رومانىم يانبىلوگى

يانفوندا كۆرۈش

بۇ ئۆڭكۈر پۈتۈن ۋەقەلىكنىڭ ئەڭ مۇھېم نۇقتىسى بولىشى كېرەك ، لىكىن بوتۇلكىنىڭ خاتىرىسى مۇشۇ يەردە توختاپ قالغان ئېدى ، كىيىنكى ئىشلار بىر سىر بولۇپ قالدى ، ئۆڭكۈردە نېمە بار ، بوتۇلكا قانداق چىققان ، باشقىلار ئۇنىڭغا ئوخشاش خاتىرىسىنى يوقاتقانمۇ ، بۇ سوئاللارغا جاۋاب تېپىشقا ئامالسىز بولۇپ قالدۇق .

مەن بۇ ئۆڭكۈرنى ئىنچىكىلىك بىلەن كۈزەتتىم ، سىرتقى جەھەتتىن قارىغاندا ، بۇ ئورنى مۇۋاپىق بولمىغان بىر ئادەم كۈچى بىلەن قازغان ئۆڭكۈر ئىدى ، ئىشىك ئىچىدىكى كۆرۈندىغان يەرلەرنىڭ ھەممىسى سىرتقا ئوخشاش سېرىق كىسەك بولۇپ ، قۇرۇلۇش جەھەتتىن ئىنتايىن نورمال ، بۇنداق ئۆڭكۈرنى مەن شەنشى خۇمدانلاردا تولا كۆرگەن ، لىكىن بۇيەردە بۇنداق تۇرسا ، قەبرىنىڭ ئىچىدە كۆزگە بەكلا چىلىقاتتى ، بۇ ئۆڭكۈرنىڭ نېمە ئۈچۈن بۇ يەردە بولىدىغىنىنى بىلگىلى بولمايتتى .

مىنىڭ ئىسىمدە قىلىشىچە ، قەبرىلەرنىڭ ئىچكى قۇرۇلۇشى ئاساسىي جەھەتتىن سىمىتىرىك كېلەتتى ، ناھايىتى ئاز بىر قىسىم قەبرىلەردە ئاساسسىزلا بۇنداق لەخمە ياكى لەھەت چىقىپ قالاتتى ، پەقەت قەبرە ئىگىسىنىڭ مۇشۇنداق خاھىشى بولۇپ قالمىسىلا بۇنداق قەبرىلەر ئۇچىرمايتتى . ئەگەر بۇ سەۋەپ بولمىسا ، ئۇنداقتا ئىككى خىل ئېھتىماللىق بولىشى مۇمكىن .

مىنىڭ بېرىنجى بولۇپ ئويلىغىنىم ، بۇنىڭ ئىچىگە ئىنتايىن مەخپى بولغان ھەمدەپنە بۇيۇملىرى قويۇلغان بولىشى مۇمكىن ، بۇمۇ غەلىتە ئەمەس ، بوۋامنىڭ خاتىرىسىدە بۇنداق يوشۇرۇن قەبرەخانىلەر كۆپ خاتىرىلەنگەن ، لىكىن ئىنتايىن ياخشى يوشۇرۇنغان ، بۇ ئۆڭكۈردە يوشۇرۇن ئىشىكمۇ يوق ، ھەم نىقاپلانمىغان ، سىرتىغا پەقەت بىر ئەينەك قويۇپ قويۇلغان ، كىچىك بالىنىڭ ئىشىدەك ...

ئىككىنجى خىل ئەھۋال يەر شارائىتى ( ئالدىنقى بابلاردا بەلكىم شامال سۇ ئىلمى دەپ ئېلىنغان بولىشى مۇمكىن ، ئەمدى بىردەك يەر شارائىتى دەپ ئېلىنىدۇ ) بىلەن مۇناسىۋەتلىكمىكىن ، ئەينەك يەر شارائىتى ئىلمىدا ئىنتايىن مۇھېم بولغان بىر قورال ، بۇ يەردە بىر ئەينەك قويۇپ قويغانلىقى بىر ئاساسىي بولىشى كېرەك ، ئادەتتە بىر ئۆيدە ئىشىك قويۇلسا يەر شارائىتى ئىلمىدا ‹ ئۆتۈشۈش › دىگەنلىك بولۇپ ، بىرەر نەرسىنى ئۆي ئىچىگە ئەكىرىش ، ياكى ئۆيدىن تالاغا چىقىرۋىتىش ئۈچۈن ئىشلىتىلىدۇ .

