مەنمۇ  سەنسىز ياشاپ باقاي!

مەن كۆڭۈل ئاياشنىڭ نېمىلىكىنى بىلىمەن ، شۇنداق بولغاچقا تاشنى تاياققا  تېڭىپمۇ يۈرمەيمەن ، ئەمدى بۇ ئېزىتقۇ كۆڭۈلنىڭ كەينىگە كىرىپ  بىۋاپالارغا ئۆزۈمنى ، ئەقىدەمنى خار قىلىپپ يۈرمەيمەن.چۈنكى ، ئەمدى بىلسەم ، ئۇلار مېنىڭ بۇنچىلىك ئاھ ئۇرۇپ ۋايساشلىرىمغا ئەرزىمەيدىكەن شۇنداق بولغاچقا ، مۇھەببەت پاتقىقىغا پېتىپ سېنى كېچە - كۈندۈز ساقلاپ ، ساڭا يالۋۇرۇپ  ياشىغاندىن سەنسىز يالغۇز ياشاپ  بېقىشنى ئەۋزەل دەپ بىلدىم.

مېنى ياقتۇرامدىغانسەن ؟

ئەگەر ، ياقتۇرساڭ پىيالەڭدە  چاي بولاي ، قىيام بولاي !ياقتۇرمىساڭ، سەنسىز يالغۇز ياشاۋېرەي!

سەن تاپقان پۇللىرىڭغا ئىشىنەمسەن ؟

مېنىڭچە ، سەن چوقۇم شۇنداق،ئۇنداقتا ، ساڭا ئىلتىماسىم ، مېنى قۇلۇڭغا ئوخشاتما !مەن سەندەك تەكەببۇرلاردىن بىزارمەن !تەكەببۇرلارنىڭ تۇتقان يوللىرىدىن، باسقان ھەربىر قەدەملىرىدىن بىزارمەن !

قارغىنە ئاسمانغا،ئايمۇ  كەڭ زىمىنغا نۇرىنى ئۆزى يالغۇز تۇرۇپ سېخىيلىق بىلەن چاچىدىكەنغۇ؟ئەگەر سەن بولمىساڭ  مەنمۇ ئاشۇ ئايدەك يالغۇز ياشىسام نىمبوپتۇ ؟

سەن مېنىڭ كۆڭۈل دەپتىرىمدىن ئۆتمۈشۈمنى ئاختۇرما !مەن سۆيگەن ھەم مېنى  سۆيگەنلەرنى سۈرۈشتۈرۈپمۇ يۈرمىگىن !مېنىڭدىن ھەم سوراپمۇ يۈرمە!

سەن مېنىڭ يۈرۈكۈمنى تىڭشاپ باق ، ئۇمېنىڭ بۈگۈنۈم ۋە ئەتەم  ھەققىدە ساڭا نېمىلەر نى دەركىن!

يۈرۈكۈم ،بۇ دۇنيادىن مېنى ئۆزى بىلەن تەڭ كۆرگەنلەرنى ئىزدەيدۇ !

خەيرىيەت ، بىۋاپا سۆيگۈنۈم سەنمۇ ئۆزۈڭنى جاھاندىكى ئەڭ <نوچى > دەپ ھېسابلاپ  <مەغرۇر> ياشاپ باق !

مەنمۇ ، ئۆزۈمگە چەكسىز سېغىنىشنى ھەمراھ قىلىپ ئۆزۈم يالغۇز سەنسىز  ياشاپ باقاي!!