جەنۇبىي شىنجاڭ تۆمۈريولىنىڭ تۇرپاندىن ئېۋىرغولغىچە بولغان بۆلىكىدە 22-ئاپرېل 12 بالدىن كۈچلۈك بوران چىقتى، بۇنىڭ تەسىرىدە، 22-ئاپرېل سەھەر سائەت 5 تىن 17 مىنۇت ئۆتكەندە جەنۇبىي شىنجاڭ تۆمۈريولىنىڭ تۇرپاندىن ئېۋىرغولغىچە بولغان بۆلىكىدە يولوچىلار ۋە يۈك پويىزلىرى توختاپ بوراندىن دالدىلاندى. سائەت 16 دىن 24 مىنۇت ئۆتكەندە، لەنجۇ – شىنجاڭ تۈمۈريولىنىڭ پىچان ناھىيەسىدىن لياۋدۇنغىچە بولغان بۆلىكىدە نۇرغۇن نۆۋەتچى پويىز كۈچلۈك بوران سەۋەبىدىن قاتناشتىن توختىدى.

　　بۇ قېتىمقى بوران تۈپەيلى جەنۇبىي شىنجاڭ تۆمۈريولىدا يەتتە نۆۋەتچى پويىز توختاپ قالدى. مۇخبىر ماقالە ئەۋەتكەنگە قەدەر، بوران پەسەيمىگەن، نۆۋەتچى پويىزلار ئىلگىرىكىدەك توختاپ قالغان.يەنە بىرخەۋەر: بوران تەسىرىدە ئۈرۈمچى جەنۇبىي شەھەر ئەتراپى يولوچىلار تىرانسپورت بېكىتىدە 47 نۆۋەتچى ئاپتوبۇس لىنىيەسىدە قاتناش توختىتىلدى، 140 تىن ئارتۇق نۆۋەتچى ئاپتوبۇس يولغا چىقالمىدى، 3000 يولۇچى بېكەتتە تۇرۇپ قالدى.

　　شۇ كۈنى مەزكۇر يولوچىلار تىرانسپورت بېكىتىنىڭ مۇئاۋىن باشلىقى گو جيەن مۇنداق دەپ تونۇشتۇردى: بىز يولغا چىقىشقا بولمايدىغانلىقى توغرىسىدا خەۋەر تاپشۇرۇۋالغاندىن كېيىن، جىددىي تاقابىل تۇرۇش لايىھەسىنى دەرھال يولغا قويۇپ، يولۇچىلارغا يولغا چىقىشقا بولمايدىغانلىقىنىڭ سەۋەبىنى چۈشەندۈردۇق ھەم بېكەتتىكى يولوچىلارنى تارقاقلاشتۇردۇق.

　　قاتناشنىڭ ئەسلىگە كېلىدىغانلىقى توغرىسىدا جەنۇبىي شەھەر ئەتراپى يولوچى تىرانسپورت بېكىتىدىن ھازىرغىچە ئوقتۇرۇش كەلمىدىگو جيەن يولۇچىلارنىڭ جەنۇبىي شەھەر ئەتراپى يولۇچىلار تىرانسپورت بېكىتدىن بېلەت سېتىۋىلىشتىن ئىلگىرى 2866653،8555697 -0991 غا تېلېفون قىلىپ يول ئەھۋالىنى سۈرۈشتۈرۇشىنى ئەسكەرتتى.