ياپونىيەلىك بىر جىنايەتچى تۈرمە ئالمىشىش پۇرسىتىدىن پايدىلىنىپ قېچىپ كەتتى

يەر شارى تورى ئۇنىۋېرسال خەۋىرى: ياپونىيە «يۇمىئورى خەۋەرلىرى» نىڭ 16 – ئاپرېل خەۋەر قىلىشىچە، 16 – چىسلا چۈشتىن بۇرۇن سائەت 11 لەردە، ياپونىيە ياماگاتا شەھىرى JRياماگاتا ماشىنا بېكىتىدە، سەيتاما ناھىيەسىدىن ياماگاتا تۈرمىسىگە ئاپىرىلىۋاتقان بىر جىنايەتچى يەنى خاشىموتو كېسۇكې پۇرسەتتىن پايدىلىنىپ قېچىپ كەتكەن. جىنايەتچى خاشىموتو كېسۇكې باسقۇنچىلىق قىلىپ باشقىلارنى يارىلاندۇرۇش جىنايىتى بىلەن قولغا ئېلىنغان بولۇپ، ھازىر جازا مۇددىتى ئىجرا قىلىۋاتقان ئىكەن.
شۇ كۈنى چۈشتىن كېيىن سائەت 12 دىن 15 مىنۇت ئۆتكەندە، ياماگاتا مەھكىمىسىدىكى ساقچىلار ياماگاتا ماشىنا بېكىتى ئەتراپىدىكى بىر ئامباردىن جىنايەتچى خاشىموتونى بايقىغان، ھەمدە قانۇنسىز بۆسۈپ كىرىش جىنايىتى بىلەن ئۇنى يەنە بىر قېتىم قولغا ئالغان.
ياماگاتا ناھىيەلىك ساقچى مەھكىمىسىنىڭ خەۋەر قىلىشىچە، جىنايەتچى خاشىموتو ياماگاتا ماشىنا بېكىتىدە ماشىنىدىن چۈشكەندىن كېيىن، ساقچى ماشىنىسىغا چىقىشتىن بۇرۇن، پۇرسەتتىن پايدىلىنىپ قېچىپ كەتكەن. ياماگاتا تۈرمىسىنىڭ ئۈچ تۈرمە ساقچىسى بۇ جىنايەتچىنىڭ كەينىدىن ئىز بېسىپ قوغلىغان، ئەينى چاغدىكى كونكرېت ئەھۋالنى ساقچىلار ھازىر يەنىمۇ ئىچكىرىلىگەن ھالدا تەكشۈرۈۋاتىدۇ.