مۇھاپىزەت گېزىتىنىڭ خەۋەر قىلىشىچە، تۈركىيە باش مىنىستىر ئىشخانىسىنىڭ خەۋىرىدە مۇنداق دېيىلگەن: ئامېرىكىنىڭ بۇندىن بۇرۇن ئامېرىكا بىلەن تۈركىيە كېلىشىم ھاسىل قىلىپ، ھەمكارلىشىپ ئىراق ۋە شام ئىسلام دۆلىتى ئەسەبىي تەشكىلاتىغا ھەرىكەت قوللىنىشتا تۈركىيە ئامېرىكىنىڭ تۈركىيەدىكى ھەربىي بازىلاردىن پايدىلىنىشقا يول قويدى، دېگەن خەۋىرى رېئاللىققا ئۇيغۇن ئەمەس.

ھالبۇكى ئامېرىكا دۆلەت مۇداپىئە مىنىستىرلىقىنىڭ ئەمەلدارى 12-ئۆكتەبىر مۇنداق دېدى: تۈركىيە ئامېرىكا ۋە بىرلەشمە ئارمىيە قىسمىنىڭ سۇرىيە ۋە ئىراقتىكى ئىراق ۋە شام ئىسلام دۆلىتى ئەسەبىي تەشكىلاتى قوراللىق ئۇنسۇرلىرىغا ھەرىكەت قوللانغاندا، تۈركىيەنىڭ ھەربىي بازىسىنى ئىشلىتىشكە، جۈملىدىن سۇرىيە دائىرىسىگە 100 ئىنگلىز مىلىمۇ كەلمەيدىغان ئاچقۇچلۇق ئاسلىھەلەردىن پايدىلىنىشىغا يول قويدى.
ئامېرىكا بىلەن تۈركىيەنىڭ ئىراق ۋە شام ئىسلام دۆلىتى ئەسەبىي تەشكىلاتىغا ھەمكارلىشىپ زەربە بېرىش مەسىلىسىدە ئىككى تەرەپنىڭ سۆزى بىردەك بولمىدى، خەلقئارا جەمئىيەت بۇنىڭدىن ھەيران قالدى. ئەمەلىيەتتە ئىككى تەرەپنىڭ مۇشۇنداق ئىپادە بىلدۈرۈشى ئەجەبلىنەرلىك ئەمەس.

7-ئۆكتەبىردىن بۇيان، ئامېرىكا ۋە ئۇنىڭ ئىتتىپاقداشلىرى كېبانى رايونىغا 20 نەچچە قېتىم ھاۋادىن ھۇجۇم قىلدى.
10-ئۆكتەبىر ھاۋادىن ھۇجۇم قىلىش ھەرىكىتى داۋاملاشتى. ھالبۇكى يەر يۈزى قىسمىنىڭ ماسلىشىشى بولمىغانلىقتىن ھاۋا ھۇجۇمى مۇۋەپپەقىيەتلىرىنى مۇستەھكەملەش، ئەسەبىي تەشكىلات خادىملىرىنىڭ ھۇجۇمىنى توسۇش تەسكە چۈشتى.

10-ئۆكتەبىر سۇرىيە كىشىلىك ھوقۇقنى كۆزىتىش تەشكىلاتى مۇنداق دېدى: ئىراق ۋە شام ئىسلام دۆلىتى ئەسەبىي تەشكىلاتى كېبانىنىڭ %40 زېمىنىنى ئىشغال قىلدى. بىرلەشكەن دۆلەتلەر تەشكىلاتىنىڭ باش كاتىپىنىڭ سۇرىيە مەسىلىسى بويىچە ئالاھىدە ئەلچىسى دېمىستۇرا 10-ئۆكتەبىر: كېبانى قورشىۋېلىندى، تۈركىيە چېگراسىغا تۇتۇشىدىغان بىر تار يوللا قالدى، دېدى.

