كىپەن ئوغىرلاش خاتىرىسى 1-خاتىرە1-بۆلەك21-باب
-
كىپەن ئوغىرلاش خاتىرىسى 1-خاتىرە1-بۆلەك21-باب
ۋاقتى: 2016-08-17 ئاۋاتلىقى: 1132 قېتىمخاتىرە 1-بۈلەك 21– باپ تۈلكە يۈز جەسەتيانفوندا كۆرۈش
مەن ئاڭلىغان ئاۋاز بەكلا تونۇش ، بۇ كەنجى تاغامنىڭ ئاۋازىغۇ ؟ ئۇ تىك ھاڭ ئۈستىدە ئەمەسمىدى ؟ ئاۋاز يىقىندىنلا ئاڭلىنىۋاتىدۇغۇ ؟ مەن خىياللىرىمنى يۇغۇشتۇرۇپلا بىشىمنى كۆتۇرۇپ ئەتىراپىمغا قاراپ كەنجى تاغامنى ئىزلىدىم . بىراق ئەتىراپىمدا سىمىز بىلەن ئىككىمىزدىن باشقا ئۈچۈنچى بىر ئادەم يوق بولغاچقا ھەيران قالغىنىمدىن نىمە قىلارىمىنى بىلمەي تۇرسام يەنە بايامقىدەك كەنجى تاغامنىڭ ۋاقىرغان ئاۋازى ئاڭلاندى :" قولۇڭدا قان ھىدى بار ، مۇبادا قولۇڭنى جەسەتنىڭ ئىغىزىغا تىقساڭ جەسەت مۇردىغا ئۆزگىرىپ كىتىدۇ ، ھەرگىز قالايمىقان ئىش قىلما !
مەن ئاۋازنىڭ قەيەردىن كىلىۋاتقانىقىنى بىلمەكچى بولۇپ تۆت ئەتىراپىمغا سەپسىلىپ قاراپ ئاخىرى كەنجى تاغامنىڭ ئاۋازىنىڭ قاشتېشى سۇپا ئاستىدىن چىقىۋاتقانلىقىغا ھۆكۈم قىلدىم . لىكىن قاشتىېشى سۇپىنىڭ رەڭگى ئىنتايىن قىنىق بولغاچقا سۇپا ئاستىنى كۆرۈش مۇمكىن ئەمەس ئىدى . شۇڭا ئالدىراپلا :" كەنجى تاغا ؟ سەن قاشتېشى سۇپا ئاستىدىمۇ ؟ !" دەپ سورىدىم .
سۇپا ئاستىدىن كەنجى تاغامنىڭ ئاۋازى ئاڭلاندى :" مەن ساڭا كىيىن چۈشەندۇرۇپ قوياي ، ھازىر مىنىڭ دىگىنىم بويچە قىل ، جەسەتنىڭ بىشىنى تۆۋەنگە ساڭگىلىتىپ باش بارمىقىڭ بىلەن ئۇنىڭ كىكىردىكىنى تىرەپ تۇرۇپ ئارقا مىڭىسىگە يەڭگىل ئۇرغىن ، ئىسىڭدە بولسۇن ، چوقۇم باش بارمىقىڭ بىلەن ئۇنىڭ كىكىردىكىنى باسقىن ! بولمىسا ئۇ ئاچقۇچىنى يۈتۈپ كىتىشى مۇمكىن !
مەن كەنجى تاغامنىڭ دىگىنى بويچە جەسەتنىڭ بىشىنى تۆۋەنگە ساڭگىلىتىپ باش بارمىقىمنى ئۇنىڭ كىكىردىكىگە تىرەپ تۇرۇپ ئارقا مىڭىسىگە يەڭگىل ئۈرۇشىمغا جەسەتنىڭ ئىغىزىدىكى ئاچقۇچ قاشتېشى سۇپا ئۇستىگە چۈشىشى بىلەن تەڭلا مۈرەم بوشىغاندەك بولۇپ ئايال جەسەتنىڭ ئىككى قولى مۈرەمدىن چۈشۈپ كەتتى .
