سىزدە يەنە توسالغۇنى يەڭگۈدەك قىزغىنلىق بارمۇ؟

سىزدە يەنە توسالغۇنى يەڭگۈدەك قىزغىنلىق بارمۇ؟

ھېكايە:

  بىر پىسخىلوگ بىر دانە ئېچىرقاپ كەتكەن تىمساھ بىلەن بىر نەچچە بېلىقنى بېلىق ئىدىشىگە سېلىپ، ئارلىقىنى بىر سۈزۈك ئەينەك بىلەن توسۇپ قويۇپتۇ. دەسلەپتە، تىمساھ قىلچە ئىككىلەنمەستىن، بېلىقلارغا شىددەت بىلەن ھۇجۇم قىپتۇ. لېكىن ،مەغلۇپ بوپتۇ. شۇنداق بولسىمۇ، ئۇ يەنىلا بەل قويۋەتمەپتۇ. شۇ تەرىقىدە ئۇ بېلىقلارغا قايتا-قايتا ئون نەچچە قېتىم ھېجۇم قىلىپ، ھەممىسىدىلا مەغلۇپ بوپتۇ. ئۇنىڭ ئۈستىگە ئېغىر يارىلىنىپتۇ. شۇنداقتىمۇ، يەنە بار كۈچىنى يىغىپ ئەڭ ئاخىرقى قېتىم ھۇجۇم قىلىپ بېقىپتۇ، بۇ قېتىمقى مەغلۇبىيەت ئۇنى قاتتىق ئۈمىدسىزلەندۈرۈپتۇ. شۇڭىلاشقا،يەنە ھۇجۇم قىلىۋىرىشتىن ۋاز كېچىپتۇ.

بۇ ۋاقىتتا پىسخلوگ ئوتتۇردىكى سۈزۈك ئەينەكنى ئېلىۋىتىپتۇ. ئەينەكنى ئېلىۋەتكەندىن كېيىنمۇ تىمساھ ئەتىراپىدا ئۈزۈپ يۈرگەن بېلىقلارنى كۆرۈپ تۇرۇپتۇ-يۇ، ئۇلارغا مۇنداقلا بىر قاراپ قويۇپ قەتئىي ھوجۇم قىلماپتۇ. ئۇ بۇ ۋاقىتتا بارلىق ئۇرۇنۇشلاردىن بىراقلا ۋاز كېچىپتۇ.

ھېكمەت:

   كىشىنى ئەپسۇسلاندۇردىغىنى شۇكى،ئاشۇ تىمساھقا ئوخشاش، نۇرغۇن ئادەملەر كۆپ قېتىم ئوڭۇشسىزلىق،زەربە،مەغلۇبىيەتلەردىن كېيىن، بارا-بارا ئېلىشىش ئىرادىسىنى يوقىتىپ قويىدۇ. قىزغىلىقى ۋە ئارزۇ-ئارمانلىرى بىراقلا ئۆلىدۇ.ئىشىپ قالغىنى پەقەت ئۈمىدسىزلىك ئىچىدە ئاھ ئۇرۇش،ئامالسىزلىق ئىچىدە قايغۇرۇش بولىدۇ. ئەمەلىيەتتە ئۇلار ئاشۇ نۇرغۇنلىغان مەغلۇبىيەتلىرى ئارقىلىق نۇرغۇن تەجىربىلەرگە ئىگە بولغان، غەلبىنىڭ دەرۋازىسىدىن يامانلاپ كەتكەن كىشىلەردۇر.

مەنبە:“ قىسقا ھېكايە، ئۇلۇغ ھېكمەت“ ناملىق كىتاپتىن تەرجىمە قىلغۇچى لوپنۇرى

يازما ھوقۇقى: lopnuri
يازما ئادىرىسى: ?p=916