دوستۇمغا خەت

 دوستۇم!سىز سۇنۇپ يېرىمى ئىچىدە قالغان تىكەن زەرداپ قىلغاندىن  كېيىنكى  ئازابنى  ھېس قىلىپ باققانمۇ ؟

  جېنىڭىز بىلەن ياخشى كۆردىغان  نەرسىڭىزنى  قىلچىلىك ياقتۇرمايدىغان ، ياخشى كۆرمايدىغان  قىياپەتكە  كىرۋېلىپ باققانمۇ؟

  قان -زەرداپقا  لىق تولغان  يۈرىكىڭىزگە << دۇنيادا ئاچچىق يۇتقان ئۇلۇغ ، يۈك كۆتۈرگەن ئۇلۇغ تاتلىقنى  ھەممە كىشى يۇتالايدۇ >> دېگەن تەسەللىلەر بىلەن داۋا ئىزدەپ  باققانمۇ ؟

    بەلكىم بۇ سوئاللىرىمنى  سىزنى ھەيران قالدۇرشى ۋە بەلكىم سىزنى ئۇزاق ۋاقىت  يوشۇرنۇپ  ياتقان ئاشىق خىياللىرىڭىزنى ، نەپرەتلىك ھېسلىرىڭىز نى ئويغىتشى ۋە يەنە بەلكىم << ۋاي توۋا >> دەپ  مەسخىرلىك كۈلكىلىرىىگە  جور قىلشى مۇمكىن . سىز گە دېسەم  دوستۇم : كۆزلىرىمدىكى  يۇم-يۇم  ياشلىرىمنى  سۈرتۈپ ، سىز بىلەن تەڭ مېڭىۋاتقىنىم  بىلەن يۈرىكىمدىكى  بۇ قان -زەرداپقا ، تالجىۋاتقان  روھىمدىكى بىچارىلىككە  نېمە بىلەن ئامال قىلىشنى  بىلەلمەي  تېڭىرقاپ قالدىم . گەرچە  ئۆتمۈشۈمدىن شۇنچە نەپرەتلەنسەممۇ ، شۇنچە شۇنچە  يىرگىنىپ  ياشىساممۇ ، بىراق  ئۇنى  يەنە خىياللىرىم  بوسۇ غىسىدىن  ھەيدەپ قوغلىيالمىدىم .

     گويا پۈتۈن دۇنيادىكى ھەممە ھېسيات ، ھەممە گۈزەللىك ، ھەممە بەخىت -سائادەت ، ئىشقىلىپ ئادەمگە  ھەمراھ بولدىغان شېرىن ئەسلىملەر  ئۆتمۈشۈم  ئىچىدە قالغاندەك ، بۇنىڭدىن  كېيىنكى  ھاياتلىق مۇساپەمدە  مېنىڭ ئۇلاردىن زوق ئېلشىم پۇرسىتىم ئۆتمۈشۈم بىلەن تەڭلا يوقالغاندەك تۇيغۇ مىنى نەپەس ئالدۇر مايۋاتاتتى . بەلكىم  مەندە ھازىرقى  بار تۇيغۇ، بۇنداق  ھېسيات  يەنە باشقىلاردا ، پۈتۈن  دۇنيا يوقتۇر ....

        دوستۇم ، سىز  يۈرىكىڭىزدىن  چىقىرىپ ئۆكسۈپ يىغلاپ باققانمۇ ؟

  كېچە -كېچە ئۇيقۇدىن  تەرىك ئېتىپ ، ئازاب دۇنياسىغا سەپەر قىلىپ  باققانمۇ ؟

    تولا يىغلاۋېرىپ كۆزىڭىز بۇرۇنقى شوخلۇقىدىن ، جەلىپكار لىقىدىن  روشەنلىكىدىن  مەھرۇم بولۇپ باققانمۇ؟

   سىزگە  دېسەم يۈرىكىمدە ھازىر يىغىدىن  ، ئازابتىن  باشقا نەرسە يوق . غۇۋالاشقان  كۆزلىرىم  ئىلگىرىكى  بۇلاقتەك  ھالىتنى ئىزدەش بىلەن ئاۋارە ...شۇنداقتىمۇ قەلبىم ئۆزىگە مەنسۇپ يوشۇرۇن ، غەيرىي  خوشاللىقتىن  ھەر دائىم  خوشال . بۇ نېمە  دېگىنڭىزدەمسىز ؟

