شىنخۇا ئاگېنتلىقى 5- ئاينىڭ 23 – كۈنى خۇبېي ئۆلكىسى شيەننىڭ شەھرىدىن خەۋەر قىلىشىچە، خۇبېي ئۆلكىسى شىيەننىڭ شەھەرلىك ئوتتۇرا خەلىق سوت مەھكىمىسى 23- چېسلا ئەتىگەن سائەت 9 دا لىيۇ ۋېي قاتارلىق قارا جەمئىيەت تەشكىللەش، رەھبەرلىك قىلىش، قارا جەمئىيەتكە قاتناشىپ قەستەن ئادەم ئۆلتۈرۈش، خەلقنى قاقتى – سوقتا قىلىش، جەمئىيەت بىخەتەرلىكىگە ئېغىر بۇزغۇنچىلىق قىلىش جىنايى قىلمىشلىرىنى سادىر قىلغان 36 كىشىگە سوت ئاچتى.

سوت نەتىجىسىدە جاۋابكار لىيۇ ۋېي، لىيۇ خەنگە قارا جەمئىيەت تەشكىللەش، قارا جەمئىيەت خاراكتېرلىك تەشكىلاتقا باشچىلىق قىلىش، قەستەن ئادەم ئۆلتۈرۈش قىلمىشلىرى ئۈچۈن ئۆلۈم جازاسى، سىياسىي ھوقۇقىدىن ئۆمۈرۋايەت مەھرۇم قىلىش جازاسى، مال - مۈلىكىنى مۇسادىرە قىلىش جازاسى بەردى. جاۋابكار تاڭ شىيەنبىڭ، جاڭ دوڭخۇا، تىيەن شىيەن ۋېي، يۈەن شاۋ لىن، ۋېن شىياڭ جۇ، جاڭ ۋېي، زېڭ جىيەن جۈن، خۇاڭ موۋ، لىيۇگاڭ، كۇاڭ شىياۋ پىڭ، جوڭ چاڭخۇا، خېن لى جۇ قاتارلىقلارغا، قارا جەمئىيەت خاراكتېرلىك تەشكىلاتلارغا قاتناشىش، قەستەن ئادەم ئۆلتۈرۈش قىلمىشى بىلەن ئايرىم ھالدا ئۆلۈم جازاسى، ئىككى يىل كېچىكتۈرۈلۈپ ئىجرا قىلىنىدىغان ئۆلۈم جازاسى، سىياسىي ھوقۇقىدىن ئۆمۈرۋايەت مەھرۇم قىلىش جازاسى بەردى ۋە قوشۇمچە جەرىمانە قويدى. جاۋابكار سۈنخۇاجۈن،مىيۇجۈن،چېن لى مىڭ، زېڭ جىيەن، يەن جۈن، لى بو، كۇاڭ شىياۋ يەن... قاتارلىق 19 كىشىگە قارا جەمئىيەت خاراكتېرلىك تەشكىلاتلارغا قاتناشىش، قەستەن ئادەم ئۆلتۈرۈش، قەستەن ئادەم زەخمىلەندۈرۈش قىلمىشى بىلەن ئايرىم ھالدا يىگىرمە يىلدىن - ئۈچ يىلغىچە قاماق جازاسى بەردى ۋە بىر قىسىم قىلمىشى ئېغىر بولغانلىرىغا قوشۇمچەجەرىمانە قويۇش ياكى مال – مۈلۈكىنى مۇسادىرە قىلىش جازاسى بەردى. جاۋابكار لىيۇ شۇە جۈن، لىيۇ جوڭ ۋېي،لۈ بىن قاتارلىقللارغا قارا جەمئىيەت ئەزالىرىغا يانتاياق بولۇش، كەڭچىلىك قىلىش، پارا ئېلىش جىنايىتى بىلەن ئايرىم ھالدا 16 يىل، 13 يىل، 11 يىل مۇددەتلىك قاماق جازاسى بەردى ۋە قانۇنسىز تاپاۋەتلىرىنى مۇسادىرە قىلدى. جاۋابكار ئورۇن خەن لوڭ گورۇھىغا زاكالەت پۇلىنى ئالداپ ئېلىۋىلىش، ساختا تالون چىقىرىش قىلمىشلىرى بىلەن 300 مىليون يۈەن جەرىمانە قويدى. جەمئىي 5 ئادەمگە ئۆلۈم جازاسى، 5 ئادەمگە كېچىكتۈرۈپ ئىجرا قىلىنىدىغان ئۆلۈم جازاسى، 4 ئادەمگە مۇددەتسىز قاماق جازاسى، 22 ئادەمگە مۇددەتلىك قاماق جازاسى بەردى.

