ئابلەت مۇھەممەد كۈيزارN6Uئاقيول تور بىكىتى

1N6Uئاقيول تور بىكىتى

  گۈلزارلارنىڭ شاھى سەن. سەن ھۈپپىدە ئېچىلغان قىزىلگۈلگە ئوخشايسەن. بەرگىڭدە مۇھەببەت، مۇھەببەتنىڭ ھەر بىر ئىسسىق تىنىقلىرى مېنى كۆيدۈرۈپ تۇرىدۇ. كۆيۈشلىرىمدە ساڭا چەكسىز ھارارەت بار.N6Uئاقيول تور بىكىتى

باھار تەبەسسۇم قىلغان بىپايان ساھىلدا ئىككىمىزنىڭ ئەھمىيەتلىك ھېكايىمىز بار. كۆزۈڭ سۈزۈك تەسۋىرلەرگە تولغان. يۈرىكىڭ لىرىك پىچىرلىغان؛ قەدەملىرىڭدە سەلكىننىڭ مېھىرلىك تىلەكلىرى شىۋىرلايدۇ.N6Uئاقيول تور بىكىتى

نىگاھىڭ بوستانىغا زۇمرەت قەترە بولۇپ قۇيۇلغىنىمدا، قاقاس بوز تۇپراق ياپيېشىل ئورمانزارغا ئايلاندى. ياپراقلىرىڭدا مېنىڭ قەلب سۆزلىرىم بار.N6Uئاقيول تور بىكىتى

2N6Uئاقيول تور بىكىتى

  قۇشلار قەلبىنى سۆزلىگەن سۆيۈملۈك دەملەر ئېسىڭدىمۇ؟ ئەسلىمىلىرىڭ مېىنىڭ جەريانىم بىلەن تولغان، يۈرىكىڭ مېنىڭ ئىزلىرىم بىلەن بىپايان يوللارغا مۇھەببەتلىك باققان؛ ئىنتىزارلىق تامچىغان لەۋلىرىڭدە مېنىڭ ئىسمىم تەكرارلانغان، ئېھ! دەپ ئاسمانغا كۆز تاشلىغىنىڭدا، بەخت يۇلتۇزى بولۇپ ئاشىقلىق نۇرلىرىمنى ساڭىلا تاراتقان.N6Uئاقيول تور بىكىتى

  ئاپئاق سەھەرىستان بىزگە ۋىسال قەلئەسى! كەل سېنى ئەبەدىيلىككە باغرىمغا بېسىۋالاي. باغرىمدا نازاكەتلىك تولۇنغا ئايلان، ئايدىڭلىرىڭدا كۆك كۈي مەۋجۇتلۇق زېمىنلىرىغا ئۆزلۈك جۇلاسىنى بەرسۇن!N6Uئاقيول تور بىكىتى

3N6Uئاقيول تور بىكىتى

  كۆڭۈل بوستانىڭدا سۆيۈملۈك ئارسلانىڭغا ئايلانغىنىمدىن بۇيان چەكسىز بەختلىكمەن! سەن ماڭا بىغۇبار ۋۇجۇدۇڭدا بار بولغان ھەممىنى بەردىڭ. مەۋجۇتلۇق ئالىمىمدە بارلىقىم بولۇپ ھاياتىمدەك پارلىدىڭ. پارلاشلىرىڭدا سەۋدالىقىم تارىم دولقۇنىدەك ئۇلغايدى.N6Uئاقيول تور بىكىتى

  ساڭا بىقارار مەجنۇنلۇقۇمدىن گۈزەل نەقىشلەرنى چېكىپ بەخت قولۋىقى ياسىدىم. بۇ قولۋاققا ئىككىمىزلا سىغىمىز.N6Uئاقيول تور بىكىتى

4N6Uئاقيول تور بىكىتى

 بارلىق خىياللىرىمنىڭ سەندىن باشلىنىپ داۋاملىشىۋاتقىنىدىن خۇرسەنمەن.N6Uئاقيول تور بىكىتى

  سېنىڭ باغلىرىڭ مەن ئۈچۈن خۇشپۇراق رەيھانزار؛ سېنىڭ سۆيگۈڭ مەن ئۈچۈن تەختىگاھ، سېنىڭ خىياللىرىڭ مەن ئۈچۈن پەرۋاز بوشلۇقى! سېنىڭ تىنىقلىرىڭ مەن ئۈچۈن ئەقىدە بۇلىقى!N6Uئاقيول تور بىكىتى

  ماڭا كېچىش ھەققىدە بىر ئېغىزمۇ سۆزلىمە. كېچىشنىڭ ئورنىغا ۋاپاغا ئالماشقان سۆزلىرىڭ سۈزۈك سەھەرنىڭ ئاتەش تىلەكلىرىگە ئايلىنىپ سۆيگۈ ئېقىنى ۋۇجۇدۇڭنى چۇلغاپ تۇرسۇن! سەن ماڭا ئايلان، مەن ساڭىلا بېغىشلىنىپ جاسارەتكە تولاي. سېنىڭ ئوتتەك باغرىڭغا باش قويغىنىمدا يۈرىكىمنىڭ سوقۇشلىرىدا سېنىڭ ۋۇجۇدۇڭ تەۋرىمىدىمۇ؟ ھارارەتتىن لاۋۇلدىمىدىمۇ؟ ئۆزۈڭنى گۈلخاندا كۆيۈۋاتقاندەك سەزمىدىڭمۇ؟N6Uئاقيول تور بىكىتى

  يۈرىكىمىز سۆيگۈدە ياشىرىدۇ، مەلىكەم!N6Uئاقيول تور بىكىتى