يېقىنقى كۈنلەردىن بۇيان، ئامېرىكا تۈركىيە ھۆكۈمىتى بىلەن يېقىندىن ئۇچراشتى، تۈركىيەنى ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشتە ئىجابىي ھەرىكەت قوللىنىشقا دەۋەت قىلدى. ئەمما تۈركىيە ئىزچىل ئىپادە بىلدۈرمىدى. شۇڭا ئىككى تەرەپ بۇ قېتىم ئاغزاكى ئويۇن كۆرسەتتى.

تۈركىيە ئامېرىكىنىڭ خەۋىرىنى ئىنكار قىلدى. بۇ تۈركىيەنىڭ ئىراق ۋە شام ئىسلام دۆلىتى ئەسەبىي تەشكىلاتى زەربە بېرىشتە كۆزىتىش پوزىتىسىيەسى تۇتقانلىقى بىلەن بىردەك. تۈركىيە ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىش ئىتتىپاقىغا كىرىشتە نۇرغۇن ئىشلارنى ئويلىشىپ، باشتىن-ئاخىر ئارىسالدى بولۇپ كەلدى.

تۈركىيە ئامېرىكا بىلەن بىرلىشىپ تېررورلۇققا زەربە بېرىشنىڭ ئۆزلىرىنىڭ بىخەتەرلىكى تەھدىت بولۇشتىن ئەنسىرىدى. جۇڭگو ھازىرقى زامان خەلقئارا مۇناسىۋەت تەتقىقات يۇرتى تېررورلۇققا قارشى تۇرۇش تەتقىقات مەركىزىنىڭ مۇدىرى لى ۋېي مۇنداق دېدى: نۆۋەتتە ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىش ئىراقنىڭ شىمالىدىكى كۇرتلارنىڭ مۇستەقىل بۇلۇش خاھىشىنى بارغانچە روشەنلەشتۈرۈۋەتتى. ئۇلار مۇستەقىل بولغان ھامان تۈركىيەنىڭ شەرقى جەنۇبىدىكى كۇرتلارغا تەسىر كۆرسىتىپ، تۈركىيەنىڭ ۋەزىيىتىگە خەۋپ يەتكۈزىدۇ.

جۇڭگو ھازىرقى زامان خەلقئارا مۇناسىۋەت تەتقىقات يۇرتىنىڭ مۇئاۋىن باشلىقى لى شاۋشيەن مۇنداق دېدى:

تۈركىيە ئامېرىكا بىلەن بىرلىشىپ ئىراق ۋە شام ئىسلام دۆلىتى ئەسەبىي تەشكىلاتىغا زەربە بەرسە، بۇندىن كېيىن ئىراق ۋە شام ئىسلام دۆلىتى ئەسەبىي تەشكىلاتىنىڭ ئۆچ ئېلىشىدىن ئەندىشە قىلىدۇ.
ئامېرىكىنىڭ تۈركىيەنى ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشتە ئەسلىھە ۋە زۆرۈر كۈچ بىلەن تەمىنلەشكە قوشۇلۇشقا كۆندۈرۈشكە ئالدىرىشىدا ئۆزلىرىنىڭ مەقسىتى بار.
سۇرىيە چېگراسى خەتەرلىك بولۇپ قالدى، ھاۋا ھۇجۇمىنىڭ ئۈنۈمى چەكلىك بولىۋاتىدۇ. يەر يۈزى ئۇرۇشى كۈن تەرتىپكە قويۇلمىدى.

جۇڭگو سىياسىي قانۇن ئۇنىۋېرسىتېتى سىياسەت ۋە ئاممىۋىي باشقۇرۇش ئىنستىتۇتىنىڭ پىروفېسسورى لى چۈنيىڭ تەھلىل قىلىپ مۇنداق دېدى: ئامېرىكا ئۇرۇش پاتقىقىغا كىرىپ قېلىشنى خالىمايدۇ. جۇغراپىيەلىك ئەھۋالنى ئويلاشقاندا، تۈركىيە سۇرىيە ۋە ئىراقنىڭ قوشنىسى، شۇنداقلا شىمالىي ئاتلانتىك ئەھدى تەشكىلاتىنىڭ ئەزاسى، ئۇلارنىڭ ئىستراتېگىيەلىك ئورنى مۇھىم. شۇڭا ئامېرىكا تۈركىيەگە بېسىم ئىشلەتمەكتە.

