ئەقىدە قاشگەرلىكى شىركىتىدىن ئابلىكىم ئاۋۇت يازمىسى

خوتەن قاشلىرىنى ئىنسانلار نېمە ئۈچۈن نەچچە مىڭ يىللاردىن بىرى ئارزۇلاپ ،ئەتىۋالاپ ئىشلىتىپ كەلدى؟ئۇنىڭدىكى قانداق سېھرى كۈچ ئۇنى تارىم ۋادىسىدىن دۇنيانىڭ ھەرقايسى جايلىرىغا تارقاتتى؟نېمە ئۈچۈن خوتەن قاشلىرىنىڭ باھاسى يىلدىن يىلغا ئۆرلەپ ،ئىستىمالچىلار توپى توختاۋسىز كۆپۈيۈپ مېڭىۋاتىدۇ؟كىشىلەر خوتەن قاشلىرىنى نېمە مەخسەت-مۇدىئالار بىلەن سېتىۋالىدۇ؟ئۇنىڭ ئىنسان ماددىيىتى ۋە مەنىۋىيىتىگە ئېلىپ كېلىدىغان تەسىرى نېمە؟؟؟...

يۇقارقىدەك نۇرغۇن سۇئاللارغا خوتەن قاشتېشىنىڭ ئۆزىدىن قانائەتلىنەرلىك جاۋاپ تېپىش مۈمكىنچىلىكى يوق.چۈنكى ئۇ گۈھەر تاشلارغا خاس ئاددىي بىر قېزىلما بايلىق،خالاس...

يۇقارقى سۇئاللارغا توغرا جاۋاپ بېرىش ئۈچۈن چۇقۇم ئۇزاق تارىخ جەريانىدا شەكىللەنگەن كۆپ قاتلاملىق ،كۆپ مەنبەلىك خوتەن قاش مەدەنىيىتىنى ئەتراپلىق چۈشۈنۈشكە توغرا كېلىدۇ.

ئەقىدە قاشگەرلىكىمىز <<خوتەن قاش مەدەنىيىتى جەمگاھى >>سەھىپىمىز ئارقىلىق خوتەن قاش مەدەنىيىتىنى رەتلەپ ،توپلاپ ،تەرجىمە قىلىپ ھوزۇرۇڭلارغا سۇندۇق.

دىيارىمىزدىن قېزىۋېلىنغان قەدىمىي خوتەن قاش ئويمىلىرى

ئەقىدە قاشگەرلىكى شىركىتىدىن ئابلىكىم ئاۋۇت يازمىسى

تارىم ۋادىسىدا ياشىغان ئەجدادلىرىمىز دۇنياغا داڭلىق بولغان خوتەن قاشلىرىنى  ئەڭ دەسلەپ بايقاپلا  قالماي ،يەنە  ئەڭ بۇرۇن ئۇيۇش،يۇنۇش،سىلىقلاش،يانچىش ئۇسۇللىرى ئارقىلىق خوتەن قاشلىرىنى تۈرلۈك ئىشلەپچىقىرىش قوراللىرى ،تۇرمۇش لازىمەتلىكلىرى،زىننەت بۇيۇملىرى ........قاتارلىقلارنى ۋايىغا يەتكۈزۈپ  ياساپ ئۈنىڭدىن ئۈنۈملۈك پايدىلانغان ۋە قاشتېشى مەدەنىيىتىدىن ئىبارەت بۇ بۈيۈك مەدەنىيەتنى ئىنسانىيەتكە ئۆگەتكەن.

ئارخولوگىيەلىك تەكشۈرۈش جەريانىدا  دىيارىمىزدىن قېزىۋېلىنغان قەدىمىي خوتەن قاش ئويمىلىرىنىڭ كونكىرىتنى سانىنىڭ قانچىلىك ئىكەنلىكىنى ئېنىقلاش مۇمكىنچىلىكىمىز بولمىغاچقا تۆۋەندە ۋەكىل خارەكتىرلىك بولغان بىر قانچە پارچىسىنى دىققىتىڭلارغا سۇندۇق.

بۇ قەدىمىي ئويمىلارنىڭ ۋاقتى بۇندىن 4100-5000 يىلغىچە بۇرۇن  بۇلۇپ ،خوتەن قاش مەدەنىيىتىمىزنى چۈشىنىشىمىزدە مۇھىم رول ئوينىغۇسى.

سۈرەتلەرنىڭ مەنبەسى :خەنچە  ‹‹جۇڭگۇدىن قېزىۋېلىنغان قاش ئويمىلار جەمگاھى››

ناملىق كىتابنىڭ 5-قىسىم 295-315-بەتلىرى

(中国出土玉器全集››----------(浙江古籍出版社››.