ۋۇلقان ئەمگەك سۇغۇرتابىلوگى

ئالىي مەكتەپ ئوقۇغۇچىلىرى ئىگىلىك يارىتىشتا 50 مىڭ يۈەن قەرز پۇل ئېلىشقا ئىلتىماس قىلسا بولىدۇ

«ئاممىۋى كەسپىي مۇلازىمەت ئورۇنلىرىغا ئىشسىزلىقنى تىزىملاتقان،ئۆزى ئىگىلىك تىكلىمەكچى بولغان ئالىي مەكتەپنى پۈتتۈرگەن ئوقۇغۇچىلار،ئۆزى تەييارلىغان مەبلىغى يېتىشمىگەن ئەھۋال ئاستىدا،50 مىڭ يۈەندىن تۆۋەن كېپىللىك قەرز پۇل ئىلتىماس قىلسا بولىدۇ. بىرلىشىپ ۋە گۇرۇپپا تەشكىللەپ ئىش قىلىدىغانلارغا بەلگىلىمىگە ئاساسەن قەرز پۇل دائىرىسىنى مۇۋاپىق كېڭەيتىپ بەرسە بولىدۇ».
ئوبلاستلىق ئەمگەك ۋە ئىجتىمائىي كاپالەت ئىدارىسى پارتگۇرۇپپىسىنىڭ شۇجىسى جۇ جېڭجېي مۇنداق دېدى: ھۆكۈمەت بەلگىلىگەن كىچىك پايدىلىق تۈرلەر بىلەن شۇغۇللانغاندا،بەلگىلىمىگە ئاساسەن قەرەللىك چەڭ ئۆسۈمى ياردىمىدىن بەھىرلەنسە بولىدۇ. ئىگىلىك تىكلەش ئارزۇسى بار ئالىي مەكتەپنى پۈتتۈرگەن ئوقۇغۇچىلار ئىگىلىك تىكلەش بويىچە تەربىيىلەشكە قاتناشسا،بەلگىلىمىگە ئاساسەن كەسىپ بويىچە تەربىيىلىنىش قوشۇمچە يارەم پۇلى بېرىلىدۇ. ئالىي مەكتەپنى پۈتتۈرگەن ئوقۇغۇچىلارغا قارىتا ئىگىلىك تىكلەشتىكى يېتەكچىلىك مۇلازىمىتىنى كۈچەيتىپ،سىياسەت بويىچە مەسلىھەت بېرىش،تۈرلەرنى يولغا قويۇش،ئىگىلىك تىكلەش بويىچە تەربىيىلەش،ئاز سوممىلىق قەرز بىلەن تىجارەت باشلاش بويىچە يېتەكچىلىك قىلىش،ئىز قوغلاپ يېتەكچىلىك قىلىشتىكى «ئۇزۇن سەپ» مۇلازىمىتى بىلەن تەمىنلىنىدۇ.
يېڭى تىپتىكى يېزىلار بىلەن بىرلىشىپ داۋالاش قۇرۇلۇشىنى ئىلگىرى سۈرۈپ،مەخسۇس كۇرس مەكتەپلەرنى پۈتتۈرگەن ئوقۇغۇچىلارنى ئىشقا ئورۇنلاشتۇرۇش ئارقىلىق،يېزا دەرىجىلىك داۋالاش- سەھىيە قوشۇنىنى تولۇقلاش لازىم. مەخسۇس كۇرس مەكتەپلىرىنى پۈتتۈرگەن ئوقۇغۇچىلاردىن يېزا دەرىجىلىك سەھىيە- داۋالاش تارماقلىرىغا لاياقەتلىك داۋالاش خادىملىرىنى ئاجرىتىپ،شۇ جايدىكى مەخسۇس كۇرس مەكتەپلىرىنى پۈتتۈرگەن ئوقۇغۇچىلاردىن تاللاپ يۆنىلىشلىك تەربىيىلەش ئېلىپ بېرىپ،مۇۋاپىق كەسپىي سالاھىيەتكە ئىگە بولغاندىن كېيىن،يېزا دەرىجىلىك سەھىيە- داۋالاش تارماقلىرىدا سەھىيە خىزمىتى بىلەن شۇغۇللىنىشقا ئاجرىتىشى لازىم. قوش تىل مائارىپىنى كۈچەيتىپ،مەخسۇس كۇرس مەكتەپلىرىنى پۈتتۈرگەن ئاز سانلىق مىللەت ئوقۇغۇچىلىرىنىڭ تىل جەھەتتىكى تەربىيىلەش سالمىقىنى ئاشۇرۇپ،ئۇلارنى خەنزۇ تىلى ئارقىلىق تەربىيىلەشكە قاتنىشىشقا تەشكىللەپ،تەييارلىق سىنىپ،باشلانغۇچ مەكتەپ خەنزۇ تىلى مائارىپىدىكى مۇھىم ئوقۇتقۇچىلار قوشۇنىغا ئايلاندۇرۇش لازىم.