نۆۋەتتە بىر نەپەر كېلەچەكشۇناسنىڭ قارىشىچە، كەلگۈسى 30 يىل ئىچىدە ئىنسان بەدىنى سىرتىدىكى سۈنئىي بالياتقۇ ئارقىلىق پەرزەنت يۈزى كۆرۈش رېئاللىققا ئايلىنىدىكەن. بۇ خىل تېخنىكا تەتقىقات تۈرىنىڭ نامى بولسا ‹ بەدەن سىرتىدا ھامىلە يېتىلدۈرۈش› بولۇپ، بۇ تېخنىكا تەتقىقات تۈرى 2001-يىلىدىن باشلاپلا مۇۋەپپەقىيەتلىك ھالدا تەتقىق قىلىپ ئېچىپ چىقىلغانىكەن. ئىلگىرى ئېلىپ بېرىلغان تەجرىبە نەتىجىسىدە كۆرسىتىلىشىچە، ‹ بالا ھەمراھى ماشىنا ئادىمى› گە ئۇلاپ قويۇلغان بالياتقۇ ئارقىلىق چاشقاننىڭ ھامىلىسى پەرۋىش قىلىنىپ يېتىلدۈرۈلگەنىكەن. تەتقىقاتچى خادىملارنىڭ قارىشىچە،‹ تەن سىرتىدا ھامىلە يېتىلدۈرۈش› تۈرىدە بەدەن سىرتىدىكى ھامىلىنىڭ يېتىلىش جەريانىنى كۆزىتىپ نازارەت قىلىش تېخىمۇ قولاي ھەم ئاسان بولغانلىقى ئۈچۈن، بۇ خىل تېخنىكا تۈرى ئارقىلىق ھامىلىلەرنىڭ ئۆلۈپ كېتىش نىسبىتىنى ئۈنۈملۈك ھالدا تۆۋەنلەتلىكى بولىدىكەن، لېكىن تەنقىدشۇناسلار بۇ خىل تېخنىكا تۈرى ئارقىلىق پەرۋىش قىلىنىپ تۇغۇلغان ئىنسانلارغا قارىتا قايتىدىن ئىجتىمائىي رول ئورنىنى بەلگىلەشكە توغرا كېلىدىكەن. يەنە بەزى مۇتەخەسسىسلەرنىڭ قارىشىچە، بۇ خىل ئۇسۇلدا ھامىلە يېتىلدۈرۈش ئەزەلدىن مەۋجۇت بولغان ئانا بىلەن بالا ئوتتۇرىسىدىكى تۇغقاندارچىلىق مېھرىنى سۇسلاشتۇرۇپ قويىدىغان ياكى يوقىتىۋىتىدىغان بولۇپ، بۇ خىل تېخنىكا تۈرى ئىنسانلارنىڭ ئەخلاقىي ئۇقۇملىرىغا ماس كەلمەيدىكەن. شۇڭلاشقا نۆۋەتتە بۇ خىل يېڭى تېخنىكا تۈرى دۇنيادا زور تالاش تارتىش قوزغىغان.