ئامېرىكا تېررورلۇققا قارشى تۇرۇش ئىتتىپاقىنىڭ كۆلىمىنى كېڭەيتىپ، خەلقئارا جەمئىيەتكە ئامېرىكىنىڭ ئىراق مەسىلىسىدە كېلىپ چىققان ئاقىۋەتتىكى مەسئۇلىيەتنى ئۈستىگە ئالدۇرۇشقا ئالدىرىماقتا.
ئۇ مۇنداق دېدى: تۈركىيەنىڭ جۇغراپىيەلىك ئىستراتېگىيەلىك ئورنى مۇھىم، ئۆزلىرىدە كۇرتلار مەسىلىسى بولغاچقا ئىتتىپاقداشلىرىغا ئوخشاش ئاسان ئۆزىنى تارتالمايدۇ. چۈنكى ئامېرىكا ئىراق ۋە شام ئىسلام دۆلىتى ئەسەبىي تەشكىلاتىغا ئۈنۈملۈك زەربە بەرمەكچى بولسا تۈركىيەنى ئىتتىپاققا تارتىشى كېرەك.

ئامېرىكا بىلەن تۈركىيەنىڭ مۇشۇنداق ئاغزاكى ئۇيون ئوينىشى ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىشكە پايدىسىز.

ئامېرىكا ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىش ئىتتىپاقى قۇرۇشتىكى بىردىن بىر چوڭ دۆلەت، ئۇنىڭ بۇنداق قىلىشىدا مەجبۇرلاش، جەلپ قىلىش ئامىللىرى بار. ئىتتىپاقنىڭ ئىچكى قىسمىدىمۇ زىددىيەتلەر كۆپ، ئىتتىپاقتىكى دۆلەتلەر ئارىسىدا ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىش شەكلى، ئۇسۇلى ھەمدە سۇرىيە مەسىلىسىدىكى ئىختىلاپمۇ ناھايىتى چوڭ.
تۈركىيە بىلەن سۈرىيەدىكى باشار ھاكىمىيىتىنىڭ زىددىيىتى چوڭ. ئەگەر ئىراق ۋە شام ئىسلام دۆلىتى ئەسەبىي تەشكىلاتىغا زەربە بېرىلىپ، باشار ھاكىمىيىتى تېخىمۇ مۇستەھكەملەنسە، تۈركىيەنىڭ مەنپەئەتىگە ئۇيغۇن كەلمەيدۇ. شۇڭا تۈركىيە پاسسىپ پوزىتسىيە تۇتماقتا.

ئامېرىكىغا نىسبەتەن ئېيتقاندا، ئۇلارنىڭ ئىراق ۋە شام ئىسلام دۆلىتى ئەسەبىي تەشكىلاتىنى يوقىتىش ئىرادىسى كۈچلۈك. ئۇلار باشقا دۆلەتلەردىن پايدىلىنىپ، ئۆزلىرى پايدا ئېلىشنى ئويلاشماقتا. بۇ نۇقتىنى ئىتتىپاقتىكى دۆلەتلەر جۈملىدىن تۈركىيە ئوبدان بىلىدۇ. لى ۋېي مۇنداق دېدى: ئامېرىكىنىڭ مۇشۇنداق پوزىتىسىيەسى ئىراق ۋە شام ئىسلام دۆلىتى ئەسەبىي تەشكىلاتىغا ئۈنۈملۈك زەربە بېرىشكە پايدىسىز، شۇنداقلا خەلقئارا ۋەزىيەتنىڭ مۇقىملىقىغا كاپالەتلىك قىلغىلى بولمايدۇ.