ئەقىللىق قوي
فاڭ جۈن يوڭ
بۆرە قويلار توپىغا ھۇجۇم قىلىپ ، يالغاندىن ھىلى ئۇنىڭغا ، ھىلى بۇنىڭغا ئىتىلىپ بىقىپتۇ . بىراق بىرنىمۇ يىيەلمەپتۇ . قورقۇپ كەتكەن قويلار پۇتۇن كۇچى بىلەن ئۆزىنى چەتكە ئىلىشىپتۇ.
تۇنجى كۇنى ، قويلارغا ھىچقانداق زىيان-زەخمەت يەتمەپتۇ ، بىراق ئۇلار بىر كىچە ئۇخلىيالماپتۇ . ئۇلار بۆرىنىڭ قۇرۇق قول قايتىپ كەتكەندىن كىيىن ، يەنە قانداق قىلىدىغانلىقىنى بىلمەيىتتى.
بۆرە2 -كۇنى يەنە كەپتۇ ، ئۇ بىرقوينى يەپ يەنە بىر قوينىڭ پۇتىنى سۇندۇرۇۋەتكەندىن كىيىن ئاندىن بولدى قىپتۇ . بۆرە كۆرەڭلىگىنىچە « مەن يەنە كىلىمەن . » دەپ قويۇپ كىتىپتۇ .
قويلار يەنە بىر كىچە ئۇخلىيالماپتۇ . ئۇلار ۋەھشىيلەشكەن بۇ بۆرىنىڭ زادى قاچان كىلىدىغانلىقىنى بىلمەيدىكەن . تاڭ ئاتقاندا بۆرە كەلمەپتۇ . قويلار بۆرە كەلگەندىكىنىدىنمۇ بەكرەك ئەندىشىگە چۇشۇپتۇ .
شۇنىڭ بىلەن قويلار بۇنداق كىتىۋەرسە بولمايدىغانلىقىنى ھىس قىلىپ، ئۇلارنىڭ ئارىسىدىكى بىرنەچچە ئەقىللىق قوي بۆرىگە قانداق تاقابىل تۇرۇش ھەققىدە مەسلەھەتلىشىپتۇ . ئۇلار خىلى ئۇزۇندىن كىيىن ئامال تىپىپتۇ . ئامال تىپىلغاندىن كىيىن بۇ ئەقىللىق قويلار خاتىرجەم ھالدا ئۇيقۇغا كىتىپتۇ . قالغان قويلار ھىچنىمىنى بىلەلمەپتۇ .
بۆرە يەنە كەپتۇ ، بۇ كۇنى كەچتە قويلار ناھايىتتى خاتىرجەم ھالدا ئۇخلاپتۇ . بىراق بىر قىرىندىشى كىمىيىپ قاپتۇ.ھەممىسى ئۇ قوينىڭ تەقدىرىنىڭ قانداق بولغانلىقىنى بىلەتتى . بىراق كۆپچىلىكنىڭ ھىچقايسىسى ئەپسۇسلانماپتۇ. چۇنكى ئۇ قويلار ئىچىدىكى ئەڭ ئاجىز بىر قوي ئىدى . ئەقىللىق قوي مۇنداق دەپتۇ « ئۇ بىز بىلەن ياشاشقا مۇناسىپ كەلمەيدۇ » . قالغان قويلارمۇ ئۇنىڭ كۆز قارىشىنى تەستىقلاپتۇ .
كۆپچىلىككە ناھايىتتى ئايانكى ئاجىزلار چوقۇم شاللىنىشى كىرەك .شۇنىڭدىن كىيىن ئۇلار خاتىرجەم ھالدا ئۇخلاپتۇ . ھەمدە ئىلگىرىكىدەك دەككە-دۇككە ئىچىدە ياشىمايدىغان بوپتۇ . پەقەتلا ھىلىقى بىچارە ئاجىز قوينىڭ بىشغا كەلگەن كۇننىڭ ئۆزلىرىگە كىلىپ قىلىشىدىنلا ئەنسىرەيدىكەن . كىم ئەڭ ئاجىز ؟ ھىچقايسىسى ئەلۋەتتە ئۆزىنى ئاجىز دىمەيدۇ - دە!
بۆرە قەرەلسىز ھالدا كىلەتتى . بۆرە كىلشىتىن ئىلگىرى ، ئەقىللىق قويلار ناھايتى ئالدىراش بولۇپ كىتەتتى . ئۇلار خىلمۇخىل ئۇسۇللار ئارقىلىق قويلارنى سىلىشتۇرۇپ چىقاتتى . سىلىشتۇرۇش ئارقىلىق تاللانغان ئەڭ ئاجىز قوي مەجبۇرىي ھالدا قۇربانلىق قوي بولاتتى . ۋاقىت ئاستا –ئاستا ئۆتمەكتە . بۇ قويلارنىڭ سانىمۇ بارغانسىرى ئازلىماقتا ئىدى . كۇچلۇك –ئاجىزلارنى تاللاش قائىدىسمۇ بارغانسىرى چىڭ ، مەخپىي بولىدىغان بولدى .
ئاخىرىدا ئەڭ ئاخىرقى بىر قويمۇ بۆرىگە يەم بولدى . ئۇ دەل ئەڭ ئەقىللىق قوي ئىدى . ئۇ مەن ئەڭ ياخشى دەيتتى . ئۇ ناھايىتتى رازى ئىدى ، چۇنكى ئۇ بەرىبىر ئەڭ ئاخىرقى ئۆلگۈچىدە !
بۇ ئەسەر « گۇاڭجۇ گىزىتى »دىن « نەزەر » ژۇرنىلىنىڭ 2008 – يىللىق 6-سانىغا كۇچۇرۇپ بىسىلغان.
تەرجىمەقىلغۇچى :ئابباس ئۆمەر ئەلقۇت
ئادرىس:خوتەن ناھىيە خانئىرىق يىزا سىرىغئۆي ئوتتۇرا مەكتەپ ئوقۇتقۇچىسى
ئالاقىلىشىش تىلىفۇنى:13899475337
地址：和田县罕艾日克乡色日格吾依中学教师：
阿巴斯吾买尔
|
