نۆۋەتتىكى ئورنىڭىز: تورخۇمارلار كۇلۇبى > بارلىق يازمىلار > رەقەملىك دۇنيا > يازما مەزمۇنى

Android يانفون ھەۋەسكارلىرى ئۈچۈن خۇشخەۋەر! ئۇيغۇرچە Android يانفون ROM بولىقى ئاخىرى تارقىتىلدى!

تەخمىنەن ئۈچ ئاي ئىلگىرى، ئۇيغۇرچە Android يانفون مەشغۇلات سېستىمىسى ھەققىدە تورداشلارغا بىر قىسىم ئۇچۇرلارنى تەمىن ئەتكەن ئىدۇق. بۈگۈن بۇ يانفون سېستىما بولاقچىسى ئاخىرى ئۇيغۇر يۇمشاق دېتال ئىجادىيەتخانىسى تەرىپىدىن رەسمى تارقىتىلىپتۇ!

بۇ ھەقتىكى ئىلگىرىكى ئۇچۇرلارنى بۇ يەردىن كۆرەلەيسىز

تۆۋەندىكى ئۇچۇرلار ئەسلى مەنبەدىن ئەينەن ئېلىندى:

تەجرىبىخانىمىز نەچچە رەت سىناقلار ئارقىلىق گۇگىل يانفۇنىنىڭ ئۇيغۇرچە رومنى دەسلەپكى قەدەمدە مۇقىملاشتۇرۇپ چىقتى. سىناشقا قاتناشقانلار بايقىغان مەسىللەر ئاساسەن ئوڭشالدى، چالا تەرجىمىلەر تولۇقلاندى، ئىملاسى تۈزىتىلدى. مەخسۇس قوزغىلىش ئېكرانى ياسالدى، ئېكران تەگلىك رەسىملىرى قوشۇلدى.

قوزغىلىش ئېكرانى

بۇ نامدىكى يانفۇن بارلارنىڭ ئىشلىتىپ بېقىشىنى تەۋسىيە قىلىمىز، ھەم كۆرۈلگەن مەسىللەرنى بىزگە يوللاپ بېرىشىنى ئۈمىد قىلىمىز. ئىشلەتكۈچىلەر ئىنكاسى ۋە سىستېما يېڭىلىنىشغا ئەگىشىپ روم ئۆزلۈكسىز يېڭىلىنىدۇ.

دىققەت:

يانفۇنغا ROM ھۆججىتى قاچىلاش خەتەرلىك مەشغۇلات! مەشغۇلاتىڭىز توغرا بولمىسا يانفۇنىڭىزنى بۇزۇپ قويىشىڭىز مۇمكىن. كومپيۇتېر ۋە يانفۇن مەشغۇلاتىغا پىششىق بولمىسىڭىز ROM قاچىلىماڭ.
ROM ھۆججىتىنى قاچىلىسىڭىز يانفۇنىڭىزدىكى بارلىق ئۇچۇرلار يوقاپ كىتىدۇ. مەشغۇلاتتىن ئىلگىلىرى ئۇچۇرلىرىڭىزنى زااپاسلىۋىلىڭ. ROM قاچىلاش جەريانىدا كىلىپ چىققان بارلىق ئاقىۋەتكە ئۆزىڭىز مەسئۇل.

ئۇيغۇرچە Android سىستېمىلىق ئەقلىي ئىقتىدارلىق يانفۇن سېتىۋالماقچى بولسىڭىز دۆڭكۆۋرۈك ئەقلىي ئىقتىدارلىق مەھسۇلاتلار بازىرىغا قەدەم تەشرىپ قىلىڭ. بۇ توردىكى سودا بازىرىنىڭ ئاندروئىد ئۈسكىنىلىرى تۈرىنى تەجرىبىخانىمىز تېخنىكىلىق قوللايدۇ.
مەنزىلى:
دۆڭكۆۋرۈك ئەقلىي ئىقتىدارلىق ئۈسكۈنىلەر بازىرى

بۇ نەتىجىنى خاتىرلەش ئۈچۈن ئۇيغۇرچە Android بەلگىسى بېسىلغان مايكا تەييارلاندى. خالىغانلار دۆڭكۆۋرۈك ئەقلىي ئىقتىدارلىق مەھسۇلاتلار بازىرىدىن سېتىۋالغايسىلەر، بۇ خاتىرە بۇيۇمىدىن ئۇيغۇرچە ئاندروئىد ئىشلىرىغا 5 سوم كىرىم بۇلىدۇ.