شىيەننىڭ شەھەرلىك ئوتتۇرا خەلق سوت مەھكىمىسىنىڭ ھۆكۈمىدە، جاۋابكار لىيۇخەن، لىيۇ ۋېي كۆپ كىشىلەر بىلەن مۇقىم ۋە سىستېمىلىق بولغان جىنايي تەشكىلات تورى شەكىللەندۈرگەن، مەزكۇر تەشكىلاتنىڭ ئادىمى كۆپ بولۇپلا قالماي يەنە ئېنىق بولغان باشلامچىسى، تەشكىللىگۈچىسى ۋە مۇھىم ئەزالىرى بار. تەشكىلىي ھالدا قانۇنسىز قىملىش ۋاستىسى ياكى باشقا ۋاستىلەر ئارقىلىق كىشىلەرنىڭ پۇل – پېلىنى ئالداپ ئېلىۋالغان. ئىنتايىن كۈچلۈك بولغان ئىقتىسادىي ئاساسىغا تايىنىپ، تەشكىلاتنىڭ ھەرىكەتلىرىنى تېخىمۇ كەڭ دائىرىدە قانات يايدۇرغان. تېررورلۇق، زومىگەرلىك، تۇتقۇن قىلىش ۋە باشقاجىنايى ئۇسسۇللار ئارقىلىق كۆپ قېتىم ئادەم ئۆلتۈرش، زەخمىلەندۈرۈش قىلمىشلىرىنى سادىر قىلىپ خەلق ئاممىسىنىڭ ھاياتى ۋە ماددىي بىخەتەرلىكنى زور تەھدىدكە ئۇچىراتقان.
زومىگەرلىك، تەھدىت سېلىش ۋاستىسى ۋە دۆلەت ئورگانلىرىدىكى بىر قىسىم خىزمەتچىلەرنىڭ ھوقۇقىدىن پايدىلىنىش ئارقىلىق قىلمىشلىرىنى يوشۇرۇپ، قوغداپ جەمئىيەتتە ئېغىر بولغان يامان تەسىر پەيدا قىلغان، شۇنداقلا گۇڭخەن شەھەرلىك قىمارخانا ئويۇنچۇقلىرىنى ئۆز كونتىروللىقىغا ئېلىۋىلىپ، يۇقىرىقى ئورۇنلارنىڭ ئىقتىسادىي كىرىمىنى بۇزغۇنچىلىققا ئۇچىراتقان ۋە جەمئىيەت تەرتىۋېنى قالايمىقانلاشتۇرغان. شۇڭلاشقا سوت ھۆكۈمىدە، بۇ تەشكىلاتنى خاراكتېر جەھەتتىن قارا جەمئىيەت دەپ بىكىتكەن. جاۋابكار لىيۇ خەن، لىيۇ ۋېي كۆپ قېتىم جىنايەت سادىر قىلغانلىقى ئۈچۈن ، قاتتىق جازا بېرىلىپ جەرىمانە قويۇلغان. باشقا جاۋابكارلار قىلمىشىنىڭ ئېغىر – يىنىكلىكىگە قاراپ ، ئايرىم ھالدا، قارا جەمئىيەتكە قاتناشىش، قەستەن ئادەم ئۆلتۈرۈش، قانۇنسىز ئادەم تۇتقۇن قىلىش، قانۇنسىز قورال – يىراق، پارتىلاتقۇچ ئېلىپ – سېتىش ، قانۇنسىز تىجارەت قىلىش، ئالدامچىلىق قىلىش، ئىقتىسادنى قەستەن بۇزۇپ چېچىش قاتارلىق جىنايى قىلمىشلىرى بويىچە تېگىشلىك جازالانغان.