مەن چوڭ بىر نەپەس ئىلىپ كۆڭلۇمدە :" ھەر نىمە بولسا قۇتۇلدۇم " دەپ تۇرسام سۇپا ئاستىدىن كەنجى تاغامنىڭ :" چوڭ جىيەنىم ، قىشىڭدا ھىلىقى ئۆلگۇر سىمىز بارمۇ ؟ " دەپ سورىغان ئاۋازى ئاڭلاندى .
مەن كەنجى تاغامنىڭ گىپىنى ئاڭلاپ دەرھال بىشىمنى كۆتۈرۈپ قارسام سىمىز جەسەتنىڭ ئىغىزىدىن چىققان ئاچقۇچنى تەھلىل قىلىۋاتقان بولغاچقا كەنجى تاغامغا :" شۇنداق ، بار " دەپ جاۋاپ قايتۇرۇم .
نەچچە دەقىقىدىن كىيىن كەنجى تاغامنىڭ خاڭجۇ تەلەپپۇزىدا مەندىن :" جىيەنىم قاراپ باق ، ئۇ سىمىزنىڭ سايسى بارمۇ –يوق ؟!" دەپ سورىغان ئاۋازى ئاڭلاندى .
مەن كەنجى تاغامنىڭ نىمە دىمەكچى ئىكەنلىكىنى ئاڭقىرالماي ئىختىيارسىزلا سىمىزنىڭ پۇتىنىڭ ئاستىغا قارىدىم . قارىسام سىمىزنىڭ سايىسىنى قاشتېشى سۇپىنىڭ سايىسى توسىۋالغان بولۇپ بوينۇمنى سۆزۇپ قاراپمۇ ئىنىق كۆرەلمىدىم –دە ئەجەپلىنىپ تۇرۇپ :" ئىنىق كۆرەلمىدىم " دەپ جاۋاپ بەردىم .
ئارقىدىنلا كەنجى تاغام يەنىلا خاڭجۇ تەلەپپۇزىدا :" جىيەنىم ، ساڭا بىر ئشنى ئىيتاي قورقۇپ كەتمە ، مەن بۇيەرگە كىلىش يولىدا ئالدىڭدىكى سىمىزنىڭ جەسىتىنى ئۇچىراتتىم ، ئىھتىيات قىل ، كۆز ئالدىڭدىكى ئۇ سىمىز ......ئىنسان بولماسلىقى مۇمكىن !!" دىدى .
مەن دەرھال سىمىزگە قاراپ ئۇنىڭ چىراي ھەم ھەركىتىدىن ھىچبىر بىنورمالىقىنى بايقىمىغاندىن كىيىن جىددىيلىشىپ :" كەنجى تاغا سەن خاتا كۆرۇپ قالمىغانسەن ھە؟! " دەپ سورىدىم .
ئارقىدىنلا كەنجى تاغام :" ئۇنداق ئەمەس ، مەنچە چوقۇم خاتا كۆرمىدىم ، ئۇ بەلكىم ئالدىنقى قىتىم قەۋرىگە چۈشكەنلەرنىڭ بىرسى بولسا كىرەك ، ئۇ بايا قولۇڭنى ئايال جەسەتنىڭ ئىغىزىغا تىقىشقا دەۋەت قىلدىمۇ ؟ شۇنداق بولسا ئۇ ساڭا زىيانكەشلىك قىلماقچى !" دەپ جاۋاپ قايتۇردى .
كەنجى تاغامنىڭ سۆزىنى ئاڭلاپ توساتتىن كۆڭلۇمدە ئىيىتقۇسىز بىر خىل قورۇنۇچ ھىسياتى پەيدا بولدى –دە كەنجى تاغامدىن :" سىنىڭ دىگىنىڭگە قارىغاندا كۆز ئالدىمدىكى بۇ سىمىز .....ئادەم ئەمەس ...جىن – ئالۋاستى ؟؟!" دەپ سورىدىم .