ئەگەر خالىسىڭىز تۈۋەندىكى ئۇلانمىنى چىكىپ، بۇ خىزمەت ئۈچۈن 5 سوم ئىئانە قىلىڭ.

ئىئانە

ئاخىرىدا Android دەك  بۇ مۇنەۋۋەر سىستېمىنى روياپقا چىقارغان ھەم ھەقسىز تارقاتقان گۇگىلغا، Android  تارىخىدىكى گىگانت ساينوگىن، باشقىلاردىن موداكو ۋە خاس ئۇسلۇپ ياراتقان MIUI لارغا مىننەتدارلىق بىلدۈرىمىز، شۇنداقلا ئۇيغۇرچە Android  ئىشلىرى ئۈچۈن ئەجىر سىڭدۈرگەن بارلىق ئەزىمەتلەرگە، يېقىندىن كۆڭۈل بۆلگەن بارلىق تورداشلارغا كۆپ رەھمەت ئېيتىمىز.

ئاخىرقى سۆز

نۆۋەتتىكى ئۇچۇرلارغا ئاساسلانغاندا، مەزكۇر ROM بولىقى پەقەت Google Nexus One يانفونى ئۈچۈنلا ياسالغان بولۇپ، باشقا Android سېستىمىسىدىكى يانفونلارغا ماس كېلىدىغان كەلمەيدىغانلىقى تېخى ئېنىق ئەمەس. ئەڭ يېڭى ئۇچۇرلار داۋاملىق تەمىنلىنىشى مۇمكىن. مۇشۇ خىلدىكى يانفون ئىشلىتىۋاتقان تورداشلارنىڭ سىناپ بېقىشىنى ۋە سىناق نەتىجىسىنى تەمىنلىشىنى قارشى ئالىمىز.

چۈشۈرۈش مەنزىللىرى:

Nexus One ROM ھۆججىتى |    يىڭىلاش قۇرالى |     ROM يېزىش قۇرال(recovery) |    قاچىلاش قوللانمىسى |    Google يۇمشاق دېتاللىرى (Google Apps) |   مەنبە: بىلىك كۇلۇبى |    قاچىلاش قوللانمىسى PDF ھۆججىتىنى ئوقۇش ئۈچۈن Foxit Reader



ئەسكەرتىش: ھەرقانداق ئۈندىدار سالونىنىڭ رۇخسەتسىز مەزكۇر يازمىنى يۆتكەپ ئىشلىتىشىگە رۇخسەت قىلىنمايدۇ، ناۋادا شۇنداق ئەھۋال بايقالسا، تېڭشۈن شىركىتىنىڭ مۇناسىۋەتلىك نىزاملىرىغا ئاساسەن شۇ ئۈندىدار سالونىنىڭ مەسئۇلىيىتى سۈرۈشتۈرىلىدۇ.
تۆۋەندىكى ماقالىلەرنى تېخىمۇ ياقتۇرۇپ قالىسىز:

تورداشلارنىڭ باھاسى

  1. ئەلشىر 2011.08.12 , 14:36 بۇ باھاغا پىكرىم بار

    Google Nexus One بۇ يانفۇنلار ئەرزان ئەمەس جۇمۇ! :arrow:ئىشلىتەلەيدىغانلار جىق ئەمەسكەن:sad:

  2. روھچىن 2011.08.12 , 14:52 بۇ باھاغا پىكرىم بار

    مەن چۇقۇم سىنايمەن. بۇ گەپچە مىنىڭ يانفۇنۇمغا ماس كەلمىگۇدەك. شۇنداقتىمۇ يا بۇزۇلۇدۇ يا ئۇيغۇرچە ئاندرويد ئىشلىتىمەن .

    • دىغار 2011.08.12 , 15:54

      بۇنداق قىلغاندىن كۆرە، يانفۇنىڭىزنى سېتىۋىتىپ، Nexus One دىن بىرنى ئېلىڭ! ئازراق زىيان تارتىسىز!