بۇ پەقەت كىچىك يەر شارائىتى ئىلمى ، قەدىمقى زاماننىڭ چوڭ يەر شارائىتى ئىلمىغا ئوخشىمايدۇ ، كىچىك يەر شارائىتى ئۆزگەرتكىلى بولىدۇ ، بەزى ئاماللارنى قوللىنىپ كىچىك دائىرە ئىچىدىكى ياخشى بولمىغان نەرسىلەرنى ياخشى قىلىپ ئۆزگەرتىدۇ ، بۇ بىلىمگە مەن بىرقەدەر قىززىققاشقا ، چوڭ يەر شارائىتىغا قارىغاندا كۆپرەك بىلىمەن .

مەن ئۆزەم ئېھتىياجلىق بولغان يىپ ئۇچىغا ئېرىشىش ئۈچۈن ، ئەينەكنىڭ دىئاگونالىنى بويلاپ ، باشقا يەرلىرىنى كۈزەتتىم . بۇ قەبرەخانىنىڭ ئورۇنلاشتۇرىشى بوتۇلكىنىڭ ئىيتىپ بەرگىنى بىلەن پۈتۈنلەي ئوخشاش چىقتى ، لىكىن بۇ يەر يىگىرمە يىل ئاۋالقى ھالىتىنى ساقلاپ كىلىۋاتقان بولۇپ ، تۆت ئەتراپتىنى نۇرلۇق مەرۋايىت يورۇتۇپ تۇراتتى ، ئوتتۇرىدىكى پەلەك ئوردىسى قاراڭغۇلۇق ئىچىدە كۆرۈنمىگەچكە ، قولچىراق ئىشلىتىپ قىسمەن قىسىملىرىنىلا كۆرگىلى بولاتتى ، تۇيۇقسىزلا مىنى تامدىكى رەسىم ئۆزىگە جەلىپ قىلىۋالدى .

بۇ تۆت پارچە تام رەسىمىنىڭ مەزمۇنىنى ئالدىنقى قىسىملاردا تەسۋىرلەپ بەرگەن ، لىكىن ئۇنى بوتۇلكا ماڭا تەسۋىرلەپ بەرگەن بولغاچقا ئىنتايىن تۇتۇق ئىدى ، ئەمدى ئۆز كۆزۈم بىلەن كۆرۈپ ، بۇ رەسىملەرنىڭ سىزىلىشى ئىنتايىن ئۇستىلىق بىلەن رىئاللىقنى تەسۋىرلىگەن بولۇپ ، سىز ئىنچىكە بولسىڭىزلا ، تېخىمۇ كۆپ نەرسىلەرنى بايقىيالايتتىڭىز .

مىنىڭ بىرىنجى بايقىغىنىم بولسا ، رەسىم ئىچىدىكى ئاپئاق تاغ تىزمىسى ، بۇ بەلكىم جىلىندىكى چاڭبەيشەن تىغىنىڭ شىمالى تەرىپى بولىشى مۇمكىن ، بۇ مىنىڭ ئەستە تۇتۇش قابىلىيىتىمنىڭ كۈچلۈكلىكى ئەمەس ، بەلكى چاڭبەيشەن تىغىنىڭ چوققىسىنىڭ ئالاھېدىلىكى بولۇپ ، پەقەت بىر قىتىملا چاڭبەيشەن تىغىغا بېرىپ باققان ئادەم بولسىلا بىلىۋالالايتتى .

مەن ئىككىنجى پارچە رەسىمدە كۆرگىنىم ، ئۇچىسىغا يۈەن سۇلالىسىنىڭ كىيىمىنى كىيىۋالغان ئۆلۈم ئۇزىتىۋاتقان بىر قوشۇن ، بۇ شۇنى چۈشەندۈرىدىكى ، تاۋۇت ئىچىدىكى ئادەمنىڭ يۈەن سۇلالىسى دەۋرىدىكى ھوقوقى ئىنتايىن چوڭ بىر ئادەمنىڭ بولىشى مۇمكىن ، ئۇنداقتا بۇ پەلەك ئوردىسىمۇ يۈەن سۇلالىسى ئاخىرقى دەۋىرلىرىدە سېلىنغان بولۇش ئېھتىماللىقى ئىنتايىن يۇقىرى ، شۇ قالايمىقانچىلىق دەۋىرلەردە پەلەك ئوردىسىدەك چوڭ قۇرۇلۇشلارنى سېلىشقا قۇدرىتى يەتكەن بۇ قەبرە ئىگىسى ھەرگىز ئاددىي ئادەم ئەمەس .

