ھىندوزېزىيەدە 26 -دېكابىر بىر قاتار پائالىيەتلەر ئۆتكۈزۈلۈپ، ھىندى ئوكياندا دېڭىز تاشقىنى ئاپىتى يۈز بەرگەنلىقىنىڭ 10 يىللىقى خاتىرىلەندى. ئىگىلىنىشىچە، 2004-يىلى 26-دېكابىر ھىندوزېزىيەدە 9.1 بال يەر تەۋرىگەندىن كېيىن، 100 يىلدىن بۇيان كۆرۈلمىگەن دېڭىز تاشقىنى پەيدا بولغان. شۇ قېتىملىق ئاپەت شەرقى جەنۇبىي ئاسىيا ھەمدە ئافرىقىنىڭ شەرقىدىكى نۇرغۇن دۆلەتكە تەسىر كۆرسەتكەن بولۇپ، 200 مىڭدىن ئارتۇق ئادەم قازا قىلغان، 100 مىڭدىن ئارتۇق ئادەم ئۆي-ماكانىدىن ئايرىلغان.