  3. ئىزيار 2011.08.12 , 17:38 بۇ باھاغا پىكرىم بار

    مەن ئېنگىلىزچىنى ئىشلىتەي دەپ تۇرسام !!! ئەممازە مايكىسى بولىدىكەن مەن بىرنى ئالايمىكىن دەپ قالدىم !توردىمۇ ساتارمۇ ؟؟!

  4. دولقۇن731 2011.08.12 , 18:50 بۇ باھاغا پىكرىم بار

    Androidنى ئەمدى ئىشلەتمەي بولمىدى…….

  5. نۆل ۋە بىر 2011.08.12 , 19:23 بۇ باھاغا پىكرىم بار

    مەن بۇ تىرىشچانلارغا بىرەر چوڭراق يانفۇن شىركەتلىرى بىلەن بىرلىشىپ دىيارىمىزنى ماركىلىق ئەقلىفون بىلەن ئۇچىرىشىش پۇرسىتىگە ئىگە قىلىش تەكلىۋىنى بىرىمەن…‹قۇتلان›مۇ بولىدۇ…ھازىرچە مىنىڭ x10نىمنىڭ بۇ romنى قوللىشىنى ئۈمىد قىلىمەن.

    • تور_سودا 2011.08.14 , 17:44

      سىز تېخى خەۋەرسىز يۈرگەن بىلەن، بۇ ئىشنى قىلغانلار قۇتلاننى بېسىپ چۈشىدىغان شىركەت بۇلار. گەرچە يېڭى قۇرۇلغان بولسىمۇ… مەيلى مەبلىغى، مەيلى تېخنىكىسى جەھەتتە بولمىسۇن.

  6. ئەلشات 2011.08.12 , 20:35 بۇ باھاغا پىكرىم بار

    تور خۇمار ماڭا ئىۋۇ پاكىنەك ئاندىرىيود دەك كۈندىن كۈنگە ۈىر يەرلىرى كىچىكلەۋاتقاندەك كۆرۈنۈۋاتىدۇ:???:

  7. miss 2011.08.12 , 21:02 بۇ باھاغا پىكرىم بار

    ئاۋۇ قوزغىلىش رەسىمى چىرايلىقكەن،بىزنىڭ تېلىفۇنلارغا ماس كىلىدىغانلىرى چىققۇچە چىشىمىزنى بىلەپ تۇرىلى:grin:

  8. قاينام 2011.08.12 , 21:13 بۇ باھاغا پىكرىم بار

    HTC Desire G7 نىڭ باھاسى بەك يۇقرى بۇلۇپ كەتتىمۇ قانداق ؟
    بازاردىكى ھازىرقى باھاسى 2200 سومدىن يۇقرى ئەمەسقۇ ؟

  9. فەخرۇ 2011.08.12 , 22:27 بۇ باھاغا پىكرىم بار

    ئايفۇنغىمۇ مەخسۇس ئۇيغۇرچە ئەپ ياسايدىغان گۇرپا قۇرۇلغان بولسا ماددى جەھەتتىن قوللىيالمىساممۇ مەنىۋى جەھەتتىن قوللاپ قوياتتىم :roll:

  10. بۆرەيار 2011.08.12 , 23:54 بۇ باھاغا پىكرىم بار

    ۋاھ… بۇ جەھەتتىكى ئۇچۇرلارنى بولسا ئۈزۈلدۈرمەي يوللاپ تۇرسىڭىز… بۇ خىزمەت جەريانىدا قىلىدىغان قارا ئەمگەكلەر بولسا ئېيتىلسا بىزمۇ قولىمىزدىن كېلىشىچە ھە ھۇ دېسەك بولىدۇ.

  11. ئەلى 2011.08.13 , 00:10 بۇ باھاغا پىكرىم بار

    n600نىڭغا چۈشۈدىغان چىقامدىغاندۇ!

    • شەيدايى 2011.08.13 , 13:45

      سىزمۇ ئاشۇ n600 نى ئىشلىتەمسىز؟؟؟ بۈنىڭغا بېشىڭىزنى تاشقا ئۇرسىڭىزمۇ ئۇ ئۇيغۇرچە rom نى قاچلىغىلى بولمايدۇ

  12. بەگزادە 2011.08.13 , 00:25 بۇ باھاغا پىكرىم بار

    ئايفوننىڭ ئۇيغۇرچە بولىغى چىقسا 5يۇەن ئەمەس 50يۈەن بىلەن قوللايتتىم …

    • دىغار 2011.08.13 , 12:06

      ئاندرويدنىڭمۇ قوللىغۇچىلىكى بار، بەگزادەم!!!