كەنجى تاغام جاۋاپ قايتۇرۇپ :" شۇنداق ، ئۇنىڭ دىگەنلىرىگە ھەرگىز ئىشەنمە ، ھازىر يىنىڭدا جىن – ئالۋاستىلاردىن مۇداپىئە كۆرىدىغان قارا ئىشەكنىڭ تۇيىقىدەك بىر نەرسە بارمۇ ؟! " دىدى .
بۇ چاغدا سىمىز بىشىنى كۆتۈرۈپ ماڭا قارىدى . مەن توساتتىن ئۇنىڭ قارىشىنىڭ باشقىچە ئىكەنلىكنى ھس قىلغاندەك بولدۇمدە كەنجى تاغامنىڭ ئىيتقانلىرىنىڭ يىرىمنى توغرا تاپقاندەك بولدۇم . ئارقىدىنلا ئۈستىبىشمنى ئاختۇرسام قولۇمغا ساۋۇتلۇق جەسەتنىڭ بەلۋىغى ئۈرۈندى . ئويلاپ باقسام قەدىمكى كىشىلەر ئۆزى بىلەن بىللە دەپنە قىلىنىدىغان نەرسىلەرگە جىن –ئالۋاستىلاردىن ساقىلىنىدىغان قەدىمكى ئەپسۇن – خەتلەرنى يىزىپ قوياتتى . شۇڭا دەرھال ساۋۇتلۇق جەسەتنىڭ بەلۋىغىنى چىقاردىم .
قارىسام بەلباغنىڭ ئۈستىگە ئويۇلغان خەتلەر يىللارنىڭ ئوتىشى بىلەن سۇسلىشىپ كەتكەن بولسىمۇ بىراق مەن بىر قاراپلا لۈ بەگلىكى يىزىقى ئىكەنلكىنى تونىۋالدىم ، ئەجەبا بۇ ساۋۇتلۇق جەسەت ھەقىقەتەن لۇشاڭ بىگى؟ ئۇنداقتا ئۇنىڭ يىنىدا ياتقىنى كىمنىڭ جەسىتى ؟ ئۇنىڭ خوتۇنىنىڭ ؟ دىگەنلەرنى دەقىقىە ئىچىدە ئويلاپ يىتىش بىلەن تەڭلا بەلباغقا كۆز يۇگۈرتۈپ قارىدىم . بەلباغ ئۈستىدىكى خەتلەرنىڭ كۆپ قىسمىنى تونىمىساممۇ بىراق ئارىسىدىكى ئالتۇن يالىتىپ ئويۇلغان ‹‹ جەھەننەم گۆھىرى ›› دىگەن خەت ئىنتايىن ئىنىق يىزلغان بولۇپ ھەقىقەتەن پانىي ئالەم مەخلۇقاتلىرىدىن مۇداپىئە كۆرىدىغان نەرسە ئىدى .
دەل شۇ ۋاقىتتا بىر ئىش ئىسىمگە كىلىپ كەنجى تاغامدىن سرىدىم :" غەلىتە ئىش ؟ بۇ قاشتېشى سۇپىسنىڭ رەڭگى ئىنتايىن قىنىق تۇرسا ، سەن قانداقسىگە سىمىز ئىككىمىزنى كۆرەلەيسەن ؟
ئارقىدىنلا كەنجى تاغام :" مەنمۇ بىلمەيمەن ، مەن ئاستنقى لەخمىدىن قاشتېشى سۇپا تىگىگە چىقىپلا سىنىڭ قولۇڭنى ئايال جەسەتنىڭ ئىغىزىغا تىقماقچى بولغانلىقىڭنى ئىنىق كۆردۇم ، خۇددى ئىككىمىزنى نىپىز ئەينەك ئايرىپ تۇرغاندەكلا . شۇڭا سىنى توسىۋالدىم . تەلىيىمزگە سەن ئاۋازىمنى ئاڭلىيالىدىڭ ، بولمىسا چاتاقىنىڭ چوڭى چىقاتتى " دىدى .
