ئۈچ يىل ئىلگىرى، ھېچكىم بىلمەيدىغان ئۆزگىچە يېڭى بىر ئويۇن – «تاشلاندۇق زېمىن» (Borderlands) ئېلان قىلىندى، بۇ ئويۇن ئۆزىگە خاس بولغان كۆرۈنمە يۈز تۈسى، ھەمدە FPS(قوراللىق ئېتىشىش تىپى) بىلەن RGB(مەخلۇقلارنى ئۆلتۈرۈپ دەرىجە ئۆرلەش تىپى) ئۇسلۇبى بىرلەشتۈرۈلگەن يېڭىچە ئويناش ئۇسۇلى، يېڭىچە بولغان ئويۇن كەسىپلىرى، مول بولغان ماھارەت ئېلىمېنتلىرى ھەمدە ئىنتايىن ئەركىن بولغان ئويۇن شارائىتى ئارقىلىق مىليونلىغان ئويۇن مەستانىلىرىنىڭ دىققىتىنى ئۆزىگە تارتتى. ئويۇن ھەقىقەتەن قالتىس ئىشلەنگەن بولغاچقىمۇ، نۇرغۇن كىشىلەر بۇ ئويۇنغا FPS تۈرىدىكى Diablo دەپ نام بېرىپ ئۈلگۈردى.

تورخۇمارلار كۇلۇبىدىمۇ بۇ ئويۇن خېلى بۇرۇنلار «ئىگە چاقىسىز زېمىن» دېگەن نامدا ئېلان قىلىنغان ۋە نۇرغۇن تورداشلارنىڭ دىققىتىنى ئۆزىگە تارتقان ئىدى. مانا بۈگۈنكى كۈنگە كەلگەندە، بۇ ئويۇننىڭ ئىككىنچى ئەۋلاد نەشىرى «تاشلاندۇق زېمىن2»(BorderLands2) ئاخىرى ئېلان قىلىندى! ئىككىنچى ئەۋلادتا بىرىنچى ئەۋلادقا قارىغاندا يېڭىلىقلار خېلىلا كۆپ. پۈتۈنلەي يېڭىچە بولغان ماھارەت، شارائىت، دۈشمەن، قورال-جابدۇقلار ۋە پېرسوناژلار، ئەلۋەتە يەنە نۇرغۇن يۇمۇرىستىك ۋە فانتازىيەگە تويۇنغان ھېكايىلەر…

ئەلۋەتتە، ئويۇننىڭ كۆرۈنمە يۈزىدىمۇ خېلى زور ئىلگىرىلەشلەر بار، تەشۋىق فىلىمىدىن قارىغاندىلا ئويۇننىڭ قانچىلىك دەرىجىدە قىززىقتۇرۇش كۈچىنىڭ بارلىقىنى ھېس قىلغىلى بولىدۇ، ئوينىغاندا تېخىمۇ پۇخادىن چىقىشىمىز مۇمكىن. ئويۇن چىقىشى بىلەن ھەرقايسى تاراتقۇلار ۋە ئويۇن مەستانىلىرىمۇ بەس-بەستە ياخشى باھالىرىنى بېرىپ ئۈلگۈردى، بۇنداق ياخشى ئويۇننى ئەلۋەتتە تورخۇمارلارغا تەۋسىيە قىلماي بولماس؟

ئويۇننىڭ تەشۋىق فىلىملىرى:

قاچىلاش ئۇسۇلى:

1. چۈشۈرۈپ پۈتۈنلەي لاتىنچە ھەرپتىن تۈزۈلگەن مەنزىلگە يېشىپ بېرىمىز؛
2. setup.bat ھۆججىتىنى قوش چېكىپ قاچىلاش ئېلىپ بارىمىز؛
3. يېشىش يامىقىنى ئۇرىمىز؛
4. خەنچىلەشتۈرۈش يامىقى ۋە خەرىتە يامىقىنى ئۇرىمىز؛
5. ئويناشنى باشلىساق بولدى.

چۈشۈرۈش مەنزىلى(迅雷 دە چۈشۈرۈڭ):

تاشلاندۇق زېمىن2 نى چۈشۈرۈش     |   مەنبە: تورخۇمار    |    يېشىش يامىقى    |   خەنچە تىل يامىقى    |    خەرىتە يامىقى