روسىيە زۇڭتۇڭى پۇتىن روسىيەنىڭ ئوتتۇرا قىسمىدىكى كالۇگاغا يەنە بىر ئىمزا قويۇلغان رەسىم سوۋغا قىلغان. روسىيە تاراتقۇلىرىنىڭ خەۋىرىگە قارىغاندا، ئۆتكەن يىلى يىل ئاخىرىدا كالۇگادىكى بىر ئوتتۇرا مەكتەپ ئوقۇغۇچىسى تەلەيلىك شەخس بولغاندىن كېيىن، شۇ يەردىكى بىر ئايال مەمۇرىي خادىممۇ زۇڭتۇڭنىڭ ئۆزى ئىمزا قويۇپ بەرگەن بىر پارچە رەسىمىگە ئېرىشكەن

      بۇ تەلەيلىك ئايال مەمۇرنىڭ ئىسمى يېلىنا ۋولچكوۋا بولۇپ، كالۇگادىكى بىر شەھەر ھۆكۈمىتى جەمئىيەت تەرەققىيات قانۇن بىلەن باشقۇرۇش كاپالەت ئىدارىسىدە ئىشلەيدىكەن. بۇ ئايالنىڭ بۇ زۇڭتۇڭنىڭ ئىمزالىق رەسىمگە ئېرىشىشتىكى سەۋەبى بولسا ھەر يىلى زۇڭتۇڭغا تۇغۇلغان كۈنلۈك تىلەك تىلەپ خەت يېزىپ تۇرغانلىقى بىلەن مۇناسىۋەتلىك ئىكەن. ئۆتكەن يىلى 10-ئاينىڭ 7-كۈنى، ئۇ پۇتىنغا بۇرۇنقىدەكلا ئىللىق تۇغۇلغان كۈنى تەبرىك خېتى ئەۋەتكەن، يەنە ئۆزىنىڭ ئارزۇسىنى قوشۇپ يوللىغان. ئۇنىڭدا يېزىلغان ئارزۇسى بولسا دەل زۇڭتۇڭنىڭ ئۆز قەلىمى بىلەن قويۇلغان ئىمزالىق رەسىمىگە ئېرىشىش ئىكەن.

     زۇڭتۇڭنىڭ سوۋغىسى كالۇگادىكى مەمۇرىي تەپتىش تەرىپىدىن يېلىناغا يەتكۈزۈلگەن. يېلىنا يەنە تېخى شەھەر باشلىقى ئۆزى سوۋغا قىلغان گۈل ۋە سوۋغىنى تاپشۇرۋالغان.

      ئۆتكەن يىلى 12-ئاينىڭ ئاخىرىدا، پۇتىن كالۇگادىكى بىر 13 ياشلىق ئۆسمۈرنىڭ ئارزۇسىنى ئەمەلگە ئاشۇرغان بولۇپ، ئۇنىڭغىمۇ ئۆزى ئىمزا قويغان رەسىمىنى يېڭى يىللىق سوۋغا قىلغانىدى. تاراتقۇلارنىڭ خەۋىرىگە قارىغاندا، بۇ پۇتىننىڭ تۇنجى قېتىم كالۇگادىكى بالىلارنىڭ ئارزۇسىنى ئەمەلگە ئاشۇرۇشى ئەمەسكەن. 2012-يىلى، 11 ياشلىق بىر بالا پۇتىنغا خەت يېزىپ، ئۆز كەنتىنىڭ يولىنى ياسىتىپ بېرىشنى ئۆتۈنگەن. بۇنىڭدىن باشقا يەنە بىر كومپىيۇتېرغا ئىگە بولۇش ئارزۇسى بارلىقىنى ئېيتقان. شۇنىڭغا ئوخشاشلا ئارزۇسى بىر كومپىيۇتېرغا ئېرىشىش بولغان يەنە بىر بالىمۇ 18 ياشلىق تۇغۇلغان كۈنىدە زۇڭتۇڭدىن كەلگەن سوۋغىنى تاپشۇرۋالغان.