مەن ئويلىغانسىرى بۇ يەردە بىر چاتاقىنىڭ بارلىقىنى ھىس قىلدىم–دە كۆڭلۇمدە :" بۇ قاشتېشى كارۋات ئۇنچىلىك كەڭ ئەمەس ، ئۈستىگە ئىككى جەسەت بىر– بىرگە قىستاپ دىگۇدەك قويۇلغان ، ئۇنىڭ ئۈستىگە بۇ جاينى يورۇتىۋاتقان ئاي نۇرىمۇ ئۇنچىلىك كۈچلۇك ئەمەس، بۇنداق خىرە يورۇقلۇق ئاستىدا بىرجۇپ جەسەت قاتار ياتقۇزۇلغان قاشتېشى سۇپىنىڭ سىرتىنى ئىنىق كۆرۈش مۇمكىنچىلىكى قانچىلىك ؟" دىگەنلەرنى ئويلىدىم .
بۇ ۋاقىتتا سىمىزگە يەنە بىر قىتىم قارىدىم . سىمىز يەنىلا ھىلىقى ئاچقۇچقا قاراپ ھاڭۋىقىپ قالغان بولۇپ توساتتىن ئەھۋالنىڭ چاتاقلىقىنى ھىس قىلدىم . سىمىزنىڭ مىجەزىگە ئاساسلانغاندا ئۇ بايا مەن كەنجى تاغام بىلەن دىيىشكەن خاڭجۇ تەلەپپۇزىنى چۇشەنمىسىمۇ چوقۇم گەپ قىستۇراتتى ، ئۇنىڭ ئۈستىگە ئۇ بىر ئاچقۇچقا قاراپ ئۇنچىلىك كۆپ ئىشلارنى خىيال قىلىدىغان ئادەم ئەمەس .
شۇڭا مەن ئۇنى سناپ بىقىش ئۈچۇن قاشتېشى كارۋاتتىن چۈشۈپ ئۇنىڭ يىنىغا بىرىپ مۈرسىگە يەڭگىل بىرنى شاپاللىشىمغا سىمىزنىڭ چىراي ئىنتايىن تىز سۇرئەت ئىچىدە ئۆزگىرىپ چىراينى تولىمۇ قورقۇنۇچلۇق تۈسكە كىرگۇزۇپ تۇرۇپ ماڭا قاراپ :" ئاناڭنى سولتەك ، سەن باشتىن باشلاپلا مىنى ئالداپ كەپسەن ؟!" دەپ ۋاقىراپلا قولىدىكى خەنجەرنى ماڭا تىقماقچى بولۇپ شىلتىدى .
بۇ ۋاقىتتا مەن ئۇنىڭ نىمە دەۋاتقانلىقىنى ئاڭقىرالماي ئىختىيارسزلا كەينىمگە نەچچە قەدەم داجىپ:" سەن نىمە قىلماقچى ؟!" دەپ ۋاقىردىم . سىمىزنىڭ بىر جۈپ كۆزى قان قۇيىۋەتكەندەك قىززىرىپ كەتكەن بولۇپ مىنىڭ ۋاقىرغىنىمنى ئاڭلىمىغاندەك قىلچە پىسەنىت قىلماي يەنە بىر قول شىلتىپ ماڭا خەنجەر ئۇرماقچى بولدى . ئۇنىڭ بۇ قەستەن ئادەم زەخمىلەندۇرۇشكە ئۇرنۇشى ھىچبىر چاقچاق قىلغانغا ئوخشىمايتتى . شۇڭا مەن ئۆرۈلۇپلا كەينىمدىكى تاش پەلەمپەگە قاراپ قىچىشىمغا سىمىز :" قاچە! قايەرگە قاچىدىغىنىڭنى بىر كۆرەي !" دەپلا ئارقامدىن قوغلىدى . ئۇنىڭ چىشلىرى بىر –بىرگە كىرىشىپ كەتكەن بولۇپ كۆزلىرىدىن مىنى چانىۋەتمىگچە بولدى قىلمايدىغانلىقى چىقىپ تۇراتتى ، خۇددى مەن ئۇنىڭ دادىسىنىڭ قاتىلىدەك .
