگە ئۇچراپ تۇرىدۇ. ئىلگىرى كىشىلەر ئۇيقۇسىزلىق ۋە ئۇيقۇسىنىڭ سۈپىتى ياخشى بولماسلىق قاتارلىق ئالامەتلەرنى پەقەت دورىغا تايىنىش ئارقىلىقلا ھەل قىلىپ كەلگەن بولۇپ، لېكىن ھازىرقىدەك تور ۋە تېخنىكا ئۇچقاندەك تەرەققىي قىلغان دەۋردە، كىشىلەر دورىدىن باشقا يەنە ئەڭ يېڭى پەن تېخنىكىلاردىن تايىنىپ بۇ خىل باش قېتىقچىلىقىدىن قۇتۇلۇشقا ئامال قىلالايدىغان بولدى. يەنە كىشىلەر ھازىر بىر خىل فىزىكىلىق ئۇسۇلدىن پايدىلىنىپ ئۇيقۇسى ياخشى بولماسلىق ھەم ئۇيقۇسىزلىقنى داۋالاش مەقسىتىگە يېتەلەيدىغان بولۇپ، بۇنىڭ ئىچىدە Dreampad ناملىق ئەقلىي ئىقتىدارلىق ياستۇق كىشىلەرنىڭ ئەڭ ياخشى تاللىشى بولۇپ ھېساپلىنىدۇ.
بۇ ئەقلىي ئىقتىدارلىق ياستۇقنىڭ سېتىلىش باھاسى 179 ئامېرىكا دوللىرى يەنە خەلق پۇلىغا سۇندۇرغاندا تەخمىنەن 1115 يۈەن بولۇپ، گەرچە بۇ ياستۇقنىڭ سېتىلىش باھاسى ناھايىتى قىممەت بولسىمۇ، لېكىن بۇ ياستۇقنىڭ ئۈنۈمىمۇ ناھايىتى ياخشى چىققانىكەن. بۇ خىل ياستۇق ناھايىتى نېپىز بولغانلىقى ئۈچۈن، ئابونتلار ئادەتتە ئۇنى باشقا ياستۇقلارنىڭ ئۈستىگە قويۇپ ئىشلەتسىمۇ بولىدىكەن. بۇ خىل ياستۇقنىڭ خىزمەت پىرىنسىپى بولسا، ئالدى بىلەن ئۇنىڭغا ماس ھالدىكى ئەپ پىروگراممىسى ئارقىلىق ئۇخلاشقا ياردەم قىلالايدىغان يېنىك، لەرزان مۇزىكىلارنى قۇيۇش، ئاندىن توپلاشتۇرۇلغان سۆڭەكلىك ئۆتكۈزۈش يوللىرى تېخنىكىسى ئارقىلىق ئابونتلارغا يەتكۈزۈپ بېرىشتىن ئىبارەت ئىكەن. بۇ خىل ئەقلىي ئىقتىدارلىق ياستۇقنى ئىشلەتكەندە، ئابونتلار بىر تەرەپتىن بۇرۇنقىغا ئوخشاش نائۇشنىك تاقاپ ئۇخلايدىغان ئاۋارىچىلىقتىن قۇتۇلۇپ قالالايدىغان بولۇپ، يەنە بىر تەرەپتىن ياستۇققا ماسلاشتۇرۇلغان ئەپ پىروگراممىسىدا قويۇلغان ئۇيقۇنى ياخشىلىيالايدىغان لەرزان مۇزىكىلار ئابونتلارنىڭ ناھايىتى ئاسانلا ئېغىر ئۇيقۇ دەرياسىغا غەرق بولالىشىغا ياردەم قىلالايدىكەن.
