تەيۋەن ئاخبارات تورىنىڭ بۈگۈنكى خەۋىرىگە قارىغاندا، ئالما شىركىتىنىڭ ئېلان قىلىنىش ئالدىدا تۇرغان 5.5 دىيۇملۇق ئالما iPhone 6 يانفونىغا iPhone 6L دەپ نام قويۇلىدىغان بولۇپ، بۇ ئىسىمدىكى L ھەرپى بولسا ئېنگىلىزچىدىكى Large يەنە يوغان دېگەن سۆزنىڭ قىسقارتىلمىسى ئىكەن. ئۇنىڭدىن باشقا، يۇقارقى تور بېكەت يەنە 5.5 دىيۇملۇق ئالما Phone 6 يانفونى باتارىيىسىنىڭ رەسمىنىمۇ ئاشكارىلىغان بولۇپ، بۇ يانفونغا توك سەرپىيات مىقدارى 2915 مىللىئامپىر سائەتلىك باتارىيە سەپلىنىلىدىكەن. ئاشكارىلىنىشىچە، بۇ يانفون باتارىيىسىنىڭ ئېلىكتىر بېسىمى 4.35 ۋات بولۇپ، رەسىمدە يەنە ئالما مەھسۇلاتىنىڭ دېتال نومۇرى-616-0675 دەپ كۆرسىتىلگەن. لېكىن بۇ قېتىم ئاشكارىلانغان رەسىمدە ئالما مەھسۇلات تىپىنىڭ نومۇرى كۆرسىتىلمىگەن. نۆۋەتتە بۇ قېتىم ئاشكارىلانغان بۇ باتارىيىلەرنىڭ راست-يالغانلىقىغا ھۆكۈم قىلغىلى بولمايدىغان بولۇپ، لېكىن رەسىمدىن قارىغاندا، بۇ باتارىيە ھەقىقەتەن ئالما iPhone يانفونىنىڭ باتارىيىسىگە ئوخشاش شۇنداقلا 5.5 دىيۇملۇق ئالما iPhone 6 يانفونىغا ماس كېلىدىغاندەك قىلاتتى.

5.5 دىيۇملۇق ئالما Phone 6 يانفونى باتارىيىسى ( 2915 مىللىئامپىر سائەت)



4.7 دىيۇملۇق ئالما Phone 6 يانفونى باتارىيىسى (1810 مىللىئامپىر سائەت)




5.5 دىيۇملۇق ئالما Phone 6 يانفونى




5.5 دىيۇملۇق ئالما Phone 6 يانفونىنىڭ ئىچكى سەپلەنمىسى