مەن پەلەمپەينىڭ يۆلىنىش بويچە پەسكە قاراپ جىنىمنىڭ بارىچە قىچىۋاتاتتىم ، كەينىمدىكى مىنى قوغلاۋاتقان سىمىز قارىماققا كالامپايدەك كۆرۇنگىنى بىلەن بىلەن پۇتى ئىنتايىن چاققان بىر نىمە ئىكەن ماڭا يىتىشىۋالايلا دەۋاتاتتى . مەن يۈگرەۋەتىپ ئالدىمغا قارىسام تاش پەلەمپەي ئاخىرلىشىپ نەزىر –چىراق سۇپىشىغا يىتىپ كىلەيلا دەپ قالغان ئىدىم . تاش پەلەمپەينىڭ ئەتىراپىنى پۈتۇنلەي غەلىتە ئۆسۇملۇك قاپلاپ كەتكەن بولۇپ يان تەرەپكە قاراپ قاچسام بايامقىدەك دەرەخكە ئىسىلىشىم مۇمكىن . شۇڭا كۆڭلۇمدە :" ئاناڭنى ، ئارقامدىكى سىمىز راستىنلا جىن ياكى ئالۋاستى ئوخشىمامدۇ ؟ مىنىڭ قىنىمنى ئىچمەكچى ؟ بىراق نەدىمۇ جىن– ئالۋاستى قولىغا خەنجەر ئىلىپ قولىدا تۆمۇرنىڭ سۇنىقى يوق ئادەمنى قوغلايدىغان ئىش بار ؟!" دىگەنلەرنى ئويلىدىم .
ئويلاپ بۇ يەرگە كەلگەن چىغىمدا ئالدىىمدا قاچقۇدەك جاي بولمىغاچقا دەرھال توختاپ قولۇمدىكى ساۋۇتلۇق جەسەتنىڭ بەلبىغىنى قامچا قىلىپ سىمىزغا قارىتىپ شىلتىدىم . سىمىز دەرھال ئۆزىنى چەتكە ئىلىشىغا مەن ئىتىلپ بىرىپلا ئۇنىڭ خەنجەر تۇتقان قولىنى جىنىمنىڭ بارىچە چىشلىدىم –دە بۇ ئالەمدە مەندەك ئالۋاستنىڭ قولىنى چىشلىگەن يەنە بىرسى بارمىدۇ ؟دىگەنلەرنى ئويلىشىمغا سىمىز ئاغرىقتىن قاتتىق چىقىراپ قولىدىكى خەنجەرنى قويىۋىتىشىگە مەن بىر پەشۋا بىلەن خەنجەرنى تاش كارىدۇرنىڭ سىرتىغا تپىپ چىقىرۋەتتىم .
لىكىن دەل شۇ پەيىتتە سىمىز بىر كۇچەپلا مىنى ئاستىغا بىسىۋىلىپ :" ئاناڭنى يۈزمىڭنى پالانى قىلاي ، مىنى چشلىگۇدەك بولدۇڭمۇ ؟ سەن غالجىر ئىتنى بوغۇپ ئۆلتۇرىۋىتىمەن !!" دەپ جىنىنىڭ بارىچە كۈچەپ گىلىمىنى سىقىشقا مەنمۇ ئامالسىزلىقتىن قولۇمدىكى ساۋۇتلۇق جەسەتنىڭ بەلبىغىنى ئۇنىڭ بوينىغا يۆگەپ ئىككى ئۇچىنى كۈچەپ تارتىشقا باشلىدىم –دە كۆڭلۇمدە :" سەن يامان بولساڭ مەنمۇ نان قىپى ئەمەس ، ئاناڭنى ساڭا جىنىمنى تىكتىم " دىگەنلەرنى ئويلىدىم .