  13. ئەززام 2011.08.13 , 01:29 بۇ باھاغا پىكرىم بار

    مىنىڭ SHARP SH8118U تىلفۇن ئىدى ، مۇشۇمۇ قوللامۇ ھە ؟
    سېستىمىسى ئاندىريود 2.2 ئىدى.

    • تورخۇمار 2011.08.13 , 10:55

      ھازىرچە پەقەت Nexus One غىلا ماس كېلىدىكەن، باشقا تېلىفونغا ماس كېلىدىغان ROM بولىقى پات ئارىدا ئېلان قىلىنارمىش.

  14. www.yanfun.cc 2011.08.13 , 10:32 بۇ باھاغا پىكرىم بار

    مەندە nexus one دىن بىرى بار ئىدى ، جىددىي قاچىلاش تەييارلىقى قىلىۋاتىمەن ، ئۇزۇندىن بېرى ئىشلىتىۋاتقان miui دىن ۋاز كىچىشكە توغرا كىلىدىغان بولدى .
    لېكىن بۇ بولاقنى nexus one دىن باشقا يانفۇنغا قاچىلاشقا بولمايدۇ . بۇ بولاق مەخسۇس nexus one ئۈچۈن ياسالغان .

  15. سۈرخان 2011.08.13 , 14:38 بۇ باھاغا پىكرىم بار

    ئاۋۇ قوزغىلىش سۈرىتىنى زاپەر تىلفونىمنىڭ قوزغىلىش ئىكرانى قىلىۋىلىپ داملىتايمىكن:grin::grin::grin::grin:

  16. فىردەۋس 2011.08.13 , 19:28 بۇ باھاغا پىكرىم بار

    Huawei c8500 غا قاچىلىغىلى بولامدۇ؟

  17. ئۆمۈچۈك 2011.08.13 , 19:49 بۇ باھاغا پىكرىم بار

    بۇنىڭ ROM نىلا ئەمەس تىل بولىقىنى (apk شەكىللىك ) چىقىرىپ قويغان بولساڭلار تىخىمۇ ئاسان بولاتتى..

    • سارۋان 2011.08.15 , 19:10

      بۇ مەشغۇلات سىستېمىسىنىڭ ئەڭ زور ئەۋزەللىكى كۆرۈنمە يۈزى ئۇيغۇرچە بولۇپلا قالماي. ئۇيغۇر يېزىقىنى قوللايدۇ.

      ئۇيغۇر يېزىقىنى مەشغۇلات سىستېمىسىنىڭ نىگىزىدىن قوللاتقۇزۇش ئۈچۈن مەشغۇلات سىستېمىسىنىڭ ئەسلى كودىنى ئۆزگەرتىپ، ئىقتىدار قوشۇش كىرەك. شۇڭا پۈتۈن مەشغۇلات سىستېمىسى روم ھۆججىتى بولۇپ چىقىدۇ.

  18. نەۋقىران 2011.08.14 , 11:47 بۇ باھاغا پىكرىم بار

    بۇ سىستىما سەنشىڭ تىلفۇنۇمنڭ تىپىنى ئۆزگەرتىپ بى نۇرمال قىلىپ قويدى ، ھەققى ياخشىسىنى ئىلان قىلىشىنى ئۈمۈت قىلىمەن
    تەرجىمە گورپىسىدىكىلەر جاپا چەكتى لىكىن يەنە ئازراق تىرىشىپ ھەممە يانفۇنغا ماس كىلىدىغان قىلىپ قويسا مەنمۇ خۇش بولاتتىم

    • سارۋان 2011.08.15 , 19:04

      بۇ روم ھۆججىتى پەقەت nexus one تېلېفۇنغىلا ماس كىلىدۇ.
      يانفۇن مەشغۇلات سىستېمىسى كومپيۇتېرنىڭكىگە ئوخشىمايدۇ. يانفۇن مەشغۇلات سىستېمىسا ئۆزى قاچىلانماقچى بولغان بىر ئۈسكۈنىنىڭ مەخسۇس سەپلىمىلىرى، قاتتىق دېتال قوزغىتىش پروگراممىلىرى بولىدۇ. ئۇنى باشقا يانفۇنلارغا قاچىلىغىلى بولمايدۇ.

