ئالتۇنرەڭ iPhone 5Sكۈتۈلمىگەن ئالقىشقا ئېرىشكەندىن كېيىن، نۇرغۇن كىشىلەر يېڭى بىر ئەۋلاد iPadۋە iPad miniنىڭمۇ مۇشۇنداق رەڭدىكىسى چىقارمۇ دېگەنگە بەس- بەستە كۆڭۈل بۆلدى. گەرچە ھازىرچە تېخى يېڭى رەڭدىكىسى بارمۇ- يوق دېگەنگە قارىتا ھەر خىل گەپ- سۆزلەر بولسىمۇ، ئەمما توردا بۇنىڭ «ئوغرىلىقچە تارتىۋېلىنغان سۈرىتى» پەيدا بولدى.

ئالتۇنرەڭ iPad mini 2نىڭ «ئوغرىلىقچە تارتىۋېلىنغان سۈرىتى» پەيدا بولدى

سۈرەتتىن قارىغاندا، سۈرەتتىكى مەھسۇلاتنىڭ سىرتقى كۆرۈنۈشى iPad miniغا تولىمۇ ئوخشايدۇ، ئەمما رەڭگى پۈتۈنلەي ئوخشىمايدۇ، بۇ يېڭى بىر ئەۋلاد iPad miniمۇ؟ بۇنىڭغا بىر نېمە دېمەك تەس. ئەمما، ئالتۇنرەڭ iPhone 5Sپۈتۈن يەر شارىدا ئاۋات بولۇۋاتقان يەردە، ئالما شىركىتى يېڭى بىر ئەۋلاد ئايپەدكىمۇ ئوخشاشلا مۇشۇ رەڭنى ئىشلىتىشى مۇمكىن.
باھا: بۇ ئالتۇنرەڭنى راستىنلا ھەممەيلەن ياقتۇرامدۇ؟ ئالتۇنرەڭ iPhone 5Sھەقىقەتەن كۆركەم. ئەمما بۇ رەڭ ئايپەدكە قوللىنىلسا، ئۇنچە كۆركەم بولىدىغاندەك قىلمايدۇ. بۇنىڭ راست- يالغانلىقى بىلەن نېمە كارىمىز، بەرىبىر كېلەر ئايدا بىلەلەيمىز.