مەن ئۇنىڭ گىلىنى سىقىۋاتاتتىم ، ئۇ مىنىڭ گىلىمنى بوغىۋاتاتتى . رەقىپلەر بىر–بىرنىڭ گىلىنى بوغۇشقان ۋاقىتتا ئەڭ مۇھىمى شۇكى : سىز نەپىسىڭز توختاشتىن بۇرۇن رەقىبىڭزنى بوغۇپ ئۆلتۇرىشىڭىز كىرەك . ھازىرقى ئەھۋالدىن قارىغاندا بۇ سىمىز ئالۋاستىدىن ھىچبىر رەھىم كىلىدىغاندەك ئەمەس ، ئۇنىڭ كۈچەپ گىلىمنى بوغىشىدىن كۆزۇممۇ چانىقىدىن چاچراپ چىقىپ كىتەيلا دەۋاتاتتى . شۇڭا مەنمۇ ئاخىرقى سۈت ئەمگەن كۈچۈمنى چىقىرىپ ئىككى قولۇمدىكى سىمىزنىڭ بوينىغا يۆگەلگەن بەلباغنى تارتىشمغا قارىماققا خىلى ياخشى ساقلانغاندەك كۆرۈنگەن خۇرۇم بەلباغ ‹‹ تاس ›› قىلغان ئاۋاز بىلەن تەڭ ئۈزۈلۇپ كەتتى .
بۇ بەلباغ كالا خۇرىمىدىن ياسالغان بولۇپ خۇرۇم بەلباغنىڭ ئۈستىگە كىچىك –كىچىك مىتال ياپراقچە پاتۇرۇلغان ئىدى . بەلباغنىڭ ئۈزۇلىشى بىلەن تەڭ بەلباغ ئۈستىدىكى مىس ياپراقچىدىكى ئالتۇن يالىتىپ ئويۇلغان ‹‹ جەھەننەم گۆھىرى ›› دىگەن خەت چاچىراپ چىقىپلا نەپەس ئىلىش ئۇچۇن ئىچىلغان ئىغىزىمغا كىرىپ كەتتى .
ئارقىدىنلا چۈچۈمەل تەملىىك بىر خىل سۇيۇقلۇقنىڭ گىلىمغا ئىقىپ كىرگەنلىكىنى ھىس قىلدىم – دە بۇ بەلباغىنىڭ نەچچە مىڭ يىللىق جەسەتنىڭ ئىكەنلىكى ئىسىمگە كىلىشى بىلەن تەڭ كۆڭلۈم ئىلىشىپ قاتتىق ھۆ تۇتۇپ يۆتىلىپ كەتتىم . تۇيۇقسىز كۆز ئالدىم خىرەلىشىپ ئۆزۇمنى بىر توپ قارا تۇمان ئىچىگە چۇشۇپ كىتىۋاتقاندەك ھىس قىلىشقا باشلىدىم .
