كۈندىلىك تۇرمۇشتا، بەزىدە يانفوندىكى قىسقا ئۇچۇرلارنى زاپاسلاپ خاتىرە قىلىپ ساقلاپ قويۇش ئېھتىياجى چىقىپمۇ قالىدۇ. SMS Backup بولسا دەل يانفوندىكى قىسقا ئۇچۇرلارنى ئاپتوماتىك ھالدا gmail غا زاپاسلاپ ماڭىدىغان قورال، Gmail نىڭ مۇقىملىقىغا كەلسەك، يەنە نەچچە ئون يىلغىچە جاھاننىڭ ئالدىدا مېڭىشىغا ئەلۋەتتە گەپ كەتمەيدۇ…

Gmail دا بۇ ئۇچۇرلار ئېلخەت شەكلىدە ساقلىنىدۇ، ئەڭ چوڭ ئالاھىدىلىكى ئىزدەپ تېپىش قولايلىق، مەسىلەن، سىز توردىن بىرەر نەرسە سېتىۋېلىپ، يانفونىڭىزغا كەلگەن قىسقا ئۇچۇر ئۆچۈرۈلۈپ كەتكەن بولسا، يانفونىڭىزنى ئېلىپلا Gmail نى ئېچىپ تاپالايسىز.

ئەلۋەتتە، بۇنىڭ بىر قىسىم كىشىلەر ئۈچۈن ئانچە بەك زۆرۈر ئەھمىيىتى بولۇپ كېتىشىمۇ ناتايىن. بىراق، ناۋادا 80 ياشقا كىرگەن چېغىڭىزدا، 20 ياشتا يېزىشقان قىسقا ئۇچۇرلىرىڭىزنى خالىغانچە ئېچىپ كۆرەلىسڭىز، بۇمۇ قالتىس ئىش بولىدۇدە! ئۇنىڭ باشقا سۆزلىشىش خاتىرىسىمۇ ئاپتوماتىك ساقلىنىدۇ، ئۇسۇلى قىسقا ئۇچۇرغا ئوخشاش، Call Log ئىسىملىك خەتكۈش ئاستىغا ساقلىنىدۇ.

Android قوللانچى بازىرىدىن چۈشۈرۈش     |    مەنبە: torhumar.com