خەنزۇلارنىڭ تەگئاتى ھەققىدە قىزىقارلىق پاراڭ

خەنزۇلار دۇنيادىكى تەگئات قوللىنىش تارىخى ئۇزاق، تەگئات قوللىنىش ۋە نەسەبنامە يېزىش مەدەنىيىتى بىرقەدەر مۇكەممەللەشكەن خەلقتۇر. شۇنداقتىمۇ خەنزۇ كىشى ئىسىم – تەگئاتلىرىنىڭ باشقا تىللاردا ئىپادىلىنىشىدە ئازدۇر – كۆپتۇر قىيىنچىلىقلار مەۋجۇد. بولۇپمۇ ئامېرىكىدا ياشاۋاتقان خەنزۇلارنىڭ ئىسىم – تەگئاتلىرىنىڭ ئېنگلىزچە ئىپادىلىنىشىدە قىزىقارلىق مىساللار ناھايىتى كۆپ.
ئادەتتە خەنزۇلار ئۆز تەگئاتلىرنىڭ پىنيىن ( 拼音 ) بويىچە يېزىلىشىنى ئېنگلىزچە تەگئاتى سۈپتىدە قوللىنىدۇ. ئەمما، كۆرۈنۈشتە خەنزۇچە پىنيىن بىلەن ئوخشاش يېزىلغان سۆزلەرنىڭ ئېنگىلىزچىدە ئوقۇلۇش ئاھاڭى باشقىچە بولغاچقا، ئامېرىكىدىكى خەنزۇلار كىشىنى تېلىقتۇرۇپ قويغۇدەك تېڭىرقاشلارغا دۇچ كېلىپ تۇرىدۇ.

تەگئاتى ( 邢 ، X ing )بولغان بىر خەنزۇ دوستىمىز ئامېرىكىدىكى بىر بانكىدا ئىشلەيدىغان بولۇپ، ھەركۈنى نۇرغۇنلىغان ئامېرىكىلىق كىشىلەر ئۈچۈن مۇلازىمەت قىلىدىكەن. باشقىلار ئۇنىڭ بوينىغا ئېسىقلىق ئىسىم كارتوچكىسىدىكى << Mr . X ing >> دېگەننى توغرا تەلەپپۇز قىلىشالماي گاڭگىرىشىدىكەن. بەزىلىرى ئاغزىغا كەلگىنى بويىچە < ئېكىس ئەپەندى > دەپ ئاتىشىدىكەن. كىشىنىڭ تېخىمۇ كۈلكىسىنى قىستايدىغىنى شۇكى، بىر قېتىم بىر موماي << Mr . Crossing >> دەپ چاقىرغان. Crossing ئەسلى ئېنگىلىزچىدا يولدىن كېسىپ ئۆتىدىغان ئاق سىزىقلار بار جاينىڭ ئېتى بولۇپ ، ئامېرىكىدا قىسقارتىپ << X ing >> دەپ يېزىلىدۇ. بەلكىم بۇ موماي شىڭ تەگئاتلىق بۇ دوستىمىزنىڭ تەگئاتىنىمۇ قىسقارتىلغان بولسا كېرەك دەپ قاراپ، تولۇقىنىلا چاقىراي دەپ << Mr . Crossing >> دەپ چاقىرغان بولۇشى مۇمكىن…

بەزى خەنزۇ تەگئاتلىرىنىڭ ئېنگلىزچە ئېيتىلىشى مەنا جەھەتتىن كىشىنى گاڭگىرىتىپ قويىدۇ. مەسىلەن، 李 ئەپەندى ( Li ) نىڭ تەگئاتى بەلكىم << يالغانچى ئەپەندىم ، MR. L ie >> دەپ چاقىرىلىشى مۇمكىن. چۈنكى بۇ جايدىكى i تاۋۇشى < ئى > تەلەپپۇز قىلىنماستىن ئېنگىلىزچىدا < ئاي > دەپ تەلەپپۇز قىلىنىدۇ. شۇنىڭ بىلەن 李 ئەپەندىنىڭ تەگئاتى < لاي > دەپ چاقىرىلىپ( ئېنگىلىزچىدىكى مەنىسى يالغانچى )، ئىشتىقۇچىدا << يالغانچى ئەپەندىم ، MR. L ie >> دەپ چاقرىغاندەك تۇيغۇ بېرىپ قويىدۇ.