   قۇلاق سېلىڭ ئەمسە : دۇنيادا كىم ئازابلىنىشنى خالىسا شۇ ئازابلىنۋەرمەيدىكەن، ئازابلىنىش پۇرسىتمۇ ئۇنىڭغا كېلىۋەرمەيدىكەن ئازابمۇ ئۇنچە ئەرزان ، ئۇنچە قەدىرسىز  نەرسە ئەمەس ئىكەن ، پەقەت ساپ ۋىجدانغا ، ھەقىقىي ئىنسانىي ھېسياتقا  ئىگە كىشلا ھەقىقى ئازابلىنالايدىكەن . ئەنە شۇ ئازابنى  ھەرىكەتلەتلەندۇرگۈچ  كۈچكە ئايلاندۇرۇپ ، ئىنتايىن .ئۇلۇغ ،ئىنتايىن  مۇقەددەس ، ئىنسانلار  ئۈچۈن  ئەھمىيەتلىك ، ئەسلەشكە ، تەرىپلەشكە  ئەرزىگۈدەك ئىشلارنى ۋۇجۇدقا چىقرىش ئۈچۈن  تىماي ئىزدىندىكەن  تىرشىدىكەن ....

مەنمۇ شۇنداق ئازانلانغۇچى بولۇش ئۈچۈن سىزگە بۇ قۇرنى يازدىم . ئاڭلاڭ دوستۇم  ، يېقىندىن بۇيان  مېنىڭ بىھۇدە  ئازابلىنۋاتقىنىم  يوق . مەن ئۈچۈن بىھۇدە ئازاب مەنىسىز ، مەن ھازىر ئازابلىنىشنى  خالىسام . ئازابلىنىشنى  خالىمسام  ئازابلانماسلىقىنى  ئۆگىنۋالدىم . بۇلارنىڭ ھەممىسى  مېنىڭ ئىختىيارىمدىكى ئىشلار بولۇپ قالدى. ۋۇجۇ دۇمدا  بىھۇدە  ئازابمۇ يوق . سۆيگۈمۇ يوق . پەقەت ئىنسانلاردا  بولدىغان ھېس تۇيغۇلاردىن  نەپرەتلەرلا بار خالاس ،ھازىر  ھېچيەرگە ھېچكىمنى  ئىزدەپ بارمايمەن . مېنى ئىزدەپ كەلگەنلەردىن  بولسا بەدەر  قاچىمەن ، ئادەملەرنى  مېنىڭ بۇ دۇنيادا  مەۋجۇت ئىكەنلىكىمنى ئۇنتۇپ قالسىكەن دەپ ئويلايمەن .

  دوستۇم ، قېنى ئېيتىڭە ، سىزدە  مەندىكى ھازىرقى تۇيغۇلار بولۇپ باققانمۇ؟ئۇنىڭغا  قانداق يۈزلەنگەن ، قانداق مۇئامىلىدە بولغان ئىدىڭىز ؟

   سىزگە دېسەم ، گەرچە سىز ، مەن پەقەت  بىر بولساقمۇ ، بەلكىم باشقىلار  ئۈچۈن  بىر ئەمەس ،ئۇلارنىڭ  بارلىقى ، بەختى  بولۇشمىز مۇمكىن .

   قاچانلاردىن باشلاپ قىزىل رەڭگە  ئاشىق بولۇپ قالغانلىقىمنى  ئەسلىيەلمەيمەن ،بىراق قىزىل رەڭنى ئۆزۈمگە ھەر زامان ھەمراھ قىلىپ  ياشاپ كېلۋاتمەن ، قىزىل  رەڭمۇ  ھەر دائىم ماڭا جۇشقۇنلۇق ، ئىشەنچ . ئۈنىدۋارلىق ئاتا قىلىپ كېلىۋاتىدۇ .

  شۇڭا كەيپىياتىڭىز ناچارلاشقاندا ، كۆڭلىڭىز يېرىم ئازابلانغان چېغىڭىزدا ئىككىلەنمەي  كىيىم ئىشكاپىڭىزنى  ئېچىڭدە ئىچىدىن قىپقىزىل رەڭلىك كىيمىڭىزنى تاللاپ كىيىپ ، مەشغۇل بولماقچى  بولغان  ئىشىڭىزغا  كىرشىپ كېتىڭ  ،كۆڭلىڭىز ئەڭ يېرىم بولۇپ  يىغلىغىڭىز  كەلگەندە سىزنىڭ كۈلكىڭىزنى  كۆرۈشكە  كىم ئەڭ ئامراق شۇنى  ئويلاڭ -دە قاھ-قاھ ئۇرۇپ  خەندان كۇلۇڭ ، ھە ، شۇ چاغدا مەنمۇ ئەرزىمەس قۇرلىرىمدىن  سۆيۈنگەن بولمەن