جۇڭگو ئۇيغۇرچە رادىيو تورى 12-ئاغۇست بېيجىڭ خەۋىرى:
مەركەز مالىيەسى يېقىندا يېزىلاردىكى مەجبۇرىيەت مائارىپى مەكتەپلىرىگە ئاممىۋى راسخوت تولۇقلىما ياردەم مەبلىغىدىن 7 مىليارد 930 مىليون يۈەن قوشۇپ چۈشۈرۈپ، ئۇنى يىل بېشىدىكى خام چوتتا ئورۇنلاشتۇرۇلغان 39 مىليارد 240 مىليون يۈەن بىلەن بىرلەشتۈردى.
دېمەك، بۇ يىل مەركەز مالىيەسى يېزىلاردىكى مەجبۇرىيەت مائارىپى مەكتەپلىرىگە ئاممىۋى راسخوت تولۇقلىما ياردەم مەبلىغىدىن 47 مىليارد مىليون يۈەن ئاجراتتى.
ئاممىۋى راسخوتنىڭ ئاساسىي ئۆلچەمدىن ئاشۇرۇلغان تولۇقلىما مەبلەغ بىلەن يېزىلاردىكى ئوقۇتۇش نۇقتىلىرىنىڭ ئاممىۋى راسخوت تولۇقلىما مەبلىغى تۆۋەندىكى تەرەپلەرگە نۇقتىلىق ئىشلىتىلىدۇ.
1.ياتاقلىق مەكتەپلەردىكى ياتاق ھەققى ئەمەلدىن قالدۇرۇلغاندىن كىيىن، مەكتەپنىڭ سۇ،توك، ئىسىنىش قاتارلىق جەھەتلەردىكى كەم راسخوتنى تولۇقلاشقا ئىشلىتىلىدۇ.
2.مەكتەپلەرگە　كۆپ ۋاستىلىق يىراقتىن ئوقۇتۇش ئەسلىھەلىرىگە قوللاشقا ئىشلىتىلىدۇ.
3.ئوقۇتقۇچىلارنى تەربىيەلەشكە كېتەرلىك كاماندىروپكا، تاماق، ماتېرىيال ۋە ياتاق خىراجەت چىقىمىغا ئىشلىتىلىدۇ.