ئەسلى تېمىسى: ئاۋسترالىيە فېدېراتسىيە ھۆكۈمىتى «ئاسىيا ئىراسى» ئىستراتېگىيەسىنى يولغا قويۇش پىلانىنى ئېلان قىلدى
جۇڭگو ئاخبارات ئاگېنتلىقىنىڭ 4- ئاپرېل سىدنېيدىن ئەۋەتكەن تېلېگراممىسى، نۇر تورى تەرجىمىسى: ئاۋسترالىيە فېدېراتسىيە ھۆكۈمىتى زۇڭلى گىللارد جۇڭگودا زىيارەتتە بولۇشتىن بىر كۈن ئىلگىرى (4- ئاپرېل) «ئاسىيا ئىراسى» ئىستراتېگىيەسىنى يولغا قويۇش پىلانىنى ئېلان قىلىپ، بىر قىسىم كەسپىي ئەمەلدارلارنى «ئاسىيا ئىراسى» ئىستراتېگىيەسىنىڭ مەسلىھەتچىلىك گۇرۇپپىسىنىڭ ئەزالىقىغا تەيىنلىدى.
ئاخبارات چەكلىك شىركىتىنىڭ خەۋىرىگە ئاساسلانغاندا، «ئاسىيا ئىراسى» ئىستراتېگىيەلىك پىلانىغا ئاساسەن، ئاۋسترالىيە ھۆكۈمىتى ھەر قايسى ئالىي مەكتەپلەردىكى ئاسىيا تۈرلىرىنىڭ تەرەققىياتىنى پائال ئىلگىرى سۈرىدۇ، ھەمدە خەنزۇ تىلىنى ئوتتۇرا مەكتەپنىڭ 10- يىللىق دەرسلىكىگە كىرگۈزىدۇ. مەزكۇر پىلاننى يولغا قويۇش لايىھەسىدە يەنە ئاۋسترالىيە بىلەن ئاسىيا ئەللىرىنىڭ سودا مۇناسىۋىتى، «زور سوممىلىق مەبلەغ سالغۇچىلار ۋىزىسى» دىن پايدىلىنىپ تېخىمۇ كۆپ كۆچمەنلەرنى ئاۋسترالىيەگە مەبلەغ سېلىشقا جەلپ قىلىش قاتارلىقلارمۇ ئۆز ئىچىگە ئېلىنغان.
بۇ قېتىم ئېلان قىلىنغان «ئاسىيا ئىراسى» ئىستراتېگىيەلىك پىلانى ئاۋسترالىيە فېدېراتسىيەسى 2012- يىلى 10- ئايدا ئېلان قىلغان «ئاسىيا ئىراسى ئاق تاشلىق كىتابى» بولۇپ، يولغا قويۇش لايىھەسىنىڭ تەپسىلاتلىرى تۈزۈلدى. ئاۋسترالىيە فېدېراتسىيەسى ئىچكى كابېنتىنىڭ باشلىقى ئېمېرسوننىڭ بىلدۈرۈشىچە، بۇ پىلان ئاۋسترالىيەنىڭ بۇنىڭدىن كېيىن ئاسىيا ئەللىرىگە ئالاقىدار سىياسەتلەرنى ئىلگىرى سۈرۈشىگە يېقىن يول ئېچىپ بېرىپ، ئاق تاشلىق كىتابتا تۈزۈلگەن ئۇلۇغۋار پىلاننى ئىشقا ئاشۇرىدىكەن.