جىڭخۇا ۋاقىت گېزىتىنىڭ 3-ئاينىڭ 21-كۈنى خەۋىرى، 21-مارت كۈنى چۈشتىن كېيىن سائەت تۆتلەر ئەتراپىدا، بېيجىڭ تۇڭجۇدىكى تۇچىياۋ كۆۋرۈكى مىترو بېكىتى ئتراپىدىكى فاڭخېڭ دۇڭجىڭ ئولتۇراق رايونىدا 27-قەۋەتتىكى بىر ئۆيدە كۆمۈر گازى پارتلاش ۋەقەسى يۈز بەرگەن بولۇپ، ئاز دېگەندە تۆت ئادەم يارىلانغان. پارتلاشتا كېلىپ چىققان پارچىلار نەچچە يۈز مېتىر ئۇچۇپ چىققان بولۇپ، بىنانىڭ ئاستىغا توختىتىپ قويۇلغان بەش ماشىنا زىيانغا ئۇچرىغان. نۆۋەتتە، ئوت ئۆچۈرۈش خادىملىرى ئاللىقاچان ئۆي ئىچىدىكى خەتەر مەنبەسىنى كونتىرول قىلغان بولۇپ، پارتلاشتىن كېلىپ چىققان ئوت ئاپىتى ئاساسەن كونتىرول قىلىنغان.
پارتلاش يۈز بەرگەن ئۆيدىكى بىر ياشانغان ئەر كىشى كۆيۈپ يارىلانغان بولۇپ، يەنە بىر ياشانغان ئايال كىشىنىڭ باش قىسمى يارىلانغان، ئۇندىن باشقا يەنە ئىككىيلەنمۇ يېنىك دەرىجىدە يارىلانغانىكەن. پارتلاش يۈز بەرگەن ئۆينىڭ ئۈستۈنكى قەۋىتىدە تۇرىدىغان كىشىنىڭ ئېيتىشىچە، پارتلاش يۈز بەرگەندىن كېيىن ئۆيدىكى كارۋات سۇنۇپ كەتكەن شۇنداقلا پارتلاش يۈر بەرگەن چاغدا ھاجەتخانىدا تۇرغان بىر ئەر پارتلاش كۈچى تۈپەيلى ھاجەتخانىدىن قاڭقىپ چىقىپ كەتكەنىكەن. نۆۋەتتە ئوت ئۆچۈرۈش ۋە جىددىي قۇتقۇزۇش تارماقلىرىنىڭ خادىملىرى بىنا ئاستىدا يارىلانغانلارنى قۇتقۇزماقتا.