ئامېرىكا ياخۇ خەۋەر تورىنىڭ 6-ئاينىڭ 19-كۈنىدىكى خەۋىرىگە قارىغاندا، يېقىندا بىرازىلىيىدىكى ئالاھىدە بىر ئائىلە كىشىلىرى ئۆزلىرىنىڭ قول بارماقلىرى ئارقىلىق بىرازىلىيە كوماندىسىنىڭ بۇ يىل 6-قېتىملىق دۇنيا چېمپىيونى لوڭقىسىنى قولغا كەلتۈرۈشىنى ئۈمىد قىلىدىغانلىقىنى بىلدۈرۈشكەن.
ئىگەللىنىلىشىچە، شىرۋانىڭ ئائىلىسىدىكى 14 جان ئادەم بىرازىلىيە پايتەختىدىكى Aguas Claras ناملىق بىر بازاردا ياشايدىغان بولۇپ، ئۇلارنىڭ ئۆيىدىكىلەرنىڭ ھەممىسىنىڭلا ئالتە تالدىن بارمىقى بار ئىكەن، بۇ بىر خىل ئېرسىي كېسەل بولۇپ، ئادەتتە «كۆپ بارماقلىق غەلىتە شەكىللىك كېسەل» (polydactyly) دەپ ئاتىلىدىكەن.
شىرۋا ئائىلىسىدىكى تۆت ئەۋلاد كىشى ئۆزلىرىنىڭ تاشقى قىياپىتىدىكى غەلىتىلىك تۈپەيلى خىجىللىق ھېس قىلىپ ئۆيىگە بېكىنىۋالمىغان بولۇپ، ئۇلار تېخى ئۆزلىرىنىڭ مۇشۇنداق ئالاھىدىلىكىدىن ناھايىتى پەخىرلەنگەن، بۇ قېتىملىق بىرازىلىيىدە ئۆتكۈزۈلگەن دۇنيا لوڭقىسىنى تالىشىش پۇتبول مۇسابىقىسى جەريانىدا،ئۇلارنىڭ ئائىلىسى ئاخبارات ۋاستىلىرىنىڭ كۆڭۈل بۆلۈشىگە نائىل بولغان. ئۇنىڭ ئائىسلىدىكى بارلىق ئائىلە ئەزالىرى ئۆزلىرىنىڭ ئالتە قول بارمىقى ئارقىلىق بىرازىيىلىنىڭ يەنە 6-قېتىم دۇنيا لوڭقىسىنى قولغا كەلتۈرۈشتەك كاتتا تەلەيگە ئېرىشىشىنى ئۈمىد قىلىدىغانلىقىنى بىلدۈرگەن بولۇپ، بىرازىلىيە بۇنىڭدىن ئىلگىرى ئاللىقاچان بەش قېتىملىق دۇنيا لوڭقىسىنى قولغا كەلتۈرۈپ، تارىختىكى چېمپىيونلۇققا ئەڭ كۆپ ئېرىشكەن دۆلەت بولۇپ قالغانىدى.