تەگئاتى ( 戴 ، D ai ) بولغان كىشى << Mr.Die >> دەپ چاقىرىلىپ، باشقىلارغا << ئۆلۈم ئەپەندىسى >> دېگەن مەنانى ھېس قىلدۇرۇپ قويىدۇ. چۈنكى بۇ جايدىكى << دەي >> تەگئاتى ئېنگىلزچىدە <<داي ( ئۆلۈم ) >> دەپ تەلەپپۇز قىلىنىدۇ. ئەگەر بۇ دەي تەگئاتلىق ئەپەندى ئامېرىكىدا دوختۇر بولۇپ قالسا، ئىسمىنى بىر ئاڭلىغان كىشىلەرنىڭ ئۇنىڭغا كۆرۈنۈشى ناتايىن. شىپا تاپىمەن دېگەن كىشى << ئۆلۈم ئەپەندىسى >> گە كۆرۈنمەس ؟! …

ئامېرىكىلىق بىرەيلەننىڭ ئوغلىنىڭ خۇسۇسىي دوختۇرى جۇڭگولۇق پۇشتىدىن بولغان ( He ، 何 ) خېنىم ئىكەن. بىر قېتىم بۇ كىشى بۇ دوختۇر خېنىمنى ئىزدەپ دوختۇرخانىسىغا تېلېفون قىلىپ، خېلى ھەپىلىشىپمۇ ئۇنى چاقىرتالمىغان. ئاخىرى << دوختۇر ئۇ ( ئەرلەرگە ئىشلىتىدىغان ئۇ ) ، Dr. He >> نى ئىزدەيدىغانلىقىنى ئېيتقاندىلا ، باشقىلار دەرھال چاقىرىپ بەرگەن. دوختۇرخانىدا خې تەگئاتلىق بۇ خېنىمنى باشقا دوختۇر – سېسترالار ، بىمارلارمۇ << دوختۇر ئۇ ( ئەرلەرگە ئىشلىتىدىغان ئۇ ) ، Dr. He >> دەپ چاقىرىدىكەن. بۇ خانمۇ كۆنۈپ قالغان ئوخشايدۇ.

بىر قېتىم بۇ ئامېرىكىلىقنىڭ ئوغلىنىڭ ئوقۇتقۇچىسى تېلېفون قىلىپ، قىزىنىڭ خۇسۇسىي دوختۇرىنىڭ ئىسىم – تەگئاتى قاتارلىقلارنى سورىغان بولۇپ، بۇلار ئوتتۇرىسىدا تۆۋەندىكىدەك قىزىقارلىق دىئالوگ بولغان :
- ？ W ho is y our son’s pediatrician
- Dr. He
- ？ W hat is his phone number
- 。 Dr. H e is not he ,is she
- ？ Y ou mean he is she
- No, no, her last name is H e, but she is female, although we call her He

كانادادا ( YOU ، 尤 ) تەگئاتلىق بىر جۇڭگولۇق بولۇپ دائىم باشقا جايدىن كەلگەن جۇڭگولۇق خەنزۇلارغا ناھايىتى قىزغىن ياردەم بېرىدىكەن. بىر قېتىم ئوغۇلنىڭ تەگئاتى شى ( 佘 ، She ) ، قىزنىڭ تەگئاتى (He ، 何 ) بولغان بىر جۈپ ئوغۇل – قىز ئاشىق مەشۇقلار كاناداغا ساياھەتكە كېلىپ 尤 ئەپەندى بىلەن كۆرۈشۈپ ئۇنىڭ بىلەن بىرگە بىر يىغىلىشقا بېرىپتۇ. شۇنىڭ بىلەن بۇ پۇرسەتتە 尤 ئەپەندى بۇ ئىككى جۇڭگولۇق دوستىنى كانادادىكى ئىنگلىز دوستلرىغا تونۇشتۇرۇپ قويماقچى بولۇپتۇ.
ئاۋۋال قىزنى تونۇشتۇرۇشتىن باشلاپتۇ .

- ! She is H e ,HE
بۇنى ئاڭلىغان كانادالىق
- ？ So,　She is he ،دەپتۇ.
ئاندىن ئوغۇلنى تونۇشتۇرۇشنى باشلاپتۇ。
- ! H e is She, SHE
بۇنى ئاڭلىغان كانادالىق نېمە ئىش بولۇپ كەتكىنىنى ئاڭقىرالماي
- ？ W hat, H e is she دەپ ياندۇرۇپ سوراپتۇ.
- ! Right < شۇنداق > دەپ جاۋاب بېرىپتۇ 尤 ئەپەندى.
ئاخىرىدا ئۆزىنى تونۇشتۇرۇپ،
-! And I am Y ou, Y OU دەپتۇ
بۇنى ئاڭلىغان كانادالىق ？ Oh, Y ou are me دەپ ئايلىنىپ كېتىپتۇ…