ئاخبارات ئېلان قىلىش يىغىنى نەق مەيدانى

    تەڭرىتاغ تورى خەۋىرى : 23-ئىيۇل چۈشتىن كېيىن ، مۇخبىرنىڭ 2013-يىلى ئالدىنقى يېرىم يىللىق شىنجاڭ ئۇيغۇر ئاپتونوم رايونىنىڭ خەلق ئىگىلىكىنىڭ يۈرۈشۈش ئەھۋالى ئاخبارات ئېلان قىلىش يىغىنىدىن ئىگىلىشىچە ، ئالدىنقى يېرىم يىلدا پۈتۈن ئاپتونوم رايوننىڭ ئىشلەپچىقىرىش ئومۇمىي قىممىتى (GDP) سى 289 مىليارد 651 مىليون يۈەن بولۇپ ، ئالدىنقى يىلنىڭ ئوخشاش مەزگىلدىكىدىن 10.5 پىرسەنت ئېشىپ ، ئېشىش سۈرئىتى پۈتۈن مەملىكەتنىڭكىدىن 2.9 پىرسەنت پوئېنت تېز بولغان . ئىقتىسادنىڭ ئېشىش سۈرئىتى پۈتۈن مەملىكەت رەت تەرتىپىدە 2012-يىلىنىڭ ئوخشاش مەزگىلدىكى مەملىكەت بويىچە 18-ئورۇن ۋە 2013-يىلىنىڭ 1-پەسلىدىكى 12-ئورۇندىن 10-ئورۇنغا ئۆرلىگەن ، شۇنداقلا 1991-يىلىدىن بۇيان تۇنجى قېتىم مەملىكەت بويىچە ئالدىنقى 10 نىڭ ئىچىگە كىرگەن .