شىنخۇا تورىنىڭ 9- ئىيۇل رىيادتىن ئەۋەتكەن تېلېگراممىسى، سەئۇدى ئەرەبىستانى ۋە ئەرەب بىرلەشمە خەلىپىلىكى 9- ئىيۇل ئايرىم- ئايرىم ھالدا مىسىرغا بەش مىليارد ئامېرىكا دوللىرى ۋە ئۈچ مىليارد ئامېرىكا دوللىرى ئىقتىسادىي ياردەم تەمىنلەپ، مىسىرنىڭ نۆۋەتتە دۇچ كەلگەن قىيىنچىلىقتىن ئۆتۈۋېلىشىغا ياردەم بېرىدىغانلىقىنى بىلدۈردى.
سەئۇدى ئەرەبىستانى ئاگېنتلىقىنىڭ خەۋىرىگە ئاساسلانغاندا، سەئۇدى ئەرەبىستانى پادىشاھى ئابدۇللا مالىيە مىنىستىرلىقىغا مىسىرغا بەش مىليارد ئامېرىكا دوللىرى ئىقتىسادىي ياردەم تەمىنلەش توغرىسىدا كۆرسەتمە بەرگەن. بۇنىڭ ئىچىدە، بىر مىليارد ئامېرىكا دوللىرى ئىئانە پۇل، ئىككى مىليارد ئامېرىكا دوللىرى مىسىر مەركىزىي بانكىسىدا ساقلىنىدىغان ئۆسۈمسىز قەرز، يەنە ئىككى مىليارد ئامېرىكا دوللىرى بولسا تەڭ قىممەتلىك يېقىلغۇ ماي ۋە تەبئىي گاز ئىكەن.
ئەرەب بىرلەشمە خەلىپىلىكى تەمىنلەيدىغان ئۈچ مىليارد ئامېرىكا دوللىرى ئىچىدە بىر مىليارد ئامېرىكا دوللىرى ئىئانە پۇل، ئىككى مىليارد ئامېرىكا دوللىرى مىسىر مەركىزىي بانكىسىدا ساقلىنىدىغان ئۆسۈمسىز قەرز ئىكەن.
مىسىر ھەربىي تەرەپ مۇرسىنىڭ پرېزىدېنتلىق ۋەزىپىسىنى ئېلىپ تاشلىغاندىن كېيىن، دۆلەت سەئۇدى ئەرەبىستانىنىڭ پادىشاھى ئابدۇللا دۆلەت باشلىقى سۈپىتىدە تۇنجى بولۇپ تەبرىك تېلېگراممىسى يوللاپ تەبرىكلىدى.