ئۈچىنجىدىن مىنى ھەيران قالدۇرغىنى بولسا ، ئۆلۈم ئۇزۇتۇش قوشۇنىنىڭ ھەممىسى ئايال كىشى بولۇپ ، بۇ ئەقىلگە پەقەتلا مۇۋاپىق ئەمەس ، مەن مۇڭغۇللارنىڭ ئۆلۈم ئۇزۇتىشىنىڭ قانداقلىقىنى بىلمەيمەن ، لىكىن پۈتۈن ئۆلۈم ئۇززۇتۇش قوشۇنىنىڭ ھەممىسى ئايال كىشى بولىشىنى مەن ئاڭلاپمۇ باقماپتىكەنمەن .

باشقا ئىنچىكە نۇقتىلىرى بەك كۆپ بولۇپ ، رەسىم سىزىغان ئادەم ئاتايىتەن يىپ ئۇچى قالدۇرۇپ قويدىمۇ ، ياكى ئۇلار ئۆزى شۇنداقمۇ بۇنىسى نامەلۇم .

كۆرۈپ بۇيەرگە كېلىپ شۇنى ھېس قىلدىمكى ، مۇشۇ يىپ ئۇچىسىغا ئاساسەن ، شۇ يەرنىڭ يوللىرىغا پىششىق بولغان يەرلىك كىشىلىرىنى تاپسىلا ، پەلەك ئوردىسىنىڭ ئورنىنى تىپىش ئىھتىماللىقى ئىنتايىن يۇقىرى ، شۇغىنىسى پەلەك ئوردىسى نەچچە يۈز يىللىق قار ئاستىدا كۆمۈلۈپ ياتقان بولۇپ ، توڭلىغان يەرنى كولىغاندا سەللا بىخەستەلىك قىلسا ، كىچىككىنە قار كۆچۈش سىزنى قار ئاستىدا مەڭگۈلۈك ئۇيقۇغا سېلىشى مۇمكىن .

لىكىن بۇ يىپ ئۇچلىرى بۇلۇڭدىكى ئۆڭكۈر بىلەن مۇناسىۋىتى يوق بولىشى كىرەك ، مەن باشقا بۇلۇڭلار ۋە ئەينەك ئارقىسىدىكى تاملارنى قايتا قايتا تەكشۈرۈپ ، ھېچقانداق ئالاھېدىلىكى يوقلىقىنى بايقىدىم ، قارىغاندا ھەممە مەسىلىنىڭ جاۋابى شۇ ئۆڭكۈرنىڭ ئىچىدە ئوخشايدۇ . مەن ئۆڭكۈر ئالدىغا كېلىپ بوتۇلكىنىڭ تىخىچە ئۆڭكۈر ئالدىدا ، ئىككىلىنىش نەزىرىدە ئۆڭكۈرگە قاراپ تۇرغانلىقىنى كۆردۈم . ئۇ مىنىڭ كەلگىنىمنى كۆرۈپ ‹ قارىغاندا مەن يەنە بىر قىتىم كىرمىسەم بولمايدىغان ئوخشايدۇ › دېدى .

‹ بولمايدۇ › مەن ئاڭلاپ ھەيران قالدىم ،‹بۇنداق قىلساڭ ، ئۆزۈڭنى ئۆلۈمگە تۇتۇپ بەرگەن بولمامسەن ، ئەگەر خاتىرەڭنى يەنە يىگىرمە يىل يوقاتساڭ ، ھەممىسى تۈگەيدۇ ! ›

ئۇ سوغۇقلا قىلىپ ‹ مەن سىلەر بىلەن ئوخشىمايمەن ، سىلەر ئۈچۈن ئىيتقاندا بۇ پەقەت بىر غەلىتە كەچۈرمىش ، لىكىن مەن ئۈچۈن ئىيتقاندا ، بۇ ئىنتايىن چوڭ تۈگۈن ، بۇ تۈگۈننى يەشمىسەم ، خاتىرەم ئەسلىگە كەلگەن تەغدىردىمۇ ، بىر ئۆمۈر خاتىرجەم بولالمايمەن › دېدى .