      ناۋادا قاچىلىسڭىز تېلېفۇنىڭىزنى بۇزۇپ قويىسىز. شۇڭا چوقۇم ماس روم قاچىلاڭ.

  19. ئېليىار 2011.08.14 , 13:18 بۇ باھاغا پىكرىم بار

    خوش بولغانتىم بىراق مىنىڭ 2.2 سېستىمام قوللمايدىكەن ئەمەسمۇ بالدۇرراق چىقسا بولاتتى دوسلا چىقسا ماڭا خەۋەر قىلىپ قويۇڭلا جۇما چچ 510316443

    • سارۋان 2011.08.15 , 19:17

      قاچىلىماقچى بولغان روم بىلەن ھازىرقى سىستېمىڭىزنىڭ نەشرىنىڭ مۇناسىۋىتى يوق. ھازىرقى سىستىمىنى پۈتۈنلەي ئۆچۈرۋىتىپ ئاندىن يىڭى رومنى قاچىلايسىز. ناۋادا تېلېفۇنىڭىز نېكساس ۋان بولسا قاچىلىسىڭىز بولىدۇ.

      ئەمما قاچىلاشقا كۆزىڭىز يەتسە قاچىلاڭ. روم قاچىلاشنىڭ خەۋپ خەتىرى بار. ئەسلى مەنبەدىمۇ ئەسكەرتىلگەن.
      http://lab.uyghurdev.net/Uyghuroid/

  20. چەۋەندازلار 2011.08.15 , 16:37 بۇ باھاغا پىكرىم بار

    كاتتا ئەمگەكتىن بىرنى روياپقا چىقىرىپتۇ! بارىكاللا!

  21. ئابدۇللا 2011.08.15 , 17:09 بۇ باھاغا پىكرىم بار

    مىنىڭ ل ج پ 500 ئدى . بۇنىڭغىمۇ چۈشمەمدۇ قانداق ……

  22. ئەلى 2011.08.15 , 23:38 بۇ باھاغا پىكرىم بار

    Android تىلفۇنلارنىڭ cdmaتورىنى قوللايدىغانلىرىغىمۇ بولامدىغاندۇ

    • www.yanfun.cc 2011.08.22 , 11:11

      Android يانفۇنلارنىڭ CDMA نى قوللايدىغىنى بار

  23. ئاغىنە 2011.08.19 , 16:18 بۇ باھاغا پىكرىم بار

    ياخشىمۇسىز ؟ بۇ روم ئاندرويىدنىڭ قول كومپيۇتېرىغىمۇ ماس كېلەمدۇ ؟ تور سىمى چېتىپ تۇرۇپ تورغا چىقىدىغانغا ؟

  24. anana05 2011.09.10 , 13:08 بۇ باھاغا پىكرىم بار

    ياخشى بويۇ جۇمۇ؟!!!

  25. خۇشخۇي 2012.03.29 , 18:12 بۇ باھاغا پىكرىم بار

    لىيەنشاڭ a60 غا ماس كېلەرمۇ

  26. شوخ بوۋاي 2012.05.18 , 13:22 بۇ باھاغا پىكرىم بار

    مىنىڭ 酷派d530 ئاندوروي سىىتىمىسى بار تىلىفۇنى بۇنىڭغىمۇ ماس كىلەرمۇ ؟؟:razz:

  27. پادىشاھ 2016.02.02 , 14:39 بۇ باھاغا پىكرىم بار

    مەن چۈشۈرەلمىدىم

باھا بېتى: 1 2
         
GRAVATAR باش سۈرىتى
icon_wink.gificon_twisted.gificon_smile.gificon_shy.gificon_eek.gificon_se.gificon_sad.gificon_rolleyes.gificon_razz.gificon_redface.gificon_neutral.gificon_mrgreen.gificon_mad.gificon_lol.gificon_kiss.gificon_idea.gificon_biggrin.gificon_evil.gificon_surprised.gificon_dizzy.gificon_cry.gificon_cool.gificon_arrow.gificon_confused.gificon_question.gificon_exclaim.gif

无觅相关文章插件,快速提升流量