جۇڭگو خەۋەر تورىنىڭ 1-ئاينىڭ 29كۈنىدىكى خەۋىرى (ئانا تۇپراق تورى تەرجىمىسى): پەلەستىن پرېزىدېنتى ئابباس 1-ئاينىڭ 28-كۈنى بىلدۈرۈشىچە، ئىسرائىلىيەنىڭ ئىئوردان دەرياسىنىڭ غەربىي قىرغىقىدىن قوشۇن چېكىندۈرۈش كېلىشىمىدە، پەلەستىنلىكلەر 3 يىلىق ئۆتكۈنچى مەزگىلنى قوبۇل قىلالايدىكەن.
ئەمما ئابباسنىڭ بىلدۈرۈشىچە، 10 يىلى ياكى 15 يىللىق ئۆتكۈنچى مەزگىل تەلىپى ھەقىقىي قوشۇن چېكىندۈرۈش تەكلىپى ئەمەس ئىكەن. پەلەستىن تەرەپ 3 يىللىق ئۆتكۈنچى مەزگىلنى مۇۋاپىق دەپ قارىدى.
ئابباس ئىسرائىلىيەنىڭ بىر بىخەتەرلىك يىغىنىدا قويۇلغان ۋېدىئولۇق زىيارەتتە بىلدۈرۈشىچە، پەلەستىن ئىسرائىلىيەنىڭ ئىئوردان جىلغىسىدىن «پەيدىنپەي قوشۇن چېكىندۈرۈش» كە رۇخسەت قىلىدىكەن. قوشۇن چېكىندۈرۈشنىڭ ئۆتكۈنچى مەزگىلىدە، ئۈچىنچى تەرەپ، مەسىلەن شىمالىي ئاتلانتىك ئەھدى تەشكىلاتى يەرلىكنىڭ بىخەتەرلىك خىزمىتىگە مەسئۇل بولسا بولىدۇ.
