تېڭشۈن تورى  خەۋىرى ،لەگلەك تورى  تەرجىمىسى .

3-ئاينىڭ 8-كۈنى مالايسىيانىڭ MH370 قېتىملىق نۆۋەتچى ئايروپىلانى يوقاپ كەتتى ، شۇ كۈنى جاڭ جىلىياڭ بىلەن شىياۋ دوۋ دوۋنىڭ توي خېتى ئالىدىغان پىلان كۈنىگە 15 كۈنلا قالغان ئىدى .شىياۋ دوۋ دوۋ دەل شۇ يوقاپ كەتكەن ئايروپىلانغا چىققان 238 نەپەر يولۇچىنىڭ ئىچىدە بار ئىدى . جاڭ جىلىياڭ شۇ كۈندىن باشلاپ بېيجىڭ لىدۇ مېھمانسارىيىدا ،باشقا ئائىلە تاۋاباتلىرى بىلەن بىرلىكتە تۇردى ،ئۆيگە قايىتقىنىدا بولسا پەقەت ئۆزى ۋە شىياۋ دوۋدوۋنىڭ ئىلگىرى چۈشۈپ ساقلاپ قويغان رەسىملىرىگە قاراپ ئولتۇراتتى ،بۇ ئىشلار ئۇنىڭغا بەكلا تۇيۇقسىز بىلىندى .

27 ياشقا كىرگەن شىياۋ دوۋدوۋ بىلەن جاڭ جىلىياڭنىڭ تونۇشقىنىغا ئىككى يىل بولغان ،ئۇلار تونۇشقان كۈنى شىياۋ دوۋدوۋ سۈرەتخانا ئەتراپىغا خىزمەتكە كەلگەن ،جىلىياڭ بولسا بىر فوتوگراف ئىدى ، شۇنداق قىلىپ بۇ ئىككىيلەن تونۇشتى ، ئۇلارنىڭ مىجەزى بەكلا كېلىشەتتى ،ھەمدە تېزلا بىرگە ماڭدى ،بۇيىل بېشىدا ئۇلار بىرلىكتە توي قىلىدىغان كۈنىنى بېكىتكەن ئىدى .ئەپسۇس ،بۇ كۈن يېتىپ كېلىشكە ئاز قالغاندا بۇ ئېچىنىشلىق ۋەقە يۈز بەردى . جاڭ جىلىياڭ لىدۇ مېھمانخانىسىدىكى تىلەك تاختىسىغا ،قىز دوستىغا بولغان ئەسلىمە سۆزىنى يېزىپ قالدۇردى .

تىيەنجىندىكى ئىجارىگە ئالغان ئۆيىنىڭ ھەممىلا يېرىدە بۇ ئىككى بىر جۈپنىڭ ئورتاق تۇرمۇشىدىكى گۈزەل ئەسلىمىسى بار ئىدى .

جاڭ جىلىياڭ كىچىكىدىنلا تىيەنجىندا تۇغۇلۇپ ئۆسكەن ،شىياۋ دوۋدوۋ بولسا ئىمتىھان بېرىش ئارقىلىق خېنەندىن تىيەنجىنگە كېلىپ ئالىي مەكتەپتە ئۇقۇغان ،كېيىن ئوقۇش پۈتۈپ تىيەنجىندا قېلىپ خىزمەت قىلغان ، شۇ جەرياندا بۇ ئىككىيلەن تۇنۇشۇپ قالغان ئىدى ، توي قىلىش نىيىتىگە كەلگەندىن كېيىن ئۇلار تىيەنجىندا قېلىشنى ئويلىشىپ ،ئۆي ئىجارىگە ئالغان .

توي قىلىدىغان كۈن بېكىتىلگەندىن كېيىن ، شىياۋ دوۋ دوۋ كۆپرەك پۇل تېپىۋېلىش مەقسىتىدە ،بېيجىڭدىكى بىر شېركەتكە كېلىپ ياردەمچى بولۇپ ئىشلىگەن ،3-ئاينىڭ 6-كۈنى شىركەتكە كېلىپ ئىشلىگىنىگە بىر ئاي بولغان شىياۋ دوۋدوۋ خوجاينىنىڭ ئورۇنلاشتۇرۇشى بىلەن مالايسىيادىكى يىغىنغا قاتناشقىلى كەتكەن ، 3-ئاينىڭ 8-كۈنى ئۇ ۋەتەنگە قايتىش مەقسىتىدە ئايروپىلانغا چىققان . 3-8-كۈنى جاڭ جىلىياڭ قىز دوستىنىڭ بىخەتەر قونغانلىق خەۋىرىنى تاپشۇرۇپ ئېلىشنىڭ ئورنىغا ،ئايروپىلاننىڭ يوقاپ كەتكەنلىك خەۋىرىنى كۆردى . شۇنىڭدىن كېيىن ئۇنىڭ تامىقى ئازلاپ ،ئاشقازىنى ئاغرىشقا باشلىدى ، تاماكا چېكىشى كۆپلەپ ،ھۆتلىدىغان بولۇپ قالدى .

شۇنىڭدىن كېيىن ئۇ لىدۇ مېھمانخانىسىدىن ناھايىتى ئاز ئايرىلدى ،چۈنكى ئۇ ئايروپىلان توغرىسىدىكى بىرەر يېڭى خەۋەرنى كەتكۈزۈپ قۇيۇشتىن ئەنسىرەيتى ، ئۇ ھەتتا ئائىلىسىدىكىلەرگىمۇ كۆپ گەپ قىلمايدىغان بولۇپ قالدى ، توي قىلىدىغان كۈننىمۇ ئۆزى يالغۇز ھاراق ئىچىپ ،لى دۇ مېھمانخانىسىنى چۆرگىلەپ ئۆتكۈزۈۋەتتى .

ئۇ تىيەنجىنگە قايتىپ كەلگەن كۈنى ئايروپىلاننىڭ قارا قۇتىسى توغرىسىدىكى خەۋەرنى تاپشۇرىۋالدى ۋە ئۇدۇللا يەنە بېيجىڭغا قايتتى ، ئۇ ھازىرغىچە باشقلار بىلەن بىرلىكتە ،MH370نىڭ قايتىپ كېلىشىنى كۈتىۋاتىدۇ .