مەن بۇ گەپى ئاڭلاپ تىت – تىت بولۇپ نەچچە قىتىم بولمايدۇ دەۋەتتىم ، مەن ئۇنى چۈشەنمەيمەن ئەمەس ، بەلكى بىزنىڭ ھازىرقى ئەھۋالىمىز بۇنىڭغا يول قويمايدۇ . تېز چىقىپ كىتىش بىزنىڭ ئەڭ توغرا تاللىشىمىز . چىقىپ كىتەلمىسەك ، دۇنيادىكى ھەممە مەخپىيەتلىكنى بىلگەننىڭ نىمە پايدىسى ، ئوكسىگىن خوراپ تۈگىسە ، بۇ يەردىكى ھەممىمىز ئۆلىمىز ، مەخپىيەتلىكلەرمۇ شۇنىڭغا ئەگىشىپ قىممىتىنى يوقىتىدۇ .

مەن بوتۇلكىغا ئەنسىرىشىمنى دىدىم ، ئۇ ئىككىلىنىپ تۇرۇپ :‹ ئەمسە سىنىڭ چىقىپ كىتىشىمىزگە قانچىلىك ئىشەنچىڭ بار ؟ › دەپ سورىدى .

بۇ سوئالنى ئاڭلاپ ، ئۆزەمنىڭ بۇ يەرنىڭ تورۇسىنى ئىنچىكە كۈزەتمىگىنىم ئىسىمگە كەلدى .

مەن كۆرگەن خاتىرىلەردە ئىيتىشىچە ، مىڭ سۇلالىسىنىڭ تورۇس قىسمى ئىنتايىن مۇستەھكەم ، مەن بۇ تورۇس ، سۇ بېسىمىغا قارشى تۇرۇش ئۇچۈن ياي شەكلىنى قوللانغان دەپ ئويلاپتىمەن ، لىكىن ھازىر قارىسام بۇ قۇرۇقلۇقتا ئىشلىتىدىغان تۈز تورۇس شەكلىنى قوللىنىپتۇ ، مەيلى قايسى يېرىدىن تۆشۈك ئاچساق نەتىجىسى ئوخشاشتەك تۇرىدۇ .

تورۇس بىزدىن ئون نەچچە مېتىر ئىگىزلىكتە ، تورۇسقا چىقىش ئۈچۈن تۈۋرۈكتىن يامىشىشقا توغرا كىلىدۇ ، ئاندىن تورۇسنىڭ كىسەكلىرىنى بۇزىۋەتسەكلا بولدى ، ئانچە ئاۋايلاپ كەتمىسەكمۇ ، ۋاقىتنى توغرا ھېساپلىيالىساق ، بىسىم كۆتۈرۈش قۇرۇلۇشى بۇزۇلسىلا ، تورۇستىن بىر تۆشۈك پەيدا بولىدۇ ، بىز پەقەت دىڭىز سۈيىنىڭ بۇ لەھەتنى توشتۇرىشىنى ساقلىساقلا ، قىنالمايلا ئۈزۈپ چىقىپ كىتەلەيمىز .

بۇ پىلاندا ۋاقىتنى توغرا ھېساپلاش ئەڭ مۇھېم ، ئەگەر دىڭىز سۈيىنىڭ پەسىيىشىگە ئۈلگىرەلمىسەك ، بىسىم كۆتۈرۈش قۇرۇلۇشى بۇزۇلسىلا ، دىڭىز سۈيى پۈتكۈل تورۇسنى بۇزۇپ ئۆرىۋىتىدۇ . بىزمۇ مەڭگۈ مۇشۇ قەبرىنى ساقلاپ ياتىمىز .

مەن بۇ پىلاننى بوتۇلكىغا ئىيتتىم ، ھەمدە بىزنىڭ چىقىپ كىتىش ئىھتىماللىقىمىزنىڭ يۇقىرلىقىنى ئەسكەرتتىم ، بىز چىقىپ كەتكەندىن كىيىن ، بۇ قەبرە تۈگىشىدۇ ، لىكىن ھەرگىز بىراقلا غايىپ بولمايدۇ ، ئىچىدە بولۇشقا تىگىشلىك نەرسىلەر يەنىلا بار بولىدۇ . بىز بىر نەچچە كۈندىن كىيىن ئوبدان جابدۇنۇپ قايتىپ كەلسەكمۇ بولىدۇ .