مەن نىمە بولغانلىقىنى بىلمەيتتىم . ئەجەبا سىمىز مىنى بوغۇپ ئۆلتۇرىۋەتتى ؟ ئەجەبا مەن ئۆلدۇم ؟ نەچچە دەقىقىدىن كىيىن ئىغىزىمدىكى چۈچۈمەل تەمنىڭ بارا– بارا ئاچچىق تەمگە ئۆزگىرىۋاتقانلىقىنى خىرە ھىس قىلىش بىلەن تەڭ كۆز ئالدىممۇ ئاستا – ئاستا يورۇشقا باشلىدى . ئارقىدىنلا چۆچۆپ تۇرۇپ ئۆزۇمىنىڭ سىمىز تەرىپىدىن قاشتېشى سۇپىغا بىسىۋىلىنغانلىقىمنى بايقىدىم . سىمىزنىڭ كۆزى يەنىلا قىپقىزىل بولۇپ كۈچىنىڭ بارىچە گىلىمنى بوغىۋاتقان ئىدى . ئەڭ غەلىتە يىرى شۇكى ھىلىقى ئايال جەسەتنىڭ ئىغىزىدىكى ئاچقۇچ يەنىلا ئۆز جايىدا يەنى ئايال جەسەتنىڭ ئىغىزىدا بولۇپ ساھىپجامال جەسەتنىڭ ئىككى قولى بۇرۇنقىدەك مۈرەمگە چىڭ گىرە سالغان ھالەتتە ئىدى . مەن ھەيران بولغىنىمدىن ئختىيارسىزلا ۋاقىراپ تاشلىدىم . بايامقى ئىشلارنىڭ ھەممىسى مىنىڭ خىيالىم ، بىر مەيدان قاباھەتلىك چۈش ؟؟
مەن بىشىمنى بۇراپلا يەنە بىر تەرەپتىكى كۆك كۆزلۈك تۈلكە يۈز جەسەتكە قارىدىم . ئۇنىڭ نىقاپى يەردە بولۇپ ئىككى ئۇزۇنچاق يىرىق ئارىسىدىكى بىر جۈپ كۆك كۆزى سىمىز ئىككىمىز تۇرغان تەرەپكە بىر خىل مۇدىھش نەزەردە تىكىلىۋاتاتتى . مەن كۆڭلۇمدە ئەھۋالنىڭ ئىنتايىن خەتەرلىك ئىكەنلىكىنى ھىس قىلدىم . ئەجەبا سىمىزنىڭ بايامقى دىگەنلىرى توغرا ؟ . بۇ چاغدا مەن گەرچە ھوشۇمغا كەلگەن بولساممۇ بىراق يەنىلا ئۈستۈمدىكى سىمىز تەپىدىن بوغۇپ ئۆلتۇرۈلەيلا دەپ قالغان ئىدىم . شۇڭا جىددىيلىشىپ ئەتىراپىمنى سىلاپ –سىپاپ ھىچنەرسە تاپالمىغاندىن كىيىن ساۋۇتلۇق جەسەتنىڭ كۆكرىكىگە قويۇلغان قىزىل ئالتۇن قۇتىغا كۆزۇم چۈشىشى بىلەن تەڭ ھىچنىمنى ئويلىماي قۇتىنى كۆتۇرۇپ سىمىزنىڭ بىشىغا قارىتىپ ئۇردۇم .
بۇ ئۆلگۇر سىمىزنىڭ بەدىنى تۆمۇردىن ياسالغانمىكىن تاڭ ، ئالتۇن قۇتا بىلەن ئۇرىشىم ئۇنى يىقىتالمايلا قالماستىن ئەكىسچە ئۇ ئىغىزنى بۇزۇپ تىلىۋەتكەندىن كىيىن تىخىمۇ كۈچەپ گىلىمنى بوغۇشقا باشلىدى . ئاناڭنى ، بۇ نەدىمۇ كارنىيىمنى بوغۇپ ئۆلتۇرۋەتمەكچى بولسۇن ، ئىنقلا بوينۇمنى ئۈزىۋەتمەكچىغۇ بۇ ھاراملىق !!. دەل شۇ پەيىتتە نەدىن كەلدىكن تاڭ بىلمىدىم ، كۆڭلۇمدە بىر نىيەت ، ئوچۇقىنى ئىيقاندا ئادەم ئۆلتۇرۇشتەك قارا نىيەت پەيدا بولشى بىلەن تەڭ قولۇمغا باشقىچە كۈچ كەلگەندەك بولۇپ ‹‹ جاق ›› قىلغان ئاۋاز بىلەن تەڭ ئوڭ مۇشتۇمۇم دەل سىمىزنىڭ قۇلاق تۈۋىگە تەگدى . بۇ بىر مۇشتنى زادى ئوغۇل بالىدەك ئاتقان ئوخشايمەن ، ئۇستىمدىكى سىمىز مۇشت زەربىسىدىن قولىنى قويىۋىتىپ نەق ئۈستىمگە يىقىلىشى بىلەنلا بوينۇم بوشىغاندەك بولۇپ ئىغىزىمدىن قاتتىق يۆتەل بىلەن تەڭ قىپقىزىل قان ئىتىلپ چىقتى.
