چەت ئەل تاراتقۇسى AOL Autos نىڭ خەۋەر قىلىشىچە ، 2012-يىلى نيۇيورك ئاپتوموبىل كۆرگەزمىسىدە كۆرگەزمە قىلىنغان ئۇچقۇر ئاپتوموبىل يېقىندا يەنە بىر قېتىم كۆرگەزمە قىلىنغان .

تونۇشتۇرۇلۇشىچە ، روتورلۇق ئايروپىلان بىلەن ئاپتوموبىلنىڭ ئالاھىدىلىكى بىرلەشتۈرۈلگەن بۇ خىل قاتناش قورالىغا ئۈچ چاق ، گورىزونتال روتور ۋە پىرقىرىغۇچ سەپلەنگەن . ئۇ ھەم روتورلۇق ئايروپىلاندەك بوشلۇقتا ئۇچالايدىكەن ، ھەم ئاپتوموبىلغا ئوخشاش يەردە يۈرەلەيدىكەن .

بۇ خىل ئۇچقۇر ئاپتوموبىلدىن چىققان شاۋقۇن تىك ئۇچارنىڭكىدىن تۆۋەن بولۇپ ، 110 كىلومېتىرلىق سائەتلىك تېزلىكنى ساقلىغان ئەھۋالدا ، ئەڭ يىراق بولغاندا 507 كىلومېتىرلىق جايغا ئۇچۇپ بارالايدىكەن .