ئۇ ئاڭلاپ بىشىنى لىڭشىتتى ، ئاخىرى قايىل بولدى ، سىمىزمۇ ساقلاپ بولالمىدى :‹ ئەمسە نىمىنى ساقلايمىز ؟ بىز ھاززىرلا تۇتۇش قىلايلى ، ئاۋۋال بۇ تۈۋرۈكنى بىر تەرەپ قىلايلى ، بىشىمىزنى قاشلاپ تۇرماي ! ›

قول سائىتىمگە قارىسام ، تاشقىن تۆۋەنلەيدىغانغا يەنە 6 سائەت باركەن ، ۋاقىت يىتىپ ئاشىدىكەن ‹ بەدەن كۈچىمىزنىڭ ئىسراپ بولىشى ئىغىر بولدى ، تىخى تاماقمۇ يىمىدۇق ، بەدەن ئەھۋالىمىز ئىنتايىن ناچار ، بىز ۋاقىتتىن پايدىلىنىپ ئوبدانراق ئالام ئىلىۋالايلى ، چىقىپ كەتكەندىن كېيىن نىمە خەتەرلەرگە يولىقىدىغىنىمىزنى ھېچكىم بىلمەيدۇ ، كۈچىمىزنى ئەسلىگە كەلتۈرمىسەك ، چىقىپ كەتسەكمۇ ھامىنى تۇنجۇقۇپ ئۆلىمىز ، پايدىسى يوق › دىدىم .

سىمىزنىڭ ئاكتىپچانلىقى يۇقىرى ، چۈشەندۈرۈشۈمنىڭ ئاساسى بارلىقىنى ئاڭلاپ بىشىنى قاشلاپ تۇرۇپ :‹ ئاناڭنى ، يەنە ساقلامدۇق ؟ مەيلىلا ، مەن بىردە ئۇخلىۋالاي ، قاچان ئىش باشلىساڭلا شۇ چاغدا ئويغۇتۇڭلار ھە ! ›

مەنمۇ بىر ئورۇننى تىپىپ ئولتۇردۇم ، لىكىن كاللام توختاپ قالمىدى ، دىڭىز سۈيى قۇيۇلغاندىن كىيىن قانداق ئىشلار بولىدىغانلىقىنى ئويلاۋاتىمەن ، ھازىر پەستىكى تۆشۈكنىمۇ ئىتىۋەتتۇق ، ھىم ئىتىلمىگەن بولسىمۇ ، سۇ كىرىشى ئاستا بولىدۇ . ئەڭ ئاۋۋال كۆپلىگەن سۇ ھېلىقى غەلىتە ئۆڭكۈرگە كىرىدۇ ، ئۇ ئۆڭكۈر قانچىلىك چوڭقۇرلۇقتىدۇ ؟ ئەگەر باشقا قەبرىخانىلەر بىلەن تۇتاش بولسا چاتاق ، ئۇ چاغدا بىز تۈگىمەس قاينامنىڭ ئىچىدە قالىمىز دىگەن گەپ .

خىيال قىلىپ بۇ يەرگە كەلگەندە ئىختىيارسىز ئۆڭكۈرنىڭ ئىچىگە قاراپ سالدىم ، قانداق قىلغاندا بۇ ئۆڭكۈرنىڭ ئاغزىنى ئىتىپ سۇ كىرمەيدىغان قىلغىلى بولىدۇ ، ئۆڭكۈر ئېغىزىنىڭ چوڭ كىچىكلىكىگە زادى قانداق قىلىپ توسىغىلى بولىدۇ .

دىققىتىم مەركەزلەشكەن شۇ پەيىتتە ، كۆڭلۈمدە غەلىتىلا بىر سېزىم پەيدا بولدى ، ئۆڭكۈرنىڭ ئىچىدىكى قاراڭغۇلۇقتا بىرخىل كۈچ مىنىڭ دىققەت نەزىرىمنى ئۆزىگە تارتماقتا ...بۇ خىل كۈچ كۈچلۈك بولۇپلا قالماستىن ، يەنە بېسىممۇ بار ئىدى ، مەن بېشىمنى باشقا ياققا بۇرىماقچى بولدۇم ، لىكىن قانداقلا قىلماي بوينۇمنى مىدىرلىتالمىدىم ، ھەتتا كۆزۈمنىمۇ مىدىرلىتالمىدىم .

بىرلا ۋاقىتتا تىت – تىت بولىۋاتقانلىقىمنى ھېس قىلدىم ، بۇ خىل بىئارامچىلىقنى چۈشەندۈرۈپ بېرەلمەيمەن ، خۇددىي ئاچ قالغان ئادەمگە بىر خالتا يىمەكلىكنى قولىغا ئېلىپ ، قانداق قىلسىمۇ خالتىنىڭ ئېغىزىنى ئاچالمايۋاتقاندەك ... بۇخىل بىئارامچىلىق مېنى شۇ ئۆڭكۈرگە بىر كىرىپ چىقىشقا ئۈندەۋاتاتتى .

بۇلارنىڭ ھەممىسى بىر سىكىنۇت ئىچىدە يۈر بەردى ، ئازراقمۇ بىشارەت يوق ، ئۇلار تىخى سەزمەي تۇرۇپلا بوتۇلكىنى ئىتتىرىۋىتىپ ئۆزۈمنى ئۆڭكۈر ئىچىگە ئاتتىم ، مەن ئۆڭكۈرگە يىقىن بولغاچقا ئازراق مىڭىپلا ئۆڭكۈر ئىچىدىكى قاراڭغۇلۇققا كىرىپ كەتتىم . ئۇلار مىنى تۇتىۋالماقچى بولغان بولسىمۇ ئۈلگىرەلمىدى . ئۇ ۋاقىتتا مەن ئۆزۈمنىڭ زادى نىمە قىلماقچى بولغىنىمنىمۇ بىلمەيتتىم ، پەقەت ئۆڭكۈرنىڭ ئەڭ ئىچىگە كىرىپ كۆرۈپ باققىم كەلدى ، مەن ھەتتا قول چىراقمۇ ئېلىۋالمىدىم ، ھەتتا بوتولكىنىڭ ماڭا ئەگىشىپ كەلگەن – كەلمىگىنى بىلەنمۇ كارىم بولمىغان ئىدى .

ئازراق يۈگۈرمەيلا پۇتۇمغا بىر نەرسە تېگىپ يىقىلىپ چۈشتۈم ، بۇ قىتىم بەك قاتتىق يىقىلدىم ، ئۇددۇل يەرگىلا ئۈستۈم ، ئاغرىق دەستىدىن بىشىم ۋىڭىلداپ كەتتى ، بۇرنۇمدىنمۇ قان چىقىپ كەتتى . لىكىن بۇ بىر يىقىلىش بىلەن بىئارامچىلىق غايىپ بولدى ، ھەممە نەرسە ئەسلىگە كەلدى .

كۆڭلۈمدە بىر خىل غەلىتىلىك ھېس قىلىۋاتىمەن ، بۇ ئۆڭكۈردە بىرخىل سېھرى كۈچ باركەن ، پەقەت بىرلا قاراش بىلەنلا ئادەمنى ئەقلىدىن ئاداشتۇرىدىكەن ، مەن بايام دىققەت قىلىپ قاراپ قىلتاققا دەسسەپتىمەن .

ئارقىمغا قارىسام بوتۇلكا بىلەن سىمىز ماڭا يىتىشىپ كەپتۇ ، يەردە بىر قول چىراق تۇراتتى ، قارىغاندا بوتۇلكا مۇشۇ قولچىراقنى پۇتۇمغا ئاتقان ئوخشايدۇ .

ئۇلار مىنىڭ يىنىمغا كېلىپ گەپمۇ قىلماي ، قولتۇقۇمدىن كۆتۈرۈپ سىرتقا سۆرەپ ماڭدى ، لىكىن مىنىڭ بىر تىزىم يارلانغاچقا ئورنىمدىن تۇرالمىدىم ، ئۇلار بۇ تار ئۆڭكۈردە مىنى سۆرەيدىغانغا كۈچەلمىدى ، ئۇنىڭ ئۈستىگە بۇ يەر قاراڭغۇ بولغاچقا قالايمىقان بوپ كەتتۇق .