بۇ ۋاقىتتا مەن تۈلكە يۈز جەسەتنىڭ غەلىتە كۆزىنىڭ تىخىمۇ چوڭ ئىچىلغانلىقىنى كۆرۈپ كۆڭلۇمدە ئىيتىپ بەرگۇسىز بىر خىل قورقۇنۇچىلۇق سىزىم پەيدا بولىشى بىلەن تەڭ سىمىزنى بىر ئىرغىتىپلا تۇلكە يۇر جەسەتنىڭ ئۇسىتىگە تاشلىدىم . سىمىزنىڭ تەن ئىغىرلىقى تۈلكە يۈز جەسەتنى پۈتۇنلەي بىسىپ ياپىلاقلاپ تاشلىدى –دە كۆڭلۇمدىكى غەلىتە سىزىممۇ بارا –بارا ئاجىزلاشقا باشلىدى .
ئاغرىۋاتغان بوينۇمنى سىلىسام سىمىزنىڭ بىر مو كىلىدىغان ئالقىنى تەرپىدىن سىقىلىپ شەكلى ئۆزگىرىپ كەتكىلى تاسلا قاپتۇ ، بەدىنىمنىڭ ئاغرىمايدىغان يىرى يوق ، تۇلكە يۇز ھارامتاماقنىڭ بۇنچىلىك يامانلىقىنى ئويلاپ باقمىغانكەنمەن . ئەگەر بايا ئۇنىڭ بەلىبىغىدىكى مىتال ياپراقچە ئىغىزمغا كىرىپ كىتىپ مىنى ئويغاتمىغان بولسا سىمىز بىلەن ئىككىمىزدىن قايسىمىز ئۆلەر بولغىيدۇقكىن تاڭ ؟
مەن بايا سىمىزنى ئۇرۇشتا قورال قىلىپ ئىشلەتكەن قىزىل ئالتۇن قۇتىغا قاراپ قۇتا ئۇستىدە كىچىك ئاچقۇچ سالىدىغان تۆشۇكنىڭ بارلىقىنى بايقىدىمدە ئىختىيارسىز ئۆرۇلۇپلا ئايال جەسەتنىڭ ئىغىزىغا نەزەر سالدىم . ئەجەپا ئايال جەسەتنىڭ ئىغىزىدىكى ئاچقۇچ مۇشۇ قىزىل ئالتۇن قۇتىنىڭ ئاچقۇچى ؟!!
تەلەي قاپىقىدىن چىققان يازمىلار
- 2015-10-30 19:40:00كىپەن ئوغىرلاش خاتىرىسى 1-خاتىرە1-بۆلەك15-باب
- 2015-10-30 19:42:56كىپەن ئوغىرلاش خاتىرىسى 1-خاتىرە1-بۆلەك18-باب
- 2015-11-04 18:46:23كىپەن ئوغىرلاش خاتىرىسى 1-خاتىرە2-بۆلەك9-باب
- 2015-11-04 18:54:22كىپەن ئوغىرلاش خاتىرىسى 1-خاتىرە2-بۆلەك12-باب
- 2015-11-01 14:50:55كىپەن ئوغىرلاش خاتىرىسى 1-خاتىرە1-بۆلەك27-باب
- 2015-10-30 19:26:31كىپەن ئوغىرلاش خاتىرىسى 1-خاتىرە1-بۆلەك8-باب
- 2015-11-01 14:59:27كىپەن ئوغىرلاش خاتىرىسى مۇندەرىجە
- 2015-11-14 18:10:03كىپەن ئوغىرلاش خاتىرىسى 1-خاتىرە 2-بۆلەك40-باب
- باھالار
-
ئىسمىڭىز:
- باھالار رېتى
-