|
بەس ئەمدى، ھېسسىيات، مەزمۇندارلىق، پىكىردىكى چوڭقۇرلۇق، پەلسەپىۋىلىك ھەققىدىكى قاراشلىرىمىزنى ئىسپاتلايمىز دەپ ئەسەرنىڭ ئۇ يەر - بۇيەردىن ئۈزۈندە ئېلىپ باياننىڭ راۋانلىقى، مەزمۇننىڭ پۈتۈنلۈكىنى بۇزۇپ قويدۇق. بۇ ئەسەرگە قىلىنغان ھۆرمەتسىزلىك. چۈنكى، بىز يۇقىرىدا تىلغا ئالغان تەرەپلەر كىتابنىڭ ئۇ يەر - بۇ يېرىدە ئۇچراپ قالىدىغان ئايرىم ئالاھىدىلىكلەر بولماستىن، بەلكى كىتابنىڭ بېشىدىن - ئاخىرىغىچە سىڭىپ كەتكەن، ھەر بىر بەت، ھەر بىر ئابزاس، ھەر بىر جۈملىدە ئۇچراپ تۇرىدىغان ئومۇملۇقتۇر. ئۇنىڭ ئۈستىگە بۇ مەزمۇنلار بېشى ئاخىرىنى، ئاخىرى بېشىنى تەقەززا قىلىدىغان ئىزچىللىق ۋە مۇكەممەللىككە ئىگە. يۇقىرىقىدەك پارچىلىغاندا ئۈزۈندىمىز ئۆزىنىڭ مەنە قاتلاملىرىنى تولۇق كۆتۈرۈپ قوپالمايدۇ، ئەڭ ياخشىسى كىتابخان بۇ تەرەپلەرنى كىتابنى ئوقۇپ ھېس قىلغىنى ياخشى. |