سىمىز بىر قوللاپ كۈچىيەلمەي ، قولچىراقنى قولتىقىغا قىسىپ ئىككى قوللاپ سۆرىمەكچى بولدى ، شۇ پەيىتتە قولچىراقنىڭ يورىقى بىر يەرگە چۈشتى ، قاراڭغۇلۇق ئىچىدە بىر ئادەمنىڭ يۈكۈنۈپ ئولتۇرغىنىنى كۆرگەندەك بولدۇم .

قول چىراقنىڭ سۈرئىتى بەك ئىتتىك بولغاچقا ئىنىق كۆرەلمىدىم ، لىكىن مەن جەزىملەشتۈرەلەيمەن ، ئۇ چوقۇم بىر ئادەم ، مەن كەنجى تاغامنى ئىسىمگە ئالدىم ‹ توختاڭلار ، ئالدىدا ئادەم باركەن › دەپ ۋاقىردىم .

سىمىز ئاۋازىمنى ئاڭلاپلا قولچىراقنى توغىرلىدى ، ئۇ ئادەم ئۆڭكۈرنىڭ ئىچىگە قاراپ يۈگۈرۈپ كەتتى . شۇ ۋاقىتتا بىز ئۈچەيلەن ئىنىق كۆردۇق ، لىكىن كىملىكىنى بىلەلمىدۇق ، بوتۇلكىنىڭ ئىنكاسى تېز بولۇپ ‹ قوغلايلى › دىگەن بىلەنلا يۈگۈرۈپ كىرىپ كەتتى . سىمىز ئاغزىنى بۇزۇپ كەينىدىن قوغلاپ ماڭدى .

پۇتۇم يارلانغاچقا ئىتتىك ماڭالمىدىم ، ئامالسىزلىقتىن تامنى تۇتۇپ ئاقساقلاپ كەينىدىن ئەگەشتىم ، بۇ ۋاقىتتا بوتۇلكا ئۇ ئادەم بىلەن پومداقلىشىپ كەتكەن بولۇپ ، سىمىزمۇ ئۆزىنى ئاتتى ، ئۇلار بىرلىشىپ ئۇنى تۇتىۋالدى ، سىمىز قولچىراقنى يىقىپ ‹ ۋوي ... ئانىڭ قىزكەنغۇ › دەپ ھەيران قالدى .

مەن ئەگىشىپ باردىم ، راسلا ئانىڭ ئىكەن ، ئۇنىڭ ئۈستى بىشى ئىنتايىن مەينەت بوپ كەتكەن بولۇپ ، غەۋۋاس كىيىمىمۇ يىرتىلىپ، بەدىنىدىن بىر سېسىق پۇراپ تۇراتتى ، ئېغىز ئەتراپى ، بۇرنىدا قان يۇقى تۇراتتى . ئۇنىڭ زادى قانداق ئىشلارغا يولۇقۇپ ، بۇنداق بولۇپ قالغىنى نامەلۇم . لىكىن مەن شۇنى ھېس قىلدىمكىن ، بىز ئۈچىمىزمۇ ھېچقانچە ياخشى تۇرمىغان ئىدۇق ، بولۇپمۇ سېمىز ، ھەممە يىرى يارا ئىزى ، قاراشقىمۇ كۆڭلۈم ئۇنىمايدۇ .

سىمىز بۇ قىزنى كۆرسىلا نىرۋىسى ئۆرلەيدۇ ، ئەمدى ئۇ قىزنى تىللاي دەپ تۇرىشىغىلا بوتۇلكا ئۇنى توسىۋالدى : ‹ توختا ، ئۇ سەل چاتاقتەك تۇرىدۇ ›.

تۇنجى قېتىم ئەسەر تەرجىمە قىلىشىم بولغاچقا ، ئىملا خاتالىقلىرى كۆپ بولىشى مۇمكىن ، بۇرۇن ئەسەر تەرجىمە قىلىپ باقمىغان ، مىنىڭ ئويلايدىغىنىم ، ياخشى ئەسەرلەرنى ھەمبەھېرلىنىش ! رەھمەت .

باشقا سالونچىلارنىڭ رۇخسەتسىز ئۆز سالونىغا يوللىشى چەكلىنىدۇ !