پەلەستىننىڭ بىر ئەمەلدارى يېقىندا مۇنداق دىدى:‹‹ئىسرائىلىيە پەلەستىن مىللىي ھاكىمىيەت ئاپپاراتىنىڭ رەئىسى مۇھەممەد ئابباسنىڭ ئەزىز مېھمانلىق سالاھىيىتىنى بىكار قىلىپ ،ئۇنىڭغا دەرىجىسى تۆۋەنلىتىلگەن ساياھەت ئىجازەتنامىسى بەردى ،بۇ ئىجازەتنامە پەقەت ئىككى ئايلا كۈچكە ئىگە بولىدۇ.ئابباس ئۆتكەن ھەپتە ‹ فاتاخ › نىڭ ئىچكى ئىشلار يىغىنىدا بۇ ئىش ھەققىدە توختىلىپ:‹يېڭى ساياھەت ئىجازەتنامىسى ئىسرائىلىيەلىكلەرنىڭ پەلەستىنلىكلەرنى كونترول قىلىۋالغانلىقىنى چۈشەندۈرۈپ بېرىدۇ ،ئۇلار ب د ت غا رەسمىي ئەزا بولۇش ئىلتىماسى سۇنغان پەلەستىننى جازالاش ئۈچۈن ،مۇشۇنداق قىلغان بولۇشى مۇمكىن ›دەپ پەرەز قىلدى ››.

ئىسرائىلىيە نىڭ پەلەستىنلىكلەرنىڭ ساياھەت ئىلتىماسىغا قاراپ چىقىدىغان ئاپپاراتىدىكى باياناتچى مۇنداق دېدى:‹‹سىياسەتتە ئۆزگىرىش بولغىنى يوق ،بۇ تېخنىكىلىق كاشىلا ،بۇ كاشىلا پات ئارىدا تۈگىتىلىدۇ. ››