ۋاڭيى تەنتەربىيىسى خەۋىرى «ئاسى گېزىتى» مۇنۇلارنى ئاشكارىلىدى: ئىسپانىيە بىرلەشمىسى بويىچە ئالدىنقى ئايلانما مۇسابىقىدە يەنى خان مادرىد كوماندىسى بىلەن لايۋانت كوماندىسى ئوتتۇرىسىدىكى مۇسابىقىدە ئېغىر يارىلانغان كرىستىيانو رونالدو پورتۇگالىيە دۆلەتلىك كوماندىسىغا تىزىمغا ئالدۇردى، لېكىن دۆلەتلىك كوماندىسىنىڭ دوختۇرلىرى مۇنداق دەپ قارىدى: كرىستىيانو رونالدو مۇشۇ ھەپتىنىڭ ئوتتۇرىسىدىكى پورتۇگالىيە دۆلەتلىك كوماندىسىنىڭ مۇسابىقىسىغا قاتنىشىشقا ماس كەلمەيدۇ، ئۇ مادرىدقا بېرىپ خاتىرجەم ئارام ئېلىشى كېرەك.

ئىسپانىيە بىرلەشمىسى بويىچە ئالدىنقى ئايلانما مۇسابىقىدە يەنى خان مادرىد كوماندىسى بىلەن لايۋانت كوماندىسى ئوتتۇرىسىدىكى مۇسابىقىدە كرىستىيانو رونالدو ئېغىر يارىلانغان بولۇپ قان توختىماي ئاققان، بۇ مەيدان مۇسابىقە باشلىنىپ ئىككى مىنۇت بولغاندا لايۋانت كوماندىسى بېكى ناۋارو توپ تالىشىۋاتقاندا ئوڭ قول جەينىكى كرىستىيانو رونالدونىڭ يۈزىگە تېگىپ كەتكەن، مۇسابىقە مەيدانىنىڭ چېتىدىلا كرىستىيانو رونالدونىڭ يارىلانغان ئورنى تىكىلىپ قان توختىتىلغان، مۇسابىقە باشلىنىپ 21 مىنۇت بولغاندا كرىستىيانو رونالدو خان مادرىد ئۈچۈن بىر توپ كىرگۈزگەن. يېرىم مەيدان مۇسابىقە ئاخىرلاشقاندىن كېيىن كرىستىيانو رونالدو خان مادرىد دوختۇرلىرى ئۇنى تەكشۈرگەن، ئۇ كۆزۈم ياخشى كۆرمەيۋاتىدۇ دېگەن، مۇرىنىئو كرىستىيانو رونالدونىڭ ئورنىغا توپچى ئاربىئولنى مەيدانغا